໑໒໕. ອິມສ຺ສາ+ນິຕ຺ຖິຍໍ ເຏ

ອິມສ຺ສາ+ນິຕ຺ຖິຍໍ ເຏ ໂຫຕິ ວາ ສຸ+ນໍ+ຫິສຸ. ‘‘ນາມຄ຺ຄຫເຓ ລິງ຺ຄວິສິຏ຺ຐສ຺ສາປິ ຄຫຓໍ’’ຕິ ຎາຍາ ‘ອນິຕ຺ຖິຍໍ’ຕິ ອິຕ຺ຖິລິງ຺ຄນິເສຘາ ອິມສ຺ສາຕິ ນາມຄ຺ຄຫຓວິສເຍ ລິງ຺ຄວິເສສິຕສ຺ສ ອິມສທ຺ທສ຺ສາປິ ຄຫຓໍ. ຕສ຺ສ ຜລໍ ‘‘ຕຕສ຺ສ ໂນ ສພ຺ພາສຸ’’ ຕ຺ຍາໂທ ລິງ຺ຄຕ຺ຕເຍ ກາຣິຍສິທ຺ຘິ. ເອຫິ ເອຠິ ອິເມຫິ ອິເມຠິ. ‘‘ຏ ສສ຺ມາສ຺ມິ’’ມິຈ຺ຈາທິນາ ສພ຺ພສ຺ສິ+ມສ຺ສ ວາ ຏາເທເສ ອສ຺ສ ອິມສ຺ສ, ວາ ເຏ ເອສໍ ເອສານໍ ອິເມສໍ ອິເມສານໍ. ອມ຺ຫາ ອສ຺ມາ ອິມມ຺ຫາ ອິມສ຺ມາ. ອມ຺ຫິ ອສ຺ມິໍ ອິມມ຺ຫິ ອິມສ຺ມິໍ, ເອສຸ ອິເມສຸ.

ອິຕ຺ຖິຍໍ ອຍໍ, ອິມາ ອິມາໂຍ. ອິມໍ, ອິມາ ອິມາໂຍ. ນາ ‘‘ສ຺ສາ ວາ ເຕ+ຕິ+ມາ+ມູຫີ’’ຕິ ສ຺ສາ ວາ, ວາ ຏາເທເສ ‘‘ສ຺ສ’’ ມິຈ຺ຈາທິນາ ອິອາເທເສ ຈ ກເຕ ອສ຺ສາ ອິມິສ຺ສາ ອິມາຍ, ອິມາຫິ ອິມາຠິ. ອສ຺ສາ ອິມິສ຺ສາ ອສ຺ສາຍ ອິມິສ຺ສາຍ ອິມາຍ. ນໍວຈນສ຺ສ ສ+ມາເທເສ ອິມສ຺ສ ຈ ວາ ຏາເທເສ ອສ຺ສ ‘‘ສຸນໍຫິ ສູ’’ຕິ ທີເຆ ຈ ກເຕ ອາສໍ, ອຎ຺ຎຕ຺ຣ ອິມາສໍ ອິມາສານໍ. ສຕ຺ຕມິຍໍ ອສ຺ສໍ ອິມິສ຺ສໍ ອສ຺ສາ ອິມິສ຺ສາ ອິມາຍໍ ອິມາຍ, ອິມາສຸ.

ນປຸໍສເກ –