ເທວປຸຕ຺ຕສໍຍຸຕ຺ຕ

ສຸພ຺ຣຫ຺ມສຸຕ຺ຕ

ປຸຈ຺ຉາ – ເຕນາວຸໂສ ຠຄວຕາ ຊານຕາ ປສ຺ສຕາ ອຣຫຕາ ສມ຺ມາສມ຺ພຸທ຺ເຘນ ສຸພ຺ຣຫ຺ມສຸຕ຺ຕໍ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ກຕຎ຺ຈ ຠາສິຕໍ. ກີທິໂສ ຈ ຕຕ຺ຖ ຘມ຺ມປຏິຄ຺ຄາຫກສ຺ສ ຘມ຺ມສ຺ສວນານິສໍໂສ ອຘິຄໂຕ.

ວິສ຺ສຊ຺ຊນາ – ຣາຊຄເຫ ຠນ຺ເຕ ສຸພ຺ຣຫ຺ມເທວປຸຕ຺ຕໍ ອາຣພ຺ຠ ຠາສິຕໍ. ສຸພ຺ຣຫ຺ມາ ຠນ຺ເຕ ເທວປຸຕ຺ໂຕ ມຣຓຠຍຠີໂຕ ຠຄວນ຺ຕໍ ອຸປສງ຺ກມິຕ຺ວາ ເອຕທໂວຈ–

‘‘ນິຈ຺ຈໍ ອຸຕ຺ຣສ຺ຕມິທໍ ຈິຕ຺ຕໍ, ນິຈ຺ຈໍ ອຸພ຺ພິຄ຺ຄມິທໍ ມໂນ;

ອນຸປ຺ປນ຺ເນສຸ ກິຈ຺ເຉສຸ, ອໂຖ ອຸປ຺ປຕິເຕສຸ ຈ;

ສເຈ ອຕ຺ຖິ ອນຸຕ຺ຣສ຺ຕໍ, ຕໍ ເມ ອກ຺ຂາຫິ ປຸຈ຺ຉິໂຕ’’ຕິ–

ຕສ຺ມິໍ ຠນ຺ເຕ ວຕ຺ຖຸສ຺ມິໍ.

‘‘ນາຎ຺ຎຕ຺ຣ ໂພຊ຺ຊາ ຕປສາ, ນາຎ຺ຎຕ຺ຣິນ຺ທ຺ຣິຍສໍວຣາ;

ນາຎ຺ຎຕ຺ຣ ສພ຺ພນິສ຺ສຄ຺ຄາ, ໂສຕ຺ຖິໍ ປສ຺ສາມິ ປາຓິນ’’ນ຺ຕິ.

ເອວໍ ໂຂ ຠນ຺ເຕ ຠຄວຕາ ຠາສິຕໍ. ເທສນາປຣິໂຍສາເນ ຈ ຠນ຺ເຕ ສຸພ຺ຣຫ຺ມສ຺ສ ເທວປຸຕ຺ຕສ຺ສ ຕສ຺ມິໍເຍວ ອາສເນ ວິຣຊໍ ວີຕມລໍ ຘມ຺ມຈກ຺ຂຸໍ ອຸທປາທິ, ‘‘ຍໍກິຎ຺ຈິ ສມຸທຍຘມ຺ມໍ, ສພ຺ພໍ ຕໍ ນິໂຣຘຘມ຺ມ’’ນ຺ຕິ.

ນິຈ຺ຈໍ ອຸຕ຺ຣສ຺ຕມິທໍ ຈິຕ຺ຕໍ, ນິຈ຺ຈໍ ອຸພ຺ພິຄ຺ຄມິທໍ ມໂນ;

ອນຸປ຺ປນ຺ເນສຸ ກິຈ຺ເຉສຸ, ອໂຖ ອຸປ຺ປຕິເຕສຸ ຈ;

ສເຈ ອຕ຺ຖິ ອນຸຕ຺ຣສ຺ຕ, ຕໍ ເມ ອກ຺ຂາຫິ ປຸຈ຺ຉິໂຕ-ຫຸ–

ນາຎ຺ຎຕ຺ຣ ໂພຊ຺ຊາ ຕປສາ, ນາຎ຺ຎຕ຺ຣິນ຺ທ຺ຣິຍສໍວຣາ;

ນາຎ຺ຎຕ຺ຣ ສພ຺ພນິສ຺ສຄ຺ຄາ, ໂສຕ຺ຖິໍ ປສ຺ສາມິ ປາຓິນໍ–

ໂຣຫິຕສ຺ສສຸຕ຺ຕ

ປຸຈ຺ຉາ – ໂຣຫິຕສ຺ສສຸຕ຺ຕໍ ປນາວຸໂສ ຠຄວຕາ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ກຖຎ຺ຈ ຠາສິຕໍ.

ວິສ຺ສຊ຺ຊນາ – ສາວຕ຺ຖິຍໍ ຠນ຺ເຕ ໂຣຫິຕສ຺ສໍ ເທວປຸຕ຺ຕໍ ອາຣພ຺ຠ ຠາສິຕໍ. ໂຣຫິຕສ຺ໂສ ຠນ຺ເຕ ເທວປຸຕ຺ໂຕ ຠຄວນ຺ຕໍ ເອຕທໂວຈ ‘‘ຍຕ຺ຖ ນຸ ໂຂ ຠນ຺ເຕ ນ ຊາຍຕິ ນ ຊີຍຕິ ນ ມີຍຕິ ນ ຈວຕິ ນ ອຸປປຊ຺ຊຕິ, ສກ຺ກາ ນຸ ໂຂ ໂສ ຠນ຺ເຕ ຄມເນນ ໂລກສ຺ສ ອນ຺ໂຕ ຎາຕຸໍ ວາ ທຏ຺ຐຸໍ ວາ ປາປຸຓິຕຸໍ ວາ’’ຕິ. ຕສ຺ມິໍ ຠນ຺ເຕ ວຕ຺ຖຸສ຺ມິໍ ‘‘ຍຕ຺ຖ ໂຂ ອາວຸໂສ ນ ຊາຍຕິ ນ ຊີຍຕິ ນ ມີຍຕິ ນ ຈວຕິ ນ ອຸປປຊ຺ຊຕິ, ນາຫໍ ຕໍ ຄມເນນ ໂລກສ຺ສ ອນ຺ຕໍ ຎາເຕຍ຺ຍໍ ອຏ຺ເຐຍ຺ຍໍ ປຕ຺ເຕຍ຺ຍນ຺ຕິ ວທາມີ’’ຕິ ເອວມາທິນາ ຠນ຺ເຕ ຠຄວຕາ ຠາສິຕໍ.