໒໑. ສງ຺ຂ຺ຍາ

ອຖ ‘‘ສມາຫາເຣ ນປຸໍສກ’’ນ຺ຕິ (໓-໒໐) ວິຊ຺ຊມາເນ ກິໍ ‘‘ສງ຺ຂ຺ຍາທີ’’ ຕິ ອິມິນາ ສຕ຺ຖຄາຣວກເຣນາຕິ ອາສງ຺ກິຍ ໂຈເທຕິ ‘ນນຸເຈ’ຈ຺ຈາທິ. ຕຖາຫິຈ຺ຈາທິນາ ‘‘ສມາຫາເຣ ນປຸໍສກ’’ນ຺ເຕວ ສິຊ຺ຌນໍ ສມຕ຺ເຖຕິ. ຍຖາວຸຕ຺ຕໂຈທນາຈາລເນ ປຣາຘິປ຺ປາຍໍ ປຣິກປ຺ເປນ຺ໂຕ’ຈຕ຺ເຖ’ຕິອາທິມາຫ.

ເນຕິ ອິມິນາ ຈຕ຺ເຖຕິອາທິນາ ກຕປຣິກປ຺ປນາ ນ ສິຊ຺ຌຕີຕິ ທສ຺ເສຕິ, ຕຕ຺ຖ ເຫຕຸມາຫ- ‘ສມ຺ພນ຺ຘສ຺ສ ປຸຣິສາຘີນຕ຺ຕາ’ຕິ, ສຕິເຈຈ຺ຈາທິນາ ‘ສມາຫາເຣ ນປຸໍສກ’ນ຺ເຕຕ຺ຖ ວິເສສນຄ຺ຄຫເຓ ປໂຍຊນໍ ວຕ຺ວາ ‘ສງ຺ຂ຺ຍາທີ’ຕິ ອິມສ຺ສ ນິຣຕ຺ຖກຕ຺ຕເມວ ຖິຣີກໂຣຕິ.

ປໂຍຊເນຕິ ລາຆວປ຺ປໂຍຊເນ;

ສມ຺ພນ຺ຘີຍຕີຕິ ວິເສສນຄ຺ຄຫຓໍ ສມ຺ພນ຺ຘີຍຕິ;

ເອຕ຺ຖາຕິ ເອຕສ຺ມິໍ ‘ສງ຺ຂ຺ຍາທີ’ສຸຕ຺ເຕ;

ຕນ຺ເນຕິ ອິມິນາ ຍຖາວຸຕ຺ຕໍ ໂຈທນໍ ນິວຕ຺ເຕຕິ.

‘ສງ຺ຂ຺ຍາທີ’ຕິ ສຸຕ຺ຕສ຺ສ ສາຕ຺ຖກຕ຺ຕມາຫ- ‘ຈຕ຺ຖສມາສານນ຺ຕຣ’ມິຈ຺ຈາທິນາ. ເອກຕ຺ຕພ຺ຍປເທໂສ ກາຕພ຺ໂພຕິ ‘‘ສງ຺ຂ຺ຍາປຸພ຺ໂພ ທິຄູ’’ຕິ (໒-໑-໕໒) ສງ຺ຂ຺ຍາປຸພ຺ພສ຺ສ ສມາສສ຺ສ ທິຄຸສຎ຺ຎໍ ວິຘາຍ ຕທຕ຺ຖສ຺ສ ‘‘ທິຄຸເຣກວຈນ’’ນ຺ຕີມິນາ (໒-໔-໑) ເອກຕ຺ຕພ຺ຍປເທໂສ ປເຣຫິ ວິຍ ກາຕພ຺ໂພ.

ສມາຫຣຓໍ ສມາຫາໂຣຕິ ອິມິນາ ຠາວສາຘໂນ-ຍໍ ສມາຫາຣສທ຺ໂທ. ຍທິ ສມາຫຣີຍຕີຕິ ສມາຫາໂຣຕິ ກມ຺ມສາຘໂນ ສິຍາ, ຕທາ ປຎ຺ຈ ກຸມາຣິໂຍ ສມາຫຏາຕິ ວາກ຺ຍສ຺ສາຕ຺ເຖ ວຸຕ຺ຕິ ສິຍາ ປຎ຺ຈກຸມາຣີຕ຺ເຍຕ຺ຖ ສກປທຕ຺ຖປ຺ປຘານຕ຺ຕາ ພຫຸວຈນໍ ສິຍາ ‘‘ຆາປສ຺ສານ຺ຕສ຺ສາປ຺ປຘານສ຺ສາ’’ຕິ (໓-໒໔) ອປ຺ປຘານຣສ຺ສຕ຺ຕຎ຺ຈ ນ ສິຍາ… ສມາຫຏານເມວ ກຸມາຣີນໍ ປຘານຕ຺ຕາ, ຕສ຺ມາ ປຎ຺ຈ ຄາໂວ ສ ມາຫຏາຕ຺ເຍຕສ຺ມິໍ ວາກ຺ເຍ ສມາໂສວ ນຕ຺ຖິ ກມ຺ມສາຘນສ຺ສານຸປຄມໂຕ. ປຎ຺ຈນ຺ນໍ ຄຸນ຺ນໍ ສມາຫາໂຣ, ຈຕຸນ຺ນໍ ປຖານໍ ສມາຫາໂຣຕິ ວາກ຺ເຍ ປນ ອຕ຺ຖິ, ສມາຫາຣສ຺ເສກຕ຺ຕາ ຕຸ ສຕໍ ຍູຖໍ ວນນ຺ຕິ ເອຕ຺ຖ ວິຍ ສາຠາວິກເມກວຈນໍ ສິທ຺ຘເມເວຕິ ວິຎ຺ຎາເປຕິ.