໓,໑໐໑. ຉສ຺ສ ໂສ

ຉສ຺ສ ໂສ-ອິຈ຺ຈ+ຍ+ມາເທໂສ ໂຫຕິ ເສ ປເຣ. ໂສຬສ ໂສຣສ. ສຕ຺ຕຣສ ສຕ຺ຕທສ. ‘‘ເອກຏ຺ຐານ+ມາ’’ຕິ ອາ, ອຏ຺ຐາຣສ ອຏ຺ຐາທສ.

ອູນາ ຈ ສາ ວີສຕິ ຈາຕິ ‘‘ວິເສສນ+ເມກຕ຺ເຖເນ’’ຕິ ວິເສສນສມາເສ ‘‘ອິຕ຺ຖິຍໍ ຠາສິຕປຸມິ+ຕ຺ຖີ ປຸເມ+ເວກຕ຺ເຖ’’ຕິ ປຸມຕ຺ເຕ ຈ ກເຕ ເອເກນ ອູນາ ວີສຕີຕິ ຕຕິຍາສມາເສ ເອກູນວີສຕິ.

ວີສຕິອາທໂຍ ອານວຸຕິຍາ ອິຕ຺ຖິລິງ຺ເຄ+ກວຈນາ. ໂຠ ເອກູນວີສຕິ. ເອກູນວີສຕິໍ. ເອກູນວີສຕ຺ຍາ ເອກູນວີສຕິຍາ. ເອກູນວີສຕ຺ຍໍ ເອກູນວີສຕິຍໍ ເອກູນວີສຕ຺ຍາ ເອກູນວີສຕິຍາ. ມຕິສມໍ.

ເອວໍ ວີສຕິ, ເອກວີສຕິ, ທ຺ວາວີສຕິ ພາວີສຕິ, ເຕວີສຕິ ຈຕຸວີສຕິປ຺ປຠຸຕໂຍ. ປຓ຺ຓອາເທເສ ປຓ຺ຓວີສຕິ ປຎ຺ຈວີສຕິ. ເອວໍ ຉພ຺ພີສຕິ, ສຕ຺ຕວີສຕິ, ອຏ຺ຐວີສຕິ.

ເອເກນ ອູນາ ຕິໍສຕິ ຕິໍສາ ວາຕິ ເອກູນຕິໍສຕິ ເອກູນຕິໍສາ ວາ. ກຣເຓ ເອກູນຕິໍສາຍ. ເອກູນຕິໍສາຍ, ເອກູນຕິໍສາຍ, ເອກູນຕິໍສາຍ, ເອກູນຕິໍສາຍໍ. ເອວໍ ຕິໍສຕິຓິໍສາວຠຸຕໂຍ. ຕິໍສາສທ຺ທສ຺ສ ປນ ສິໂລເປ ‘‘ທີຆສ຺ໂສ’’ຕິ ໂຍຄວິຠາຄາ ຣສ຺ໂສ, ຕິໍສ. ນິຄ຺ຄຫີຕາຄໂມ, ຕິໍສໍ. ໂຠຕິໍເສ+ຈ຺ຈາທິ ປຸເມວ.

ຈຕ຺ຕາລີສາທີສຸປິ ຍຖາສມ຺ຠວໍ ເອວເມວ. ທ຺ວິຕ຺ເຕ ເອກຕ຺ຕິໍສຕິ ເອກຕ຺ຕິໍສາ. ຣສ຺ສທ຺ວິຕ຺ເຕ ທ຺ວຕ຺ຕິໍສຕິ ທ຺ວຕ຺ຕິໍສ. ເອວໍ ເຕຕ຺ຕິໍສຕິ ເຕຕ຺ຕິໍສາທໂຍ ຍາວ ເອກູນຈຕ຺ຕາລີສຕິ ເອກູນຈຕ຺ຕາລີສາ. ຈຕ຺ຕາລີສາຍ ສິມ຺ຫິ ຈຕ຺ຕາຣີສາ ຈຕ຺ຕາລີສາ ຈຕ຺ຕາລີສໍ, ໂຠ ຈຕ຺ຕາລີເສ+ຈ຺ຈາທິ ໂຫຕິ. ເອວໍ ເອກຈຕ຺ຕາຣີສາ.