໔໕. ທີຆາ

ທີຆຣຕ຺ຕນ຺ຕ຺ຍາໂທ ນານຸສິຏ຺ຐຕ຺ຕາ ລິງ຺ຄວິເສສສ຺ສ ກຖໍ ນປຸໍສກຕ຺ຕເມວິຈ຺ຈາສງ຺ກິຍ ໂຈເທຕິ ‘ນນຸເຈ’ຈ຺ຈາທິ. ນາຍໍໂທໂສຈ຺ຈາທິນາ ປຣິຫຣຕິ. ‘‘ລິງ຺ຄໍ ນານຸສາສນີຍໍ ໂລກນິສ຺ສຍຕ຺ຕາ ລິງ຺ຄສ຺ສາ’’ຕີທມາລມ຺ພ ວທຕິ ‘ໂລເກ’ຕິອາທິ. ອຖວາຕິ ປກ຺ຂນ຺ຕໂຣປທສ຺ສນຕ຺ເຖ ນິປາໂຕ, ວິຠຊ຺ຊາຕິ ວິຠຊິຕ຺ວາ. ກ຺ວຈີຕິ ໂຍຄວິຠາເຄນາຕິ ອຘິປ຺ປາໂຍ.

ອໂຫຣຕ຺ຕນ຺ຕິ ສມາຫາເຣ (ຈຕ຺ຖ) ສມາສາ ນປຸໍສກຕ຺ຕໍ. ອຕິຣຕ຺ໂຕຕິ ປຸລ຺ລິງ຺ເຄ ປາທິສມາໂສ, ສມຸທາຍສທ຺ທສ຺ສາປ຺ຍວຍເວ ວຸຕ຺ຕິ ສພ຺ຠາວໂຕ ເອກເທສວຈໂນ ປຸພ຺ພຣຕ຺ຕາໂທ ຣຕ຺ຕິສທ຺ໂທຈ຺ຈາຫ-‘ປຸພ຺ພາ ຈ ສາ ຣຕ຺ຕິ ຈາ’ຕິອາທິ. ເອວເມກຣຕ຺ຕນ຺ຕິ ປາເຐນ ນ ຠວິຕພ຺ພໍ… ຕສ຺ສ ສມາຫາເຣນ ສມາສຕ຺ຕາຠາວາ. ນປຸໍສກລິງ຺ຄມ຺ປນ ໂລກສນ຺ນິສ຺ສ ຍຕ຺ຕາ ວິຎ຺ເຎຍ຺ຍໍ.

ອສມາສນ຺ຕປກ຺ເຂຕິ ສມາສນ຺ຕອປ຺ປຈ຺ຈຍສ຺ສາຠາວປກ຺ເຂ. ປຸພ຺ພາ ອຕິກ຺ກນ຺ຕາ ຣຕ຺ຕິ ປຸພ຺ພຣຕ຺ຕີ(ຕິ ຣຕ຺ຕິ ສທ຺ໂທ) ເນກເທສວຈໂນຕິ ສມາສນ຺ຕາຠາໂວ.