໑໒໗. ໂກສຊ຺ຊາ+ຊ຺ຊວ+ປາຣິສຊ຺ຊ+ໂສຫຊ຺ຊ+ມທ຺ທວາ+ຣິສ຺ສາ+ສຠາ+ຊຎ຺ຎ+ເຖຍ຺ຍ+ ພາຫຸສຈ຺ຈາ

ເອເຕ ສທ຺ທາ ນິປຈ຺ຈນ຺ເຕ ຓານຸພນ຺ເຘ. ກຸສີຕສ຺ສ ຠາໂວຕິ ຠາເວ ຓ຺ໂຍ ໂຫຕິ, ອິມິນາ ອີສ຺ສ ອກາເຣ ຈ ຕສ຺ສ ເຊ ຈ ກເຕ ຍສ຺ສ ປຸພ຺ພຣູປໍ, ໂກສຊ຺ຊໍ. ອຸຊຸໂນ ຠາເວ ອຊ຺ຊວໍຕິ ໂຓ, ອິມິນາ ອຸສ຺ສ ອຕ຺ຕໍ, ‘‘ອຸວຓ຺ຓສ຺ສາ+ວງ ສເຣ’’ຕິ ອວງອາເທເສ ຊສ຺ສ ທ຺ວິຕ຺ຕໍ. ປຣິສາສຸ ສາຘູຕິ ວາກ຺ເຍ ‘‘ຓ຺ໂຍ ຕຕ຺ຖ ສາຘູ’’ຕິ ຓ຺ໂຍ, ອິມິນາ ຊາຄໂມ ຈ, ‘‘ພ຺ຍຎ຺ຊເນ ທີຆຣສ຺ສາ’’ຕິ ອາສ຺ສ ຣສ຺ເສ ຈ ກເຕ ຊສ຺ສ ປຸພ຺ພຣູປໍ, ປາຣິສຊ຺ໂຊ. ອິມິນາ ກເມນ ວາກ຺ເຍເນວ ສທ຺ທສິທ຺ຘິ ເວທິຕພ຺ພາ. ສຸຫທໂຍວ ສຸຫຊ຺ໂຊ, ຕສ຺ສ ຠາໂວ ໂສຫຊ຺ຊໍ, ອິມິນາ ອຍໂລໂປ. ມຸທຸໂນ ຠາໂວ ມທ຺ທວໍ, ອິມິນາ ອຸສ຺ສ ອຕ຺ຕໍ. ອິສິໂນ ອິທໍ ຠາໂວ ວາ ອາຣິສ຺ສໍ, ຓ຺ຍປຈ຺ຈເຍ ອິມິນາ ອາຣຎາຄເມ ‘‘ໂລໂປ+ວຓ຺ຓິ+ວຓ຺ຓານໍ’’ຕິ ອນ຺ຕອິກາຣໂລໂປ ຈ. ອຸສຠສ຺ສ ອິທໍ ຠາໂວ ວາ ອາສຠໍ, ອິມິນາ ອຸສ຺ສ ອາ. ອາຊານີຍສ຺ສ ຠາໂວ ອາຊຎ຺ຎໍ, ອິມິນາ ຍໂລເປ ‘‘ໂລໂປ+ວຓ຺ຓິ+ວຓ຺ຓານໍ’’ຕິ ອີກາຣໂລໂປ. ເຖນສ຺ສ ຠາໂວ ເຖຍ຺ຍໍ, ອິມິນາ ນສ຺ສ ຍກາໂຣ. ພຫຸສ຺ສຸຕສ຺ສ ຠາໂວ ພາຫຸສຈ຺ຈໍ, ອິມິນາ ອຸສ຺ສ ອກາໂຣ ສໍໂຍຄາທິໂລໂປ. (ຠາວຕທ຺ຘິຕໍ).