໑໖໗. ນຊ຺ຊາ ຘຍາສ຺ວາມ

ໂຍສຸ ນທີສທ຺ທສ຺ສ ອາມ ວາ ໂຫຕິ. ສຸຎ+ນກ+ອາມ ອິຕ຺ຍາທິ ຎ຺ຎກາຣ+ກກາຣ+ມກາຣາ ອາຄມລິງ຺ຄາ. ສ ຈ ‘‘ມານຸພນ຺ໂຘ ສຣານ+ມນ຺ຕາ ປໂຣ’’ຕິ ມານຸພນ຺ຘຕ຺ຕາ ສຣານ+ມນ຺ຕາ ປໂຣ ໂຫຕີຕິ ອີກາຣາ ປໂຣ. ‘‘ຍວາ ສເຣ’’ຕິ ເຍ ທສ຺ສ ໂຊ, ຍສ຺ສ ຈ ປຸພ຺ພຣູປໍ, ນຊ຺ຊາໂຍ. ວາ ປ-ໂລປ+ໂຍໂລເປສຸ ນຊ຺ໂຊ ນທີ ນທິໂຍ ອິຈ຺ຈາທິ.

ອີກາຣນ຺ຕໍ.

ຍາຄຸ, ຍາຄູ ຍາຄຸໂຍ. ໂຠ ຍາຄຸ, ຍາຄູ ຍາຄຸໂຍ. ຍາຄຸໍ, ຍາຄູ ຍາຄຸໂຍ. ຍາຄຸຍາ, ຍາຄູຫິ ຍາຄູຠິ. ຍາຄຸຍາ, ຍາຄູນໍ. ຍາຄຸຍໍ ຍາຄຸຍາ, ຍາຄູສຸ. ເອວໍ ຘາຕຸ+ເຘນຸ+ກາສຸ+ທທ຺ທຸ+ກຓ຺ຑຸ+ກຈ຺ຉຸ+ຣຊ຺ຊຸ+ກເຣຓຸ+ສສ຺ສຸ+ປິຍງ຺ຄຸ ອາທໂຍ.

ເອຕ຺ຖ ຘາຕຸສທ຺ໂທ ‘‘ມໂນຘາຕຸນາ’’ຕິ ອຠິຘມ຺ມາວຕາເຣ ວຸຕ຺ຕຕ຺ຕາ ປຸລ຺ລິງ຺ເຄປິ ທິສ຺ສຕິ, ຕໍ ສກ຺ກຏມເຕນ ວຸຕ຺ຕນ຺ຕິ ເກຈິ.

ມາຕາ, ມາຕໂຣ. ໂຠ ມາຕ ມາຕາ, ມາຕໂຣ. ມາຕຣໍ, ມາຕເຣ ມາຕໂຣ. ມາຕຣາ, ນາສ຺ສ ຍາເທເສ ‘‘ເຍ ປສ຺ສາ’’ຕິ ໂຍຄວິຠາຄາ ປໂລໂປ, ອນຸຎ຺ຎາໂຕ ອຫໍ ມຕ຺ຍາ, ອຎ຺ຎຕ຺ຣ ມາຕຸຍາ, ມາຕເຣຫິ ມາຕເຣຠິ ມາຕູຫິ ມາຕູຠິ. ສໂລເປ ມາຕຸ, ປສຎ຺ຎຕ຺ຕາ ‘ໂນ’ ນ ໂຫຕິ, ມຕ຺ຍາ ມາຕຸຍາ, ມາຕຣານໍ ມາຕານໍ ມາຕູນໍ. ຉຏ຺ຐິວິສເຍ ‘‘ມາຕຸສ຺ສ ສຣຕີ’’ຕິປິ ທິສ຺ສຕິ. ມາຕຣິ, ມາຕເຣສຸ ມາຕູສຸ. ວິເສສາ+ຎ຺ຎຕ຺ຣ ປິຕຸສມໍ. ເອວໍ ຘີຕຸ+ທຸຫິຕຸສທ຺ທາ.

ອຸກາຣນ຺ຕໍ.

ຣສ຺ສນິເສເຘ ສິໂລເປ ຈ ກເຕ ຊມ຺ພູ. ‘‘ຊນ຺ຕ຺ວາ’’ທິນາ ໂຍໂລເປ, ຊມ຺ພູ ຊມ຺ພຸໂຍ. ‘‘ເຄ ວາ’’ຕິ ຣສ຺ເສ ໂຠ ຊມ຺ພຸ, ຊມ຺ພູ ຊມ຺ພຸໂຍ. ຊມ຺ພຸໍ, ຊມ຺ພູ ຊມ຺ພຸໂຍ. ຊມ຺ພຸຍາ, ຊມ຺ພູຫິ ຊມ຺ພູຠິ. ຊມ຺ພຸຍາ, ຊມ຺ພູນໍ. ຊມ຺ພຸຍໍ ຊມ຺ພຸຍາ, ຊມ຺ພູສຸ.

ເອວໍ ວຘູ ຈ ສຣຠູ, ສຣພູ ສຸຕນູ ຈມູ;

ວາມູຣູ ນາຄນາສຸຣູ, ສມານາ ຂລຸ ຊມ຺ພຸຍາ.

ອູກາຣນ຺ຕໍ.

ໂຄ, ຄາໂວ ຄໂວ ອິຈ຺ຈາທິ ປຸລ຺ລິງ຺ຄສມໍ.

ອິຕ຺ຖິລິງ຺ຄໍ.

ນປຸໍສກ, ສິ –