໒໓໒. ອປາ

ເນນາຕິ ນກາເຣນ, ປທສຎ຺ຎາວິຘາຍ ກວຈນາຠາເວປີຕິ ປາຓິນິ ຍານມິວ ສ຺ຍາທິຕ຺ຍາທ຺ຍນ຺ຕານໍ ປທສຎ຺ຎາວິຘາຍກສ຺ສ ສຸຕ຺ຕສ຺ສ ອຠາເວປິ, ອນ຺ວຕ຺ຖວເສນ ປທນ຺ຕິ ຄຍ຺ຫມາເນ ອຕິປ຺ປສງ຺ໂຄປິ ສິຍາຕິ ອາຫ-‘ຣຸຬ຺ຫິຍາວາຕິປ຺ປສງ຺ຄາ ຠາໂວ’ຕິ, ອາຂ຺ຍາຕໍ ສາພ຺ຍຍກາຣກ ວິເສສນໍ ວາກ຺ຍນ຺ຕິ ເກຈິ, ເອກາຂ຺ຍາຕິກໍ ວາກ຺ຍນ຺ຕ຺ຍປເຣ, ຕໍ ສພ຺ພໍ ເອກໂຕ ສງ຺ຄເຫຕ຺ວາ ‘ປທສມູໂຫ ວາກ຺ຍ’ນ຺ຕິ ວຸຕ຺ຕິກາເຣນ ວຸຕ຺ຕນ຺ຕິ ທສ຺ເສຕຸມາຫ- ‘ສາພ຺ຍເຍ’ຈ຺ຈາທິ, ອາຂ຺ຍາຕໍ ຕ຺ຍາທ຺ຍນ຺ຕມາຫຸ, ອພ຺ຍຍມສງ຺ຂ຺ຍໍ, ອາຂ຺ຍາຕໍ ສາພ຺ຍຍໍ ສກາຣກໍ ສວິເສສນຎ຺ຈ ວາກ຺ເຍສຎ຺ຎໍ ຠວຕີຕ຺ຍຕ຺ໂຖ, ວິເສສນນ຺ຕິ ກາຣກວິເສສນສ຺ສ ກິຣິຍາ ວິເສສນສ຺ສ ຈ ສາມຎ຺ເຎນ ຄຫຓໍ, ສາພ຺ຍຍໍ-ສທ຺ຘິໍ ວຈຕິ, ສກາຣກໍ ໂອທນໍ ປຈຕິ ເທວທຕ຺ໂຕ ປຈຕິ, ສກາຣກວິເສສນໍ-ມຸທຸໍ ວິສທໂມທນມ຺ປຈຕິ, ທສ຺ສນີໂຍ ເທວທຕ຺ໂຕ ປຈຕິ, ສກິຣິຍາວິເສສນໍ- ມຸທຸໍ ປຈຕິ, ມນ຺ທໍ ປຈຕິ, ປທສມູໂຫ ວາກ຺ຍນ຺ຕິ ວຸຕ຺ເຕ ອຍມ຺ປິ ອຘິປ຺ປາຍວິເສໂສວສີຍຕີຕິ ວຕ຺ຕຸມາຫ-ວຕ຺ຕຸ’ມິຈ຺ຈາທິ, ຍເຖຈ຺ຈາທິນາ ອເນກາຂ຺ຍາຕິ ກມ຺ປິ ຄຸຓປ຺ປຘານຠາເວ ໂນປກາຣໂຕ ວາກ຺ຍເມກມ຺ຠວຕິ… ປທ ສມູໂຫ ວາກ຺ຍນ຺ຕິ ວຸຕ຺ຕຕ຺ຕາຕິ ວທຕິ, ຍຖາ ວາກ຺ຍນານຕ຺ຕນ຺ຕິ ສມ຺ພນ຺ໂຘ. ອິຫາປີຕິ ວຕ຺ຕຸມິຈ຺ຉິຕຕ຺ເຖຕ຺ຍາໂທປິ.