໕,໑. ຕິຊ+ມາເນຫິ ຂ+ສາ ຂມາ+ວີມໍສາສຸ

ຂນ຺ຕິຍໍ ຕິຊາ, ວີມໍສາຍໍ ມານາ ຈ ຂ+ສປຈ຺ຈຍາ ໂຫນ຺ຕິ ຍຖາກ຺ກມໍ. ຕິຊ=ນິສາເນ, ອກາຣສ຺ສາ+ປໂຍໂຄ. ເຂ ‘‘ລຫຸສ຺ສຸປນ຺ຕສ຺ສາ’’ຕິ ປຕ຺ເຕ+ກາຣສ຺ສ ‘‘ອຎ຺ຎຕ຺ຣາປີ’’ຕິ ປຏິເສໂຘ. ຍກາຣວຊ຺ຊິຕພ຺ຍຎ຺ຊນສ຺ສ ‘‘ປຣຣູປ+ມຍກາເຣ ພ຺ຍຎ຺ຊເນ’’ຕິ ປຣຣູປຎ຺ຈ. ‘‘ຈຕຸຕ຺ຖທຸຕິຍາ’’ ທິນາ ປຐມກ຺ຂຣກກາເຣ ຈ ‘‘ຂຉສານ+ເມກສ຺ສໂຣ+ທິ ທ຺ເວ’’ຕິ ຕິກ຺ຂ ຕິກ຺ຂ ອິຕິ ທ຺ວິຠາເວ ‘‘ໂລໂປ+ນາທິພ຺ຍຎ຺ຊນສ຺ສາ’’ຕິອາທິໂຕ+ຎ຺ຎສ຺ສ ພ຺ຍຎ຺ຊນສ຺ສ ໂລເປ ຈ ກເຕ ຕິຕິກ຺ຂາຘາຕຸໂຕ ຕ຺ຍາທິປຈ຺ຈຍ+ລວິກຣຓານິ. ຕິຕິກ຺ຂຕິ ອິຈ຺ຈາທິ ປຸຣິມສມໍ. ກມ຺ເມ-ຕິຕິກ຺ຂີຍຕິ ອິຈ຺ຈາທິ. ອິໂຕ ປຣໍ ກມ຺ໂມທາຫຣຓໍ ນ ກຣິສ຺ສາມ.

ມານ=ປູຊາຍໍ+ຕິມສ຺ມາ ສປຈ຺ຈຍ, ທ຺ວິຕ຺ຕາທິມ຺ຫິ ກເຕ ‘‘ມານສ຺ສ ວີ ປຣສ຺ສ ຈ ມໍ’’ຕິ ປຸພ຺ພມານສ຺ສ ວີ ຈ ປຣມານສ຺ສ ມຎ຺ຈ ໂຫຕິ. ວີມໍສຘາຕຸໂຕ ຕິປຈ຺ຈຍາທິມ຺ຫິ ກເຕ ວີມໍສຕິ ອິຈ຺ຈາທິ. ຕິຕິກ຺ຂິສ຺ສຕິ, ວີມໍສິສ຺ສຕິ ອິຈ຺ຈາທິ. ເອວ+ມຸປຣິປິ ອຊ຺ຊຕນາທີສຸປິ ໂຍເຊຕພ຺ພໍ. ປໂຍຊກຕ຺ຕາ ຓິ, ‘‘ຓິຓາປ຺ຍາປີຫິ ວາ’’ຕິ ລວິກຣຓໍ, ເຕຊຍຕິ ເຕເຊຕິ. ຕຖາ ຈຸຣາທິຕ຺ຕາ ນ ລວິກຣຓໍ, ມານຍຕິ ມາເນຕິ.