ມາຣສໍຍຸຕ຺ຕ

ຕໂປກມ຺ມສຸຕ຺ຕ

ປຸຈ຺ຉາ – ຕໂປກມ຺ມສຸຕ຺ຕໍ ປນາວຸໂສ ຠຄວຕາ ຊິເນນ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ກຖຎ຺ຈ ຠາສິຕໍ.

ວິສ຺ສຊ຺ຊນາ – ອຸຣຸເວລາຍໍ ຠນ຺ເຕ ມາຣໍ ປາປິມນ຺ຕໍ ອາຣພ຺ຠ ຠາສິຕໍ. ມາໂຣ ຠນ຺ເຕ ປາປິມາ ຠຄວນ຺ຕໍ ອຸປສງ຺ກມິຕ຺ວາ ຄາຖາຍ ອຊ຺ຌຠາສິ.

‘‘ຕໂປກມ຺ມາ ອປກ຺ກມ຺ມ, ເຍນ ສຸຊ຺ຌນ຺ຕິ ມາຓວາ;

ອສຸທ຺ໂຘ ມຎ຺ຎສິ ສຸທ຺ໂຘ, ສຸທ຺ຘິມຄ຺ຄາ ອປຣທ຺ໂຘ’’ຕິ.

ຕສ຺ມິໍ ຠນ຺ເຕ ວຕ຺ຖຸສ຺ມິໍ–

‘‘ອນຕ຺ຕສໍຫິຕໍ ຎຕ຺ວາ, ຍໍ ກິຎ຺ຈິ ອມຣໍ ຕປໍ;

ສພ຺ພໍ ນຕ຺ຖາວຫໍ ໂຫຕິ, ຜິຍາຣິຕ຺ຕໍວ ຘມ຺ມນິ;

ສີລໍ ສມາຘິ ປຎ຺ຎຎ຺ຈ, ມຄ຺ຄໍ ໂພຘາຍ ຠາວຍໍ;

ປຕ຺ໂຕສ຺ມິ ປຣມໍ ສຸທ຺ຘິໍ, ນິຫໂຕ ຕ຺ວມສິ ອນ຺ຕກາ’’ຕິ.

ເອວໍ ໂຂ ຠນ຺ເຕ ຠຄວຕາ ຊິເນນ ຠາສິຕໍ.

ຕໂປກມ຺ມາ ອປກ຺ກມ຺ມ, ເຍ ນ ສຸຊ຺ຌນ຺ຕິ ມາຓວາ;

ອສຸທ຺ໂຘ ມຎ຺ຎສິ ສຸທ຺ໂຘ, ສຸທ຺ຘິມຄ຺ຄາ ອປຣທ຺ໂຘ–

ອນຕ຺ຖສໍຫິຕໍ ອຸຕ຺ວາ, ຍໍກິຎ຺ຈິ ອມຣໍ ຕປໍ;

ສພ຺ພໍ ນຕ຺ຖາວຫໍ ໂຫຕິ, ຜິຍາຣິຕ຺ຕໍວ ຘມ຺ມນິ;

ຫຕ຺ຖິຣາຊວຓ຺ຓສຸຕ຺ຕ

ປຸຈ຺ຉາ – ຫຕ຺ຖິຣາຊວຓ຺ຓສຸຕ຺ຕໍ ປນາວຸໂສ ຠວຄຕາ ຊິເນນ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ກຖຎ຺ຈ ຠາສິຕໍ.

ວິສ຺ສຊ຺ຊນາ – ອຸຣຸເວລາຍໍ ຠນ຺ເຕ ມາຣກໍເຍວ ປາປິມນ຺ຕໍ ອາຣພ຺ຠ ຠາສິຕໍ. ມາໂຣ ຠນ຺ເຕ ປາປິມາ ຠຄວໂຕ ຠຍໍ ຉມ຺ຠິຕຕ຺ຕໍ ໂລມຫໍສໍ ອຸປ຺ປາເທຕຸກາໂມ ມຫນ຺ຕໍ ຫຕ຺ຖິຣາຊວຓ຺ຓໍ ອຠິນິມ຺ມິນິຕ຺ວາ ເຍນ ຠຄວາ ເຕນຸປສງ຺ກມິ.

ຕສ຺ມິໍ ຠນ຺ເຕ ວຕ຺ຖຸສ຺ມິໍ–

‘‘ສໍສຣໍ ທີຆມທ຺ຘານໍ, ວຓ຺ຓໍ ກຕ຺ວາ ສຸຠາສຸຠໍ;

ອລໍ ເຕ ເຕນ ປາປິມ, ນິຫໂຕ ຕ຺ວມສິ ອນ຺ຕກາ’’ຕິ.

ເອວໍ ໂຂ ຠນ຺ເຕ ຠຄວຕາ ຊິເນນ ຠາສິຕໍ.

ສໍສຣໍ ທີຆມທ຺ຘານໍ, ວຓ຺ຓໍ ກຕ຺ວາ ສຸຠາສຸຠໍ,

ອລໍ ເຕ ເຕນ ປາປິມ, ນິຫໂຕ ຕ຺ວມສິ ອນ຺ຕກ –