໔໑. ອໂຕ

ສຸຕ຺ເຕ ‘ອໂຕ’ຕິ ວຸຕ຺ຕໍ ‘ອກາຣນ຺ຕໂຕ’ຕິ ກຖໍ ວຸຕ຺ຕີຕິ ອາຫ ‘ອໂຕ’ຕິອາທິ, ອາເທສາ ໂຫນ຺ຕີຕິ ເສໂສ, ຍກາຣານໍເຍວ ສິຍຸໍ… ອາເອອາເທສານເມກວຓ຺ຓຕ຺ຕາ, ໂລເປ ກເຕຕິ ໂອກາຣສ຺ສ ໂລເປ ກເຕ, ຕນ຺ເນຕິ ຍຖາວຸຕ຺ຕໍ ຘຈາທ຺ຍປ຺ປຏິກ຺ຂິປຕິ, ປຏິກ຺ເຂເປ ກາຣຓມາຫ-‘ປຣໂລປສ຺ສາ’ຕິອາທິ, ກາຣຓນ຺ຕຣໍ ວຕ຺ຕຸມາຣຠເຕ ‘ກິຎ຺ຈາ’ຕິອາທິ, ນິຈ຺ຈມ຺ປຣໂລໂປວ ສິຍາ, ນ ປຸພ຺ພໂລໂປປິ ອາຄມປ຺ປໂຍຄານຸກູລ຺ເຍນາຕິປິ ສກ຺ກາ ວຕ຺ຕຸນ຺ຕິ ອາຫ-‘ນຈາ’ຕິອາທິ, ນິຈ຺ຈມ຺ປຣໂລໂປເຍວາຕິ ນ ຈ ສກ຺ກາ ມນ຺ຕຸນ຺ຕິ ສມ຺ພນ຺ໂຘ, ເອວໍ ສນ຺ເຕຕ຺ຍາທິນາ ຕຕ຺ຖ ວິໂຣຘມາຫ, ອໂຕສມ຺ຠວາຕິ ອາເທສາກາຣໂຕ ສມ຺ຠວາ, ຌິສ຺ສາກາຣວິຘານໍ ‘‘ໂຍສຸ ຌິສ຺ສ ປຸເມ’’ຕິ (໒-໙໓) ເອຕເທວປໂຍຊນນ຺ຕິອາທິນາ ວຸຕ຺ຕປ຺ປໂຍຊນາຠາເວ ກາຣຓມາຫ-‘ອນິຏ຺ຐຕ຺ຕາ’ຕິ, ອນຠິມຕຕ຺ຕາຕິ ອຕ຺ໂຖ, ປໂຍຊນາຠາວານຠິມຕຕ຺ຕເມວ ທສ຺ເສສຸມາຫ-‘ເອຕທຕ຺ຖເມວາ’ຕິອາທິ, ອິມສ຺ສາຕິ ‘‘ອໂຕ ໂຍນໍ ຏາເຏ’’ຕີ ມສ຺ສ ສຸຕ຺ຕສ຺ສ, ຌິສ຺ມາຕ຺ເວວາຕິ ‘ຌິສ຺ມາ’ ອິຕິ ເອຕາທິສໍ ສຸຕ຺ຕເມວ, ຌິສ຺ມາ ໂຍນໍ ຏາເຏຕິວາຕິ ‘‘ຌິສ຺ມາ ໂຍນໍ ຏາເຏ’’ຕິ ສຸຕ຺ຕໍ ວາ, ອໂຕຕິ ‘ອໂຕ’ ອິຕິ ສຸຕ຺ຕໍ, ຕາທິສສ຺ສປໂຍຄສ຺ສາຕິ ອຄ຺ຄາ, ອຄ຺ເຄ ອິຕິ ປໂຍຄສ຺ສ.