໒໒. ທາສ຺ສ ທໍ ວາ ມິເມສ຺ວ+ທ຺ວິຕ຺ເຕ

ອທ຺ວິຕ຺ເຕ ວຕ຺ຕມານສ຺ສ ທາສ຺ສ ທໍ ໂຫຕິ ວາ ມິເມສຸ. ວຄ຺ຄນ຺ຕໍ, ທມ຺ມິ ເທມິ, ທມ຺ມ ເທມ. ອີກາເຣ ທີຍຕິ ອິຈ຺ຈາທິ. ອນາຄຕຕ຺ເຖ ອິຎາຄເມ ສຣໂຓປາທິ, ທທິສ຺ສຕິ, ທທິສ຺ສນ຺ຕິ. ທຊ຺ຊິສ຺ສຕິ, ທຊ຺ຊິສ຺ສນ຺ຕິ. ລວິກຣເຓ ທສ຺ສຕິ, ທສ຺ສນ຺ຕິ. ອຊ຺ຊຕເນ-ອທທິ, ອທທິໍສຸ, ອທຊ຺ຊິ, ອທຊ຺ຊິໍສຸ, ອທາສິ, ອທໍສຸ. ອນຊ຺ຊຕເນ-ອທທາ, ອທທຸ. ກາລາຕິປຕ຺ຕິຍໍ-ອທທິສ຺ສ ອທຊ຺ຊິສ຺ສ, ເລ ອທສ຺ສ, ທສ຺ສໍສຸ. ເອຍ຺ຍາທິມ຺ຫິ-ທເທ ທເທຍ຺ຍ ທຊ຺ເຊ ທຊ຺ເຊຍ຺ຍ. ‘‘ຏາ’’ຕິ ພຫຸລາຘິກາຣາ ທຊ຺ຊາເທສາ ປຣສ຺ສ ເອຍ຺ຍສ຺ສ ຏາ, ທຊ຺ຊາ, ທຊ຺ຊຸໍ ທຊ຺ເຊຍ຺ຍໍ ທເທຍ຺ຍຸໍ. ຕ຺ວາທີສຸ-ທທາຕຸ, ທທນ຺ຕຸ, ທຊ຺ຊຕຸ, ທຊ຺ຊນ຺ຕຸ, ລສ຺ເສ+ກາເຣ ເທຕຸ, ເທນ຺ຕຸ ອິຈ຺ຈາທິ. ສພ຺ພຕ຺ຖ ກມ຺ເມປິ ໂຍຊນີຍໍ.

ຘາ=ຘາຣເຓ, ຕ຺ຍາທິມ຺ຫິ ຈຄ຺ຄຫເຓນ ທ຺ວິຕ຺ເຕ ປຸພ຺ພາກາຣສ຺ສ ຣສ຺ສຕ຺ເຕ ລໂລເປ ‘‘ຈຕຸຕ຺ຖທຸຕິຍານໍ ຕຕິຍປຐມາ’’ຕິ ປຸພ຺ພຘກາຣສ຺ສ ທກາເຣ ຈ ກເຕ ທຘາຕິ, ທຘນ຺ຕິ. ປິປຸພ຺ໂພ, ‘‘ຕທມິນາ’’ ທິນາ ອາສ຺ສ ໂລໂປ, ‘‘ຘາສ຺ສ ໂຫ’’ຕິ ທ຺ວິຕ຺ເຕ ປຣສ຺ສ ຘາສ຺ສ ຫກາໂຣ, ທ຺ວາຣໍ ປິທຫຕິ, ປິທຫນ຺ຕິ. ລສ຺ເສ+ກາເຣ ນິເຘຕິ, ນິເຘນ຺ຕິ. ກມ຺ເມ-ວິຘີຍຕິ, ວິຘີຍນ຺ຕິ ອິຈ຺ຈາທິ. ຘສ຺ສຕິ, ປິທຫິສ຺ສຕິ, ປຣິທເຫສ຺ສຕິ. ອຘາສິ, ປິທຫິ. ອຘສ຺ສ, ປິທຫິສ຺ສ. ທເຘ ທເຘຍ຺ຍ, ປິທເຫ ປິທເຫຍ຺ຍ. ທທາຕຸ, ປິທຫຕຸ, ນິເຘຕຸ, ນິເຘນ຺ຕຸ ອິຈ຺ຈາທິ. (ຊຸໂຫຕ຺ຍາທໂຍ).

ຠູວາທິ ຈ ຊຸຫາທິ ຈ, ຫຸວາທິຘາຕໂວ ຈິ+ເມ;

ສວຸທ຺ຘິກຠູວາທີຫິ, ຕິຘາ ເຠທໍ ອຸເປນ຺ຕິ ເຕ.

(ຠູວາທິນໂຍ.)

ອຘຸນາ ວິກຣຓປເຠທປກາສນຕ຺ຖໍ ຣຸຘາທີນໍ ອຏ຺ຐຄຓານໍ ການິຈິ ຣູປານິ ອຸທາຫຣິຍນ຺ເຕ –

ຣຸຘ=ອາວຣເຓ, ຕ຺ຍາທໂຍ ໂຫນ຺ຕິ. ເອວ+ມຸປຣິປິ ສພ຺ພຄເຓສຸ.