໖໗. ອິຕ຺ຖິ

ອິຕ຺ຖິສທ຺ເທນ ອິຕ຺ຖິລິງ຺ຄໍ ຄຫິຕໍ ນ ອິຕ຺ຖີ, ຕຄ຺ຄຫເຓ ສຕິ ‘ອິຕ຺ຖິຍໍ ວຕ຺ຕມາເນ’ຕິ ວຸຕ຺ຕິຄນ຺ຖສ຺ສ ອິຕ຺ຖິສງ຺ຂາເຕ ອຕ຺ເຖ ວຕ຺ຕມາເນຕິ ອຕ຺ໂຖ ຄຍ຺ເຫຍ຺ຍ, ເອວໍ ສຕິ ‘ກລ຺ຍາຓິປ຺ປຘານາ’ຕິ ເອຕ຺ຖາປິ ປຸມ຺ຠາໂວ ປສຊ຺ເຊຍ຺ຍ… ປຘານສທ຺ທສ຺ສ ກລ຺ຍາຓິຍໍ ວຕ຺ຕມານຕ຺ຕາຕິ ອາຫ- ‘ອິຕ຺ຖິຍນ຺ຕິ ອິຕ຺ຖິລິງ຺ເຄ’ຕິ. ອຖ ອິຕ຺ຖິຍນ຺ຕິ ເອຕ຺ຕເກ ວຸຕ຺ເຕ ກຖໍ ຕຄ຺ຄຫຓໍ ສິຍາຕິ ອາຫ-‘ວິເສສເນ’ຈ຺ຈາທິ, ເອກຕ຺ເຖຕິ ວຸຕ຺ເຕປິ ອິຕ຺ຖິຍໍ ວຕ຺ຕມາເນຕິ ອຍມຕ຺ໂຖ ວິຎ຺ຎາຍຕີຕິ ອິຕ຺ຖິຍນ຺ຕິ ວຈນມນຕ຺ຖໍ ສິຍາຕິ ສມຕ຺ຖມຎ຺ຎຖານຸປປຕ຺ຕິຍນ຺ຕິ ອິຕ຺ຖິຍນ຺ຕິ ວິເສສນມິຕ຺ຖິລິງ຺ຄສ຺ເສວ ຄຫເຓຕິ ອາຫ- ‘ວິເສສເນ’ຈ຺ຈາທິ, ອິຕ຺ຖິຍນ຺ຕິ ອິຕ຺ຖິລິງ຺ຄສ຺ເສວ ຄຫຓນ຺ຕິ ສມ຺ພນ຺ໂຘ. ພ຺ຍວຈ຺ເຉຊ຺ຊາຠາວາ ວິເສສນມນຕ຺ຖກໍ ສິຍາຕິ ເອກຕ຺ເຖອິຈ຺ຈເນເນວ ອິຕ຺ຖິຍໍ ວຸຕ຺ຕິຍາ (ຄມ຺ມ) ຠາວໂຕຕິ ຠາໂວ. ປຸເມ ປຸລ຺ລິງ຺ເຄ ວຕ຺ຕມາໂນ ສທ຺ໂທ ປຸມາສທ຺ໂທ, ສກໂລຕິ ປເທສສກໂລ ຫິ ຄຍ຺ຫຕິ… ກສ຺ສຈິ ສຸຕ຺ຕຕ຺ຖສ຺ສ ປຸຖຠູຕຕ຺ຕາ, ເຕເນວຈາຫ- ‘ອິຕ຺ຖິຍນ຺ຕຸ ນ ວຕ຺ຕຕ຺ເຕ’ຕິ.