໒໖. ລຠ ວສ+ຈ຺ຉິທ ຠິທ ຣຸທານໍ ຈ຺ຉງ

ລຠາທີນໍ ຈ຺ຉງ ໂຫຕິ ສ຺ເສນ ສຫ. ລຈ຺ຉຕິ ລຠິສ຺ສຕິ, ລຈ຺ຉນ຺ຕິ ລຠິສ຺ສນ຺ຕິ ອິຈ຺ຈາທິ. ກ຺ຣິຍາຕິປຕ຺ຕິຍໍ ສ຺ສາຠາຄສ຺ສ ຈ຺ຉງາເທເສ ອລຈ຺ຉາ ອລຠິສ຺ສ ອິຈ຺ຈາທິ. ວສ=ນິວາເສ, ວຈ຺ຉຕິ ວສິສ຺ສຕິ. ກມ຺ເມ-ພຫຸລາຘິກາຣາ ‘‘ອສ຺ສູ’’ຕິ ອຸກາໂຣ, ປຸພ຺ພຣູເປ ວຸສ຺ສຕິ ວຸສ຺ສິສ຺ສຕິ ອິຈ຺ຈາທິ. ຕຖາ ອວຈ຺ຉາ ອວສິສ຺ສາ. ຉິທ=ທ຺ເວຘາກຣເຓ, ເຉຈ຺ຉຕິ ຉິນ຺ທິສ຺ສຕິ, ‘‘ມຎ຺ຈ ຣຸຘາທີນໍ’’ຕິ ມໍ ໂລ ຈ. ລສ຺ສ ໂລໂປ ຈ. ຠິທ=ວິທາຣເຓ, ເຠຈ຺ຉຕິ ຠິນ຺ທິສ຺ສຕິ. ອເຠຈ຺ຉາ ອຠິນ຺ທິສ຺ສາ. ຣຸທ=ໂຣທເນ, ຣຸຈ຺ຉຕິ ໂຣທິສ຺ສຕິ. ອຣຸຈ຺ຉາ ອໂຣທິສ຺ສາ ອິຈ຺ຈາທິ.

ອຎ຺ຎປຈ຺ຈເຍປິ ຉິທສ຺ສ ‘‘ຈ຺ຉງ’’ ອິຕິ ໂຍຄວິຠາຄາ ຈ຺ຉງ, ຠູເຕ ອູໍ ປຈ຺ຈເຍ ອຈ຺ເຉຈ຺ຉຸໍ ອຈ຺ຉິນ຺ທິໍສຸ. ວຸຕ຺ຕໂຕ ອຎ຺ຎຘາຕູນຎ຺ຈ, ຄມ=ຄມເນ, ຄຈ຺ຉໍ ຄຈ຺ຉິສ຺ສໍ. ອຎ຺ຎປຈ຺ຈເຍປິ ວຈ=ພ຺ຍຕ຺ຕວຈເນ ອິຈ຺ຈາທິ, ກມ຺ເມ-ພຫຸລາຘິກາຣາ ຕ຺ຍາທີສຸ ປຣຠູເຕສຸປິ ຍຖາຄມໍ ວຈາທີນຎ຺ຈສ຺ສ ‘‘ວຈາທີນໍ ວສ຺ສຸຏ ວາ’’ຕິ ກມ຺ເມ ອຸຏ ຈ ‘‘ອສ຺ສູ’’ຕິ ອສ຺ສ ອຸ ຈ, ເຕນ ຘມ຺ໂມ ອຸຈ຺ຈຕິ ວຸຈ຺ຈຕິ, ວຸຈ຺ຈນ຺ຕິ ອິຈ຺ຈາທິ, ຍສ຺ສ ຈ ປຸພ຺ພຣູປໍ.