ຍກ຺ຂສໍຍຸຕ຺ຕ

ອິນ຺ທກສຸຕ຺ຕ

ປຸຈ຺ຉາ – ຍກ຺ຂສໍຍຸຕ຺ເຕ ປນາວຸໂສ ປຐມໍ ສໍຄີຕໍ ອິນ຺ທກສຸຕ຺ຕໍ ຠຄວຕາ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ກຖຎ຺ຈ ຠາສິຕໍ.

ວິສ຺ສຊ຺ຊນາ – ຣາຊຄເຫ ຠນ຺ເຕ ອິນ຺ທກູເຏ ປພ຺ພເຕ ອິນ຺ທກສ຺ສ ຍກ຺ຂສ຺ສ ຠວເນ ອິນ຺ທກໍ ຍກ຺ຂໍ ອາຣພ຺ຠ ຠາສິຕໍ. ອິນ຺ທໂກ ຠນ຺ເຕ ຍກ຺ໂຂ ອຕ຺ຕວາໂທ ຠຄວນ຺ຕໍ ອຸປສງ຺ກມິຕ຺ວາ ຄາຖາຍ ອຊ຺ຌຠາສິ–

‘‘ຣູປໍ ນ ຊີວນ຺ຕິ ວທນ຺ຕິ ພຸທ຺ຘາ,

ກຖໍ ນ຺ວຍໍ ວິນ຺ທຕິມໍ ສຣີຣໍ;

ກຸຕສ຺ສ ອຏ຺ຐີຍກປິຓ຺ຑເມຠິ,

ກຖໍ ນ຺ວຍໍ ສຊ຺ຊຕິ ຄພ຺ຠຣສ຺ມິ’’ນ຺ຕິ.

ຕສ຺ມິໍ ຠນ຺ເຕ ວຕ຺ຖຸສ຺ມິໍ–

‘‘ປຐມໍ ກລລໍ ໂຫຕິ, ກລລາ ໂຫຕິ ອພ຺ພຸທໍ,

ອພ຺ພຸທາ ຊາຍເຕ ເປສິ, ເປສິ ນິພ຺ພຕ຺ຕຕີ ຆໂນ;

ຆນາ ປສາຂາ ຊາຍນ຺ຕິ, ເກສາ ໂລມາ ນຂາປິຈ;

ຍຎ຺ຈສ຺ສ ຠຸຎ຺ຊຕີ ມາຕາ, ອນ຺ນໍ ປານຎ຺ຈ ໂຠຊນໍ;

ເຕນ ໂສ ຕຕ຺ຖ ຍາເປຕິ, ມາຕຸກຸຈ຺ຉິຄໂຕນໂຣ’’ຕິ.

ເອວໍ ໂຂ ຠນ຺ເຕ ຠຄວຕາ ຠາສິຕໍ.

ອາຬວກສຸຕ຺ຕ

ປຸຈ຺ຉາ – ເຕນາວຸໂສ ຠຄວຕາ…ເປ… ສມ຺ມາສມ຺ພຸທ຺ເຘນ ຍກ຺ຂສໍຍຸຕ຺ເຕ ອາຬວກສຸຕ຺ຕໍ ກຕ຺ຖ ກໍ ອາຣພ຺ຠ ກິສ຺ມິໍ ວຕ຺ຖຸສ຺ມິໍ ກຖຎ຺ຈ ຠາສິຕໍ.

ວິສ຺ສຊ຺ຊນາ – ອາຬວິຍໍ ຠນ຺ເຕ ອາຬວກສ຺ສ ຍກ຺ຂສ຺ສ ຠວເນ ອາຬວກໍ ຍກ຺ຂໍ ອາຣພ຺ຠ ຠາສິຕໍ. ອາຬວໂກ ຠນ຺ເຕ ຍກ຺ໂຂ ຠຄວນ຺ຕໍ ຄາຖາຍ ອຊ຺ຌຠາສິ–

ກິໍ ສູຘວິຕ຺ຕໍ ປຸຣິສສ຺ສ ເສຏ຺ຐໍ,

ກິໍ ສຸ ສຸຈິຓ຺ຓໍ ສຸຂມາວຫາຕິ;

ກິໍ ສຸ ຫເວ ສາທຸຕຣໍ ຣສານໍ,

ກຖໍ ຊີວິໍ ຊີວິຕາມາຫຸ ເສຏ຺ຐນ຺ຕິ.

ຕສ຺ມິໍ ຠນ຺ເຕ ວຕ຺ຖຸສ຺ມິໍ–

ສທ຺ຘີຈ ວິຕ຺ຕໍ ປຸຣິສສ຺ສ ເສຏ຺ຐໍ,

ຘມ຺ໂມ ສຸຈິຓ຺ໂຓ ສຸຂມາວຫາຕິ;

ສຈ຺ຈໍ ຫເວ ສາທຸຕຣໍ ຣສານໍ,

ປຎ຺ຎາຊີວິໍ ຊີວິຕມາຫຸ ເສຏ຺ຐນ຺ຕິ.

ເອວມາທິນາ ຠນ຺ເຕ ຠຄວຕາ ຠາສິຕໍ.

ນ ຂ຺ວາຫໍ ຕໍ ອາວຸໂສ ນິກ຺ຂມິສ຺ສາມິ, ຍໍ ເຕ ກຣຓີຍໍ, ຕໍ ກໂຣຫິ,

ປຎ຺ຫໍ ຕໍ ສມຓ ປຸຈ຺ຉິສ຺ສາມິ, ສເຈ ເມ ນ ພ຺ຍາກຣິສ຺ສສິ, ຈິຕ຺ຕໍ ວາ ເຕ ຂິປິສ຺ສາມິ, ຫທຍໍ ວາ ເຕ ຜາເລສ຺ສາມິ, ປາເທສຸ ວາ ຄເຫຕ຺ວາ ປາຣຄງ຺ຄາຍ ຂິປິສ຺ສາມິ–

ກິໍ ສູຂ ວິຕ຺ຕໍ ປຸຣິສສ຺ສ ເສຏ຺ຐໍ, ກິໍ ສຸ ສຸຈິຓ຺ຓໍ ສຸຂມາວຫາຕິ;

ກິໍ ສຸ ຫເວ ສາທຸຠຣໍ ຣສານໍ, ກຖໍ ຊີວິໍ ຊີວິຕມາຫຸ ເສຏ຺ຐໍ–

ສທ຺ຘີຘ ວິຕ຺ຕໍ ປຸຣິສສ຺ສ ເສຏ຺ຐໍ, ຘມ຺ໂມ ສຸຈິຓ຺ໂຓ ສຸຂມາວຫາຕິ;

ສຈ຺ຈໍ ຫເວ ສາທຸຕຣໍ ຣສານໍ, ປຎ຺ຎາຊີວິໍ ຊີວິຕມາຫຸ ເສຏ຺ຐໍ;

ກຖໍສຸ ຕຣຕິ ໂອຆໍ, ກຖໍສຸ ຕຣຕິ ອຓ຺ຓວໍ;

ກຖໍສຸ ທຸກ຺ຂ ມຈ຺ເຈຕິ, ກຖໍສຸ ປຣິສຸຊ຺ຌຕິ.

ສທ຺ຘາຍ ຕຣຕິ ໂອຆໍ, ອປ຺ປມາເທນ ອຓ຺ຓວໍ;

ວີຣິເຍນ ທຸກ຺ຂ ມຈ຺ເຈຕິ, ປຎ຺ຎາຍ ປຣິສຸຊ຺ຌຕິ–

ກຖໍສຸ ລຠເຕ ປຎ຺ຎໍ, ກຖໍສຸ ວິນ຺ທເຕ ຘນໍ;

ກຖໍສຸ ກິຕ຺ຕິໍ ປປ຺ໂປຕິ, ກຖໍ ມິຕ຺ຕານິ ຄນ຺ຖຕິ;

ອສ຺ມາ ໂລກາ ປຣໍ ໂລກໍ, ກຖໍ ເປຈ຺ຈ ນ ໂສຈຕິ–

ສທ຺ທຫາໂນ ອຣຫຕໍ, ຘມ຺ມໍ ນິພ຺ພານປຕ຺ຕິຍາ;

ສຸສ຺ສູສໍ ລຠເຕ ປຎ຺ຎໍ, ອປ຺ປມຕ຺ໂຕ ວິຈກ຺ຂໂຓ;

ປຕິຣູປກາຣີ ຘຸຣວາ, ອຸຏ຺ຐາຕາ ວິນ຺ທເຕ ຘນໍ;

ສຈ຺ເຈນ ກິຕ຺ຕິໍ ປປ຺ໂປຕິ, ທທໍ ມິຕ຺ຕານິ ຄນ຺ຖຕິ;

ອສ຺ມາ ໂລກາ ປຣໍ ໂລກໍ, ເອວໍ ເປຈ຺ຈ ນ ໂສຈຕິ;

ຍສ຺ເສເຕ ຈຕຸໂຣ ຘມ຺ມາ, ສທ຺ຘສ຺ສ ຆຣເມສິໂນ;

ສຈ຺ຈໍ ຘມ຺ໂມ ຘິຕິ ຈາໂຄ, ສ ເວ ເປຈ຺ຈນ ໂສຈຕິ–