໓໕. ຉຏ຺ຐີ ຈາ+ນາທເຣ

ຍສ຺ສ ຠາໂວ ຠາວນ຺ຕຣສ຺ສ ລກ຺ຂຓໍ ຠວຕິ, ຕໂຕ ຉຏ຺ຐີ ໂຫຕິ ສຕ຺ຕມີ ຈາ+ນາທເຣ ຄມ຺ຍມາເນ. ອກາມການໍ ມາຕາປິຕູນໍ ຣຸທນ຺ຕານໍ ປພ຺ພຊິ, ມາຕາປິຕູສຸ ຣຸທນ຺ເຕສຸ ວາ. ‘‘ອາໂກຏຍນ຺ໂຕ ໂສ ເນຕິ, ສິວິຣາຊສ຺ສ ເປກ຺ຂເຕ’’, ‘‘ມຈ຺ຈຸ ອາທາຍ ຄຈ຺ຉຕິ, ເປກ຺ຂມາເນ ມຫາຊເນ’’.

ຄຸນ຺ນໍ ສາມີຕິ ສມ຺ພນ຺ເຘ ຉຏ຺ຐີ, ໂຄສຸ ສາມີຕິ ວິສຍສຕ຺ຕມີ. ເອວໍ ຄຸນ຺ນມິສ຺ສໂຣ, ໂຄສ຺ວິ+ສ຺ສໂຣ, ຄຸນ຺ນໍ ອຘິປຕິ, ໂຄສຸ ອຘິປຕິ, ຄຸນ຺ນໍ ທາຍາໂທ, ໂຄສຸ ທາຍາໂທ, ຄຸນ຺ນໍ ສກ຺ຂີ, ໂຄສຸ ສກ຺ຂີ, ຄຸນ຺ນໍ ປຕິຠູ, ໂຄສຸ ປຕິຠູ, ຄຸນ຺ນໍ ປສຸໂຕ, ໂຄສຸ ປສຸໂຕ, ກຸສລາ ນຈ຺ຈຄີຕສ຺ສ, ກຸສລາ ນຈ຺ຈຄີເຕ, ອາຍຸຕ຺ໂຕ ກຏກຣຓສ຺ສ, ອາຍຸຕ຺ໂຕ ກຏກຣເຓ. ຕຖາ ອາຘາຣວຈນິຈ຺ຉາຍໍ ສຕ຺ຕມີ, ຠິກ຺ຂູສຸ ອຠິວາເທນ຺ຕິ, ມຸທ຺ຘນິ ຈຸມ຺ພິຕ຺ວາ, ພາຫາສຸ ຄເຫຕ຺ວາ, ຫຕ຺ເຖສຸ ປິຓ຺ຑາຍ ຈຣນ຺ຕິ, ກທລີສຸ ຄເຊ ຣກ຺ຂນ຺ຕິ, ຎາຓສ຺ມິໍ ປສນ຺ໂນ, ຎາຓສ຺ມິໍ ອຸສ຺ສຸກ຺ໂກຕິ ວິສຍສຕ຺ຕມີ.