໑໑. ວິເສສນ+ເມກຕ຺ເຖນ

ວິເສສນໍ ສ຺ຍາທ຺ຍນ຺ຕໍ ວິເສສ຺ເສນ ສ຺ຍາທ຺ຍນ຺ເຕນ ສມານາຘິກຣເຓນສເຫ+ກຕ຺ຖໍ ໂຫຕິ.

ສມານຕ຺ເຖ ປເທ ຍຕ຺ຖ, ເຠທ຺ຍເຠທກວາຈເກ;

ວິເສສນສມາໂສ+ຍໍ, ວິເສສ຺ສຕ຺ຖປຘານໂຕ.

ວິເສສ຺ສຄຕ+ເມວ+ຕ຺ຣ, ລິງ຺ຄ+ເມຕໍ ປຣໍ ຕໂຕ;

ກມ຺ມຘາຣຍ+ມິຈ຺ເຈ+ສ, ສມາໂສ+ຎ຺ເຎຫິ ສຎ຺ຎິໂຕ.

ສຸຕ຺ເຕ ວິເສສ຺ເສນາຕິ ອວຸຕ຺ເຕປິ ວິເສສນສ຺ສ ສມ຺ພນ຺ຘີສທ຺ທຕ຺ຕາ ສາມຕ຺ຖິຍໂຕ ລພ຺ຠມານອາກຑ຺ຒິຕສທ຺ທໍ ປຕິ ‘‘ວິເສສ຺ເສນາ’’ຕິ ວຸຕ຺ຕໍ. ວຸຕ຺ຕຎ຺ຈ –

ສາມຎ຺ຎວຕ຺ຖຸ ຍາ ວຕ຺ຖ+ນ຺ຕຣໂຕ ຕຸ ວິເສສິຍ;

ເອກປ຺ປກາເຣ ຐປນາ, ວິເສສນ+ມິຕີ+ຣິຕໍ.

ເອກປ຺ປກາຣຄໍ ວຕ຺ຖຸ, ວິເສສ຺ສນ຺ຕິ ປວຸຈ຺ຈຕິ;

ປທານິ ຍານິ ຍາເນວ, ສມ຺ພນ຺ຘ+ມຸປຍນ຺ຕິ+ຫ;

ຄມ຺ຍເຕ ກາມຈາເຣນ, ວິເສສນ+ວິເສສ຺ສຕາຕິ.

ເອຕ຺ຖ ຈ ອຸປ຺ປລທພ຺ພໍ ຣຕ຺ຕຸປ຺ປລາທິໂຕ ວິເສສຍຕີຕິ ນີລສທ຺ໂທ ວິເສສນໍ. ເຕນ ວິເສສິຍຕີຕິ ອຸປ຺ປລສທ຺ໂທ ວິເສສ຺ສໍ. ອປິ ຈ ຠມຣ+ງ຺ຄາຣາທິສາມຎ຺ຎ ນີລຕ຺ຖໂຕ ວິເສສິຍຕີຕິ ນີລໍ ວິເສສ຺ສໍ. ນ ວຕ຺ຖາທີນໍ, ອຸປ຺ປລສ຺ເສວາຕິ ວິເສສນໂຕ ອຸປ຺ປລໍ ວິເສສນໍຕິ ກາມຈາເຣເນຕິ ວຸຕ຺ຕໍ. ອປິ ຈ –

ປຣິໂຕ ອຍນ຺ຕ຺ຍ+ເນນ+ຕ຺ຖາ, ປຣິຍາໂຍຕິ ວຸຈ຺ຈຕິ;

ໂຄວາຈາຕິ ປວຸຕ຺ເຕ ຕຸ, ວາຈຕ຺ໂຖ ຕຸ ວິເສສນໍ.

ວິເສສ຺ເສ ທິສ຺ສມານາ ຍາ, ລິງ຺ຄ+ສໍຂ຺ຍາ+ວິຠຕ຺ຕິໂຍ;

ຕຸລ຺ຍາຘິກຣເຓ ຠິຍ຺ໂຍ, ກຕ຺ຕພ຺ພາ ຕາ ວິເສສເນຕິ –

ວຸຕ຺ຕຕ຺ຕາ ມຫນ຺ໂຕ+ຈ຺ຈາທີສຸ ສມານລິງ຺ຄາທໂຍ ທຏ຺ຐພ຺ພາ. ຠິຍ຺ໂຍຕິ ກິໍ, ເທວາ ປມາຓໍ ອິຈ຺ຈາທິ.

ໂສ ຈ ຉພ຺ພິໂຘ ວິເສສນປຸພ຺ພປໂທ, ວິເສສນຸຕ຺ຕຣປໂທ, ວິເສສໂນຠຍປໂທ, ອຸປມານຸຕ຺ຕຣປໂທ, ສມ຺ຠາວນາປຸພ຺ພປໂທ, ອວຘາຣຓປຸພ຺ພປໂທຕິ.

ຕຕ຺ຖ ວິເສສນປຸພ຺ພປເທ ຕາວ-ມຫນ຺ໂຕ ຈ ໂສ ປຸຣິໂສ ຈາຕິ ວາກ຺ເຍ ອິມິນາ ສຸຕ຺ເຕນ ສມາໂສ. ‘‘ຏ ນ຺ຕ+ນ຺ຕູນໍ’’ຕິ ນ຺ຕສ຺ສ ຏາເທເສ ທີໂຆ ໂຫຕິ, ມຫາປຸຣິໂສ, ມຫາປຸຣິສາ ອິຈ຺ຈາທິ.

ວາກ຺ເຍ ຕຸລ຺ຍາຘິກຣຓຠາວ ປກາສນຕ຺ຖໍ ຈ+ຕ-ສທ຺ທປໂຍໂຄ. ວຸຕ຺ຕິຍນ຺ຕຸ ສມາເສເນວ ຕປ຺ປກາສນໂຕ ນ ຕປ຺ປໂຍໂຄ. ເອວ+ມຎ຺ຎຕ຺ຣາປິ ວຸຕ຺ຕຕ຺ຖານ+ມປ຺ປໂຍໂຄ. ເອວໍ ມຫາວີໂຣ, ມຫາມຸນິ. ມຫນ຺ຕຎ຺ຈ ຕໍ ພລຎ຺ຈາຕິ ມຫາພລໍ, ມຫພ຺ຠຍໍ. ສນ຺ໂຕ ຈ ໂສ ປຸຣິໂສ ຈາຕິ ສປ຺ປຸຣິໂສ. ຕຖາ ປຸພ຺ພປຸຣິໂສ, ອປຣປຸຣິໂສ, ປຐມປຸຣິໂສ, ມຊ຺ຌິມປຸຣິໂສ, ອຸຕ຺ຕມປຸຣິໂສ, ປຣປຸຣິໂສ, ເສຕຫຕ຺ຖີ, ກຓ຺ຫສປ຺ໂປ, ນີລຸປ຺ປລໍ, ຣຕ຺ຕຸປ຺ປລໍ, ໂລຫິຕຈນ຺ທນໍ. ກ຺ວຈິ ນ ໂຫຕິ, ປຸຓ຺ໂຓ ມນ຺ຕານີປຸຕ຺ໂຕ, ຈິຕ຺ໂຕ ຄຫປຕິ. ປຸມາ ຈ ໂສ ໂກກິໂລ ຈາຕິ ປຸງ຺ໂກກິໂລ, ອຸຕ຺ຕຣປເທ ປຸມສ຺ສ ປຸໍ ໂຫຕິ. ເອວໍ ປຸນ຺ນາໂຄ.

ຂຕ຺ຕິຍາ ຈ ສາ ກຎ຺ຎາ ຈາຕິ ຂຕ຺ຕິຍກຎ຺ຎາ.