໘໘. ໂຍໂລປ+ນິສຸ ທີໂຆ

ໂຍນໍ ໂລເປນິສຸ ຈ ທີໂຆ ໂຫຕິ. ມຸນິ. ມຸນໂຍຕິ ເອຕ຺ຖ ໂຍໂລໂປ ກິມຕ຺ຖໍ ນ ໂຫຕິ, ອກ຺ເກນ ຌຕ຺ຕສ຺ສ ນາສິຕຕ຺ຕາ. ກິນ຺ຕິ ປຐມໍ ນ ໂຫຕິ, ອນ຺ຕຣງ຺ຄຕ຺ຕາ ຌຕ຺ຕສ຺ສ. ໂຠ ມຸນິ ມຸນີ, ມຸນໂຍ ມຸນີ. ມຸນິໍ, ມຸນໂຍ ມຸນີ. ມຸນິນາ, ມຸນີຫິ ມຸນີຠິ. ‘‘ໂຍໂລປນິສຸ’’ ‘‘ວີມນ຺ຕຸວນ຺ຕູນ’’ ມິຈ຺ຈາທິຎາປກາ ອິກາຣຸກາຣານໍ ສຸນໍຫິສຸ ທີຆສ຺ສາ+ນິຈ຺ຈຕ຺ຕາ ມຸນິຫິ ມຸນິນໍ ມຸນິສຸ ອິຕິປິ ໂຫຕິ. ‘‘ຌລາ ສສ຺ສ ໂນ’’ຕິ ໂນ, ມຸນິໂນ ມຸນິສ຺ສ, ມຸນີນໍ. ‘‘ນາສ຺ມາສ຺ສາ’’ຕິ ນາ, ມຸນິນາ ມຸນິມ຺ຫາ ມຸນິສ຺ມາ. ມຸນິມ຺ຫິ ມຸນິສ຺ມິໍ, ມຸນີສຸ. ‘‘ອິໂຕ ກ຺ວຈິ ສສ຺ສ ຏານຸພນ຺ໂຘ’’ (ຄຓສຸຕ຺ຕ)ຕິ ພ຺ຣຫ຺ມາທີສຸ ປາຐາ ‘‘ໂຍ ຈ ສິສ຺ໂສ ມຫາມຸເນ’’ຕິ ເອຕ຺ຖ ‘‘ຆ+ພ຺ຣຫ຺ມາທິເຕ’’ຕິ ສສ຺ສ ເອຏ.

ເອວໍ –

ໂຊຕິ ປາຓິ ຄຓ຺ຐິ ມຸຏ຺ຐິ, ກຸຈ຺ຉິ ວຕ຺ຖິ ສາລິ ວີຫິ;

ພ຺ຍາຘິ ໂອຘິ ໂພຘິ ສນ຺ຘິ, ຣາສິ ເກສິ ສາຕິ ທີປິ.

ອິສິ ຄິນິ ມຓິ ຘນິ, ຄິຣິ ຣວິ ກວິ ກປິ;

ອສິ ມສິ ນິຘິ ວິຘິ, ອຫິ ກິມິ ປຕິ ຫຣິ.

ອຣິ ຕິມິ ກລິ ພລິ, ຊລຘິ ຈ ຄຫປຕິ;

ອຸຣມິຕິ ວຣມຕິ, ນິຣຸປຘິ ອຘິປຕິ;

ອຎ຺ຊລິ ສາຣຖິ ອຕິຖິ, ສມາຘິ ອຸທຘິປ຺ປຠຸຕໂຍ.

ອຄ຺ຄິ+ອິສີນໍ ອຍໍ ວິເສໂສ –