໔໔. ສສ຺ສາຍ

ສຸຎິຕິ ຎກາໂຣ ກິມຕ຺ໂຖຕິ ອາຫ-‘ຎກາໂຣ’ຕິອາທິ, ອສຕິ ຫິ ຎກາເຣ‘ຎານຸພນ຺ໂຘ’ຕິ ຎກາເຣນ ວິເສສເນນ ສຸກາໂຣ ນ ວິເສສີ ເຍຍ຺ຍ ສຕິເຍວ ຕສ຺ມິໍ ເຕນ ໂສ ວິເສສີເຍຍ຺ຍ, ຕສ຺ມາ ‘‘ຎການຸພນ຺ຘາທ຺ຍນ຺ຕາ’’ຕິ ສຸຕ຺ເຕ ‘ຎການຸພນ຺ຘາ’ຕິ ວິເສສນໍ ວິເສສນຠາໂວ ອຕ຺ໂຖ ປໂຍຊນໍ ຍສ຺ສ ໂສ ວິເສສນຕ຺ໂຖ, ພຫຸລໍ ວຈເນນານຠິມຕມນວເສສໍ ວວຕ຺ຖາປີຍຕີຕິ ວຸຕ຺ຕິຍໍ ‘‘ຠິຍ຺ໂຍ’’ຕ຺ຍາທິກມຸປທິຏ຺ຐນ຺ຕິ ທສ຺ເສຕຸມຸປກ຺ກມເຕ ‘ສາມຎ຺ເຎນາ’ຕິອາທິນາ, ຉຏ຺ຐີ ຠວຕີຕິ (ເສ)ໂສ, ນນຸຈ ອຕ຺ຖສທ຺ເທນາຎ຺ຎປທຕ຺ຖສມາເສ ກຖໍ ຈຕຸຕ຺ຖ຺ຍຕ຺ໂຖ-ວສີຍຕີຕິ ວຸຈ຺ຈເຕ, ຈຕຸຕ຺ຖີເອກວຈເນ ອຕ຺ຕຕ຺ຖ’ນ຺ຕິ ເອຕ຺ຖ ສທ຺ຘມ຺ມສວນາທິກມຕ຺ຕນິມິຕ຺ຕນ຺ຕິ ໂຍ-ຕ຺ໂຖ, ໂສ ຈຕ຺ໂຖ-ຎ຺ຎ ປທຕ຺ເຖປິ, ຕສ຺ສາ-ຎ຺ຎປທຕ຺ຖຠູຕສ຺ສາປິ ອຕ຺ຕາ ອຕ຺ໂຖ ປໂຍຊນມ຺ຠວຕິ ນິມິຕ຺ຕຠາເວນາຕິ ນາຕ຺ຖເຠໂທຕິ ຕ ເອຕ ອິມວຊ຺ຊິຕານໍ ສພ຺ພາທີນນ຺ຕິ ຕ ເອຕອິມສທ຺ເທຫິ ເອວ ວຊ຺ຊິຕານມຎ຺ເຎສໍ ສພ຺ພາທີນໍ, ປຏິສິທ຺ເຘສຸປິ ກສ຺ສຈິ ອາເທໂສ ທິສ຺ສຕີຕິ ທສ຺ເສຕຸມາຫ‘ຕສທ຺ທສ຺ສ ຈາ’ຕິ.