໙໙. ສພ຺ພາ

ນນຸ ກຕຣາທໂຍວ ສພ຺ພາທິສທ຺ທວຈນີຍາ ໂຫນ຺ຕິ ສມາເສນາຠິຫິຕຕ຺ຕາ, ນ ຕຸ ສພ຺ພສທ຺ໂທ [ສທ຺ທສ຺ເສ (ໂປຕ຺ຖເກ)] ຕ຺ຍາຫ-‘ອວຍເວເນ’ຕ຺ຍາທິ,ຍທິປິ ‘ສພ຺ພ ສທ຺ໂທ ອາທິ ເຍສ’ນ຺ຕິ ອວຍເວນ ວິຄ຺ຄໂຫ, ຕຖາປິ ສມຸທາໂຍວາສ຺ສຕ຺ໂຖ ຠວຕິ… ເຍສນ຺ຕ຺ຍເນນ ສມຸທາຍສ຺ສ ປຣາມາສາຕິ ຠາໂວ, ອິຕີຕິ ເຫຕຸມ຺ຫິ, ໂກ ຠວນ຺ຕານໍ ທ຺ວິນ຺ນໍ ພຫຸນ຺ນໍ ວາ ເອໂກ ເທວ ທຕ຺ໂຕ ກຐາທີຫິ ວາ ອຕ຺ເຖ ທ຺ວີຫິ ພຫູຫິ ວາ ເອກສ຺ສ ນິທ຺ຘາຣເຓ ສຕິ ກິມ຺ຫາ ນິທ຺ຘາຣເຓ ຣຕຣ ຣຕເມສຸ ຓາທິວຸຕ຺ຕິຍໍ ‘‘ເອກຕ຺ຖຕາຍ’’ນ຺ຕິ (໒-໑໑໙) ວິຠຕ຺ຕິໂລເປ ‘‘ຣານຸພນ຺ເຘນ຺ຕສຣາທິສ຺ສາ’’ຕິ (໔-໑໓໒) ອນ຺ຕສຣາທິໂລເປ ກິໍສທ຺ທສ຺ສ ຣູປສິທ຺ຘີຕິ ທສ຺ເສຕຸມາຫ ກຕມາ’ຕິອາທິ, ອຸໂຠ ອໍສາ ອສ຺ສາຕິ ອຕ຺ເຖ ‘‘ອຍຸຠທ຺ວິຕີຫໍເສ’’ຕິ (໔-໔໙) ອເຍ‘‘ສໂຣ ໂລໂປ ສເຣ’’ຕິ (໑-໒໖) ສຣໂລເປ ຣູປສິທ຺ຘີຕິ ອາຫ-‘ອຸໂຠ ອໍສາ’ອິຈ຺ຈາທິ, ກາຍໍ ວວຕ຺ຖາ ນາເມ ຕ຺ຍາຫ-‘ສາຠິເຘຍ຺ຍາ’ຕ຺ຍາທິ, ອວຘິຈ຺ຈາທິນາ ຕສ຺ເສວາຕ຺ຖໍ ວິຠາເວຕິ, ອຘໍໂສ ອຠຏ຺ຐຕາ ອວຘິຠາເວເຍວາວຏ຺ຐານໍ, ສາຠິເຘຍ຺ຍາ ເປກ຺ຂາຕິ ເອຕ຺ຖ ໂສ ສໂກ ອຠິເຘຍ຺ໂຍ ອຕ຺ໂຖ ທິສາທິ ສາຠິເຘຍ຺ໂຍຕິ ຄຫິໂຕຕິ ອາຫ-‘ປຸພ຺ພາທີນ’ນ຺ຕິອາທິ, ສາຠິເຘຍ຺ຍນ຺ຕິ ກມ຺ມໂຕ ປຣາ ອປປຸພ຺ພາ ‘ອິກ຺ຂ=ທສ຺ສເນ’ຕີມສ຺ມາ ‘‘ກ຺ວຈຓ’’ອິຕິ (໕-໔໑) ອຓ຺ປຈ຺ຈເຍ ສາຠິເຘຍ຺ຍາເປກ຺ໂຂ, ໂສ ວາວຘິນິຍໂມຕິ ທສ຺ເສຕຸມາຫ-‘ຕມເປກ຺ຂຕິ’ຈ຺ຈາທິ, ຕຕ຺ຖາຘິປ຺ປາຍໍ ວິວຣຕິ ‘ຕຖາຫິ’ຈ຺ຈາທິນາ, ເອຕ຺ຖ ຈ ປຣາທິສທ຺ທາຠິເຘຍ຺ໂຍ-ຕ຺ໂຖ ທິສາເທສາທິ ປຸພ຺ພາທິສທ຺ທາຠິເຘຍ຺ຍສ຺ສາຕ຺ຖສ຺ສ ທິສາຍ ເທສາທິໂນ ວາວຘິຠາເວນ ນິຍມວເສນ ປວຕ຺ຕຕິ, ໂຍ ຈາວຘິຠາໂວ ນິຍມວເສນ ປວຕ຺ຕຕິ, ໂສຈາວຘິຠາໂວ ນິຍມວເສນ ປວຕ຺ໂຕ ປຸພ຺ພາທິສທ຺ທວຈນີຍໍ ທິສາເທສາທິ ມເປກ຺ຂຕີຕິ ສາຠິເຘຍ຺ຍາເປກ຺ໂຂວຘິນິຍໂມເຍວ ວວຕ຺ຖາຕິ ວຸຈ຺ຈຕີຕ຺ຍຍມຘິປ຺ປາໂຍ, ນ ຕຸ ອຠິເຘຍ຺ຍາຍນ຺ຕິ ອສມ຺ຠວາ, ອສມ຺ຠວເມວ ທສ຺ເສນ຺ໂຕ ອາຫ-‘ໂຍ ຫິ’ຈ຺ຈາທິ, ໂກສລ຺ເລນ ນິມິຕ຺ເຕນາຕິ ກຸສລ ສທ຺ທສ຺ສ ປວຕ຺ຕິນິມິຕ຺ເຕນ ໂກສລ຺ເລນ, ອຸຕ຺ຕຣາກຸຣໂວ ອຸຕ຺ຕຣກຸຣຸທີປ ວາສິໂນ, ເທໂສ ວາ, ‘ນາຎ຺ຎຎ຺ຈ ນາມປ຺ປຘານາ’’ຕິ (໒-໑໓໖) ອເນເນວ ສຎ຺ຎາຍໍ ສພ຺ພາທິກາຣິຍສ຺ສ ນິສິທ຺ຘຕ຺ເຕ ກິມສຎ຺ຎາຍໍຠ຺ຍເນເນຕ຺ຍາຫ ‘ນາຎ຺ຎຎ຺ເຈ’ຕ຺ຍາທິ, ກິຎ຺ຈິ ປຸພ຺ພຕ຺ຕາທິກມຸທ຺ທິສ຺ສ ເກສຎ຺ຈິ ປຸພ຺ໂພປໂຣຕ຺ຍາທິກາ ອຕ຺ຖານຸຄຕາ ສຎ຺ຎາ ອນ຺ວຕ຺ຖສຎ຺ຎາ.

໑໐໔.ຕິ

‘‘ວາເນກຎ຺ຎຕ຺ເຖ’’ຕິ (໓-໑໗) ວິກປ຺ປານຸວຕ຺ຕນໂຕ ອຍຸຕ຺ຕຕ຺ຕາຠາວໍ ທສ຺ເສຕິ‘ນຍິທມຍຸຕ຺ຕ’ນ຺ຕິ, ຍຸຕ຺ຕຕາ ຈາສ຺ສ ປາເຐ ພ຺ຍຠິຈາຣ ທສ຺ສນໂຕຕິ ວຕ຺ຕຸມາຫ-‘ນປຸໍສເກ’ຈ຺ຈາທິ, ປາຐານຸຄຕາ ຫິ ສຸຕ຺ຕຣຈນາ, ວິກປ຺ປານຸວຕ຺ຕິຍາ ອນປຸໍສກມິທເມວ ວຈນໍ ຕສ຺ສ ກ຺ວຈິ ພ຺ຍຠິຈາຣຕ຺ເຕ ຎາປກນ຺ຕິ ວຕ຺ຕຸມາຫ-‘ຕສ຺ສ ຈາ’ຕິອາທິ, ອວສ຺ສເມວເມຕ຺ຖ ອຕ຺ໂຖ ຄເຫຕພ຺ໂພ, ອຎ຺ຎຖາ ຍຖາວຏ຺ຐິຕປາຐານຸກ຺ກເມນາຕ຺ຖຄ຺ຄຫເຓ ສຕິ ສຸຕ຺ຕສ຺ສ [ສຸຕ຺ຕສ຺ສາ (ໂປຕ຺ຖເກ)] ມຸຂ຺ຍຕ຺ຕປ຺ປຕີຕິໂຕ ກຖນ຺ຕມຎ຺ຎສ຺ສ ຎາປກໍ ຠເວຍ຺ຍ, ມຸຂ຺ຍຠາເວ ຫິ ຎາປກຕ຺ຖໍ ນ ຍຸຊ຺ເຊຍ຺ຍ.