ຘາຕຸສໍຍຸຕ຺ຕ
ຈງ຺ກມສຸຕ຺ຕ
ປຸຈ຺ຉາ – ຘາຕຸສໍຍຸຕ຺ເຕ ປນາວຸໂສ ຈງ຺ກມສຸຕ຺ຕໍ ຠຄວຕາ ກຕ຺ຖ ກໍ ອາຣພ຺ຠ ກຖຎ຺ຈ ຠາສິຕໍ.
ວິສ຺ສຊ຺ຊນາ – ຣາຊຄເຫ ຠນ຺ເຕ ສມ຺ພຫຸເລ ຠິກ຺ຂູ ອາຣພ຺ຠ ‘‘ຘາຕຸໂສວ ຠິກ຺ຂເວ ສຕ຺ຕາ ສໍສນ຺ທນ຺ຕິ ສເມນ຺ຕິ, ຫີນາຘິມຸຕ຺ຕິກາ ຫີນາຘິມຸຕ຺ຕິເກຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ, ກລ຺ຍາຓາຘິມຸຕ຺ຕິກາ ກລ຺ຍາຓາຘິມຸຕ຺ຕິເກຫິ ສທ຺ຘິໍ ສໍສນ຺ທນ຺ຕິ ສເມນ຺ຕີ’’ຕິ ເອວມາທິນາ ຠຄວຕາ ຠາສິຕໍ.
ອສ຺ສທ຺ຘສໍສນ຺ທນສຸຕ຺ຕ
ປຸຈ຺ຉາ – ອສ຺ສທ຺ຘສໍສນ຺ທນສຸຕ຺ຕໍ ປນາວຸໂສ ຠຄວຕາ ກຕ຺ຖ ກໍ ອາຣພ຺ຠ ກຖຎ຺ຈ ຠາສິຕໍ.
ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ສມ຺ພຫຸເລ ຠິກ຺ຂູ ອາຣພ຺ຠ ‘‘ຘາຕຸໂສວ ຠິກ຺ຂເວ ສຕ຺ຕາ ສໍສນ຺ທນ຺ຕິ ສເມນ຺ຕິ, ອສ຺ສທ຺ຘາ ອສ຺ສທ຺ເຘຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ, ອຫິຣິກາ ອຫິຣິເກຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ, ອໂນຕ຺ຕປ຺ປິໂນ. ອປ຺ປສ຺ສຸຕາ. ກຸສີຕາ. ມຸຏ຺ຐສ຺ສຕິໂນ. ທຸປ຺ປຎ຺ຎາ ທຸປ຺ປຎ຺ເຎຫິ ສທ຺ຘິໍ ສໍສນ຺ທນ຺ຕິ ສເມນ຺ຕີ’’ຕິ ເອວມາທິນາ ຠຄວຕາ ຠາສິຕໍ.