໒໓. ສ຺ຍາທິ

ນນຸເຈຈ຺ຈາທິນາ ວຸຕ຺ຕໍ ໂຈທນໍ ນິເສເຘຕິ ‘ຕນ຺ເນ’ຕິ. ຕຕ຺ຖ ກາຣຓມາຫ- ‘ຆສຎ຺ຎຕ຺ຕາ’ຕ຺ຍາທິ. ອໂຆນນ຺ຕິ ຆໂອກາຣວຊ຺ຊິຕານໍ, ນນຸ ອິຕ຺ຖິ ຍມາກາໂຣ ໂຆ, ຕຖາສຕິ ນປຸໍສເກ ໂສ (ນ ສິຍາຕິ) ປຣິກປ຺ເປຕິ ‘ນປຸໍສກຕ຺ຕາ ຆຕ຺ຕເມວ ນຕ຺ຖີຕິ ເຈທິ’ຕິ. ຕມ຺ປິ ເນຕິ ຍຖາ ວຸຕ຺ຕມ຺ປຏິກ຺ຂິປິຕ຺ວາ ອຕ຺ເຖວ ນປຸໍສເກ ຆຕ຺ຕນ຺ຕິ [ນປຸໍສກຕ຺ຕນ຺ຕິ (ໂປຕ຺ຖເກ)] ທສ຺ເສຕຸມາຫ-ຉຏ຺ຐີສມາສສ຺ເສ’ຈ຺ຈາທິ. ນປຸໍສເກ ຆຕ຺ຕສ຺ສ [ນປຸໍສກຕ຺ຕສ຺ສ (ໂປຕ຺ຖເກ)] ສພ຺ຠາວເມວ ສມຕ຺ເຖຕິ ນປຸໍສກຕ຺ຕໍ ຫິ’ຈ຺ຈາທິນາ, ປາຣິຠາສິກນ຺ຕິ ເອຕ຺ຖ ສຸຕ຺ຕເມວາຘິປ຺ເປຕໍ, ປຣິຠາສາຍ ນິພ຺ພຕ຺ຕໍ ປາຣິຠາສິກໍ ສຸຕ຺ຕິກນ຺ຕິ ອຕ຺ໂຖ. ອາຣຠິຕພ຺ພເມວິທໍ ສຸຕ຺ຕໍ (ນປຸໍສກສ຺ສາປິ) ຣສ຺ສຕ຺ຕວິຘານາຍາຕິ ອຘິປ຺ປາໂຍ. ຆນິສ຺ສິຕມ຺ປິ ກາຣິຍນ຺ຕິ ‘‘ຆພ຺ຣຫ຺ມາທີເຕ’’ຕ຺ຍາທິນາ (໒-໖໐) ວິຘິຍມານເມກາຣາທິກາຣິຍມ຺ປິ. ເອຕໍ ຆນິສ຺ສິຕໍ ກາຣິຍໍ ນຈ ຍຸຕ຺ຕນ຺ຕິ ສມ຺ພນ຺ໂຘ. ອຍຸຕ຺ຕຕ຺ເຕປິ ໂທໂສ-ຍມາປຕເຕວາກ຺ຍາສງ຺ກິຍາຫ-‘ນາຍມ຺ປິໂທໂສ’ຈ຺ຈາທິ, ນ ຣສ຺ສສ຺ສ ເອຕ຺ເຖວ ລທ຺ຘາວສຣຕ຺ຕາ ປຐມໍ ເຕນ ປວິຏ຺ເຐ… (ຆນິ)ສ຺ສິຕໍ ກາຣິຍນ຺ຕິ ນາຍມ຺ປິ ໂທໂສ ປຣິຠາສາວ ເສນາຕິ ມນ຺ຕພ຺ພໍ. ສລຠຈ຺ຉາເຍ ອິຕິ ປທຈ຺ເຉໂທ.