໖໐. ອາຫາຣຕ຺ຖາ

ອຊ຺ໂຌຫາຣຕ຺ຖາ ອາຘາເຣ ກ຺ໂຕ ໂຫຕິ ຍຖາປຕ຺ຕຎ຺ຈ. ຠຸຕ຺ຕວນ຺ໂຕ+ສ຺ມິນ຺ຕິ ຠຸຕ຺ຕໍ. ເອວໍ ປີຕໍ, ‘‘ຄາປານ+ມີ’’ຕິ ອີ. ຠຸຎ຺ຊນໍ ຠຸຕ຺ຕໍ ປານໍ ປີຕໍ. ຠຸຎ຺ຊີຍິຕ຺ຖາຕິ ຠຸຕ຺ໂຕ ໂອທໂນ. ເອວໍ ປີຕໍ ອຸທກໍ. ອກຕ຺ຕຕ຺ຖໍ ຠິນ຺ນໂຍຄກຣຓໍ. ພຫຸລາຘິກາຣາ ກຕ຺ຕຣິປິ ‘‘ອປິວິໍສູຕິ ປີຕາ ຄາໂວ’’ຕິ ໂຫເຕວ. ສິທ=ປາເກ, ປສ຺ສິຊ຺ຊີຕິ ປສ຺ສນ຺ໂນ, ‘‘ຄມນຕ຺ຖ’’ ທິນາ ກ຺ໂຕ, ‘‘ຠິທາ’’ ທິນາ ຕສ຺ສ ໂນ ປຣຣູປຎ຺ຈ. ອມຎ຺ຎິຕ຺ຖາຕິ ມໂຕ. ອິຈ຺ຉີຍິຕ຺ຖາຕິ ອິຏ຺ໂຐ. ອພຸຊ຺ຌິຕາຕິ ພຸທ຺ໂຘ, ‘‘ໂຘ ຘຫເຠຫີ’’ຕິ ຕສ຺ສ ໂຘ. ປູຊີຍິຕ຺ຖາຕິ ປູຊິໂຕ, ຈຸຣາທິຕ຺ຕາ ຓິ. ເອວໍ ສີລີຍິຕ຺ຖາຕິ ສີລິໂຕ. ຣກ຺ຂີຍິຕ຺ຖາຕິ ຣກ຺ຂິໂຕ. ຂມີຍິຕ຺ຖາຕິ ຂນ຺ໂຕ, ມສ຺ສ ນິຄ຺ຄຫີຕໍ. ອກ຺ໂກຈ຺ຉີຍິຕ຺ຖາຕິ ອກ຺ກຸຏ຺ໂຐ, ອາສ຺ສ ຣສ຺ໂສ. ຣຸສ=ໂຣເສ, ອໂຣສີຕິ ຣຸຏ຺ໂຐ, ‘‘ຄມນຕ຺ຖາ’’ ທິນາ ກຕ຺ຕຣິ ກ຺ໂຕ. ຎິມ຺ຫິ ຣຸສິໂຕ. ຫຣ=ຫຣເຓ, ອຠິ+ ວິ+ອາປຸພ຺ໂພ, ອຠິພ຺ຍາຫຣີຍິຕ຺ຖາຕິ ອຠິພ຺ຍາຫໂຏ. ທຍ=ທານຄຕິຫິໍສາທາເນສຸ, ອທຍີຍິຕ຺ຖາຕິ ທຍິໂຕ. ຫສ=ອາລິກ຺ເຍ, ອຫສີຕິ ຫຏ຺ໂຐ. ກາມີຍິຕ຺ຖາຕິ ກນ຺ໂຕ, ‘‘ຓິຓາປີນໍ ເຕສູ’’ຕິ ເອຕ຺ຖ ‘‘ຓິຓາປີນໍ’’ຕິ ໂຍຄວິຠາຄາ ຈຸຣາທິຓິໂລໂປ. ສໍຍມີຕິ ສໍຍໂຕ. ນຎປຸພ຺ໂພ, ນ ມຣີຕິ ອມໂຕ, ນຎສມາເສ ນສ຺ສ ໂຏ.

ກຏ຺ຐໍ ທຸກ຺ຂໍ ອາປນ຺ໂນຕິ ຜລຠູເຕ ທຸກ຺ເຂ ກຏ຺ຐສທ຺ທສ຺ສ ວຕ຺ຕນໂຕ ຜລສ຺ສ ຠາວິຕ຺ຕາ ຠູເຕເຍວ ກ຺ໂຕ. ກສ=ຄຕິຫິໍສາວິເລຂເນສຸ, ອກສິ=ຫິໍສີຕິ ກຏ຺ຐໍ.