໕,໔. ຕຸໍສ຺ມາ ໂລໂປ ຈິ+ຈ຺ຉາຍໍ ເຕ

ຕຸມນ຺ຕໂຕ ອິຈ຺ຉາຍ+ມຕ຺ເຖ ເຕ ຂ+ສ+ຉາ ໂຫນ຺ຕິ ພຫຸລໍ, ຕຸໍປຈ຺ຈຍສ຺ສ ໂລໂປ ຈ ໂຫຕິ, ສຸຕຕ຺ຕາ. ຠຸຊ=ປາລນ+ຊ຺ໂຌຫາເຣສຸ. ໂຠຊນາຍາຕິ ວິຄ຺ຄຍ຺ຫ ‘‘ຕຸໍ+ຕາເຍ’’ຈ຺ຈາທິນາ ຕຸໍປຈ຺ຈເຍ ‘‘ລຫຸສ຺ສຸປນ຺ຕສ຺ສາ’’ຕິ ໂອກາເຣ ປຣຣູເປ ຈ ກເຕ ໂຠຕ຺ຕຸ+ມິຈ຺ຉຕີຕິ ວິຄ຺ຄຍ຺ຫ ອິມິນາ ຂປຈ຺ຈເຍ ຕຸໍປຈ຺ຈຍສ຺ສ ອິມິນາ ຈ ໂລເປ ‘‘ນິມິຕ຺ຕາຠາເວ ເນມິຕ຺ຕິກສ຺ສາປິ ຈ ອຠາໂວ’’ຕິ ຎາຍາ ປຣຣູປໂອກາຣານໍ ອຠາເວ ຂສ຺ສ ປຣຣູປ+ຂກາຣາທິມ຺ຫິ ຈ ກເຕ ຠຸກ຺ຂ ຠຸກ຺ຂ ອິຕິ ທ຺ວິຕ຺ເຕ ຕຕິຍພກາໂຣ ໂຫຕິ, ພຸຠຸກ຺ຂຘາຕຸໂຕ ຕ຺ຍາທໂຍ ໂຫນ຺ຕິ, ພຸຠຸກ຺ຂຕິ, ພຸຠຸກ຺ຂນ຺ຕິ ອິຈ຺ຈາທິ.

ຊິ=ຊເຍ, ຊຍນາຍ ອິຕິ ວິຄ຺ຄຍ຺ຫ ປຸເຣ ວິຍ ຕຸມາທິມ຺ຫິ ກເຕ ເຊຕຸ+ມິຈ຺ຉຕີຕິ ວິຄ຺ຄຍ຺ຫ ສປ຺ປຈ຺ຈເຍ ຊິສ ຊິສ ອິຕິ ທ຺ວິຕ຺ເຕ ອນາທິພ຺ຍຎ຺ຊນໂລເປ ທ຺ວິຕ຺ເຕ ປຣສ຺ສ ຊິສ຺ສ ‘‘ຊິຫຣານໍ ຄິໍ’’ຕິ ຄິໍ. ຊິຄິໍສຘາຕຸໂຕ ຕ຺ຍາທີສຸ ຊິຄິໍສຕິ, ຊິຄິໍສນ຺ຕິ ອິຈ຺ຈາທິ.

ຆສ=ອທເນ, ຆສິຕຸ+ມິຈ຺ຉຕິ ຉປ຺ປຈ຺ຈຍາທິມ຺ຫິ ປຸເຣ ວິຍ ກເຕ ຆສ຺ສ ‘‘ກວຄ຺ຄຫາ’’ທິນາ ເຌ ຌສ຺ສ ‘‘ຈຕຸຕ຺ຖທຸຕິຍາ’’ ທິນາ ຊກາເຣ ‘‘ຂຉເສສ຺ວສ຺ສີ’’ຕິ ອິກາເຣ ຈ ກເຕ ຊິຆຈ຺ຉຘາຕຸໂຕ ຕ຺ຍາທໂຍ ໂຫນ຺ຕິ. ຊິຆຈ຺ຉຕິ, ຊິຆຈ຺ຉນ຺ຕິ+ຈ຺ຈາທິ.