໖. ຈມ຺ເປຍ຺ຍກ຺ຂນ຺ຘກ

ປຸຈ຺ຉາ – ສຸທ຺ຘໍ ອາວຸໂສ ຠິກ຺ຂຸໍ ອນາປຕ຺ຕິກໍ ອວຕ຺ຖຸສ຺ມິໍ ອກາຣເຓ ອຸກ຺ຂິປນ຺ຕສ຺ສ ທຸກ຺ກຏໍ ຠຄວຕາ ກຕ຺ຖ ປຎ຺ຎຕ຺ຕໍ, ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ປຎ຺ຎຕ຺ຕໍ.

ວິສ຺ສຊ຺ຊນາ – ຈມ຺ປາຍໍ ຠນ຺ເຕ ສມ຺ພຫຸເລ ຠິກ຺ຂູ ອາຣພ຺ຠ ປຎ຺ຎຕ຺ຕໍ, ຠຄວຕິ ຠນ຺ເຕ ຈມ຺ປາຍໍ ວິຫຣຕິ ສມ຺ພຫຸລາ ຠິກ຺ຂູ ກາສີສຸ ວາສຠຄາເມ ສຸທ຺ຘໍ ກສ຺ສປໂຄຕ຺ຕໍ ຠິກ຺ຂຸໍ ອນາປຕ຺ຕິກໍ ອວຕ຺ຖຸສ຺ມິໍ ອກາຣເຓ ອຸກ຺ຂິປິໍສຸ, ຕສ຺ມິໍ ຠນ຺ເຕ ວຕ຺ຖຸສ຺ມິໍ ປຎ຺ຎຕ຺ຕໍ.

ປຸຈ຺ຉາ – ຈມ຺ເປຍ຺ຍກໍ ປຸຈ຺ຉິສ຺ສໍ, ສນິທານໍ ສນິທ຺ເທສໍ. ສມຸກ຺ກຏ຺ຐປທານໍ ອາວຸໂສ ກຕິ ອາປຕ຺ຕິໂຍ.

ວິສ຺ສຊ຺ຊນາ – ຈມ຺ເປຍ຺ຍກໍ ວິສ຺ສຊ຺ຊິສ຺ສໍ, ສນິທານໍ ສນິທ຺ເທສໍ. ສມຸກ຺ກຏ຺ຐປທານໍ ຠນ຺ເຕ ເອກາ ອາປຕ຺ຕິ.