໑໔໔. ມນາ

ກິໍ ພຫຸລໍວິຘານາ ‘ວຸທ຺ຘ຺ຍຠາໂວ’ [ໂອຕ຺ຖາຠາໂວ (ປຎ຺ຈິກາຍໍ)] ຕິ ປາເຐນ ປໂຍຊນໍ ເຍເນ ຕທຕ຺ຖເມວ ‘‘ສຸເມຘາທີນມວຸທ຺ຘິ ເຈ’’ຕິ ຄຓປາໂຐ ກໂຕ, ເຫມສທ຺ເທນ ເຫມມຍານິ ຄຫິຕານ຺ຍເຠເທນຕ຺ຍາຫ- ‘ເຫມມຍານີ’ຕິ, ກປ຺ປນ ສທ຺ເທນ ສີສາລງ຺ກາຣຊາລານິ ຄຍ຺ຫນ຺ຕິ, ຕານິເຍວ ວາສສານິ ປຏາ ຕໍສຣິກ຺ຂຕາຍ, ສກຕ຺ເຖປິ ຍຖາຄມມ຺ຠວນ຺ຕີຕິ ສມ຺ພນ຺ໂຘ, ພາຓາທີສຸ ອຠິເຘຍ຺ເຍສຸ ມນາທີສຸ ນ ປຏ຺ຐີຍນ຺ຕີຕິ ໂຍຊນາ, ພາຓາທີສຸຕິ ພາຓ ສທ຺ທກ຺ຂຍາທີສຸ, ອຫສທ຺ທສ຺ສ ມນາທິກາຣິຍາສມ຺ຠວາ ອຫສທ຺ໂທ ມນາທີສຸ ນ ທຏ຺ຐພ຺ໂພ, ຣຫສີຕິ ນິປາຕຕ຺ຕາ ອິກາຣສ຺ສ ຈ ອສພ຺ຠວາ ຣຫສທ຺ໂທ ຈ ມນາທີສຸ ນ ທຏ຺ຐພ຺ໂພຕິ ສຊ຺ຌາຫາໂຣ ສມ຺ພນ຺ໂຘ ເວທິຕພ຺ໂພ, ອິກາຣສ຺ສ ກຈ຺ຈາຍເນ ສ຺ມິໂນ ກຣີຍມານສ຺ສ ອິກາຣາເທສສ຺ສ ຈ, ຣຫຕິສທ຺ທສ຺ສ ນິປາຕຕ຺ຕໍ ສຠາວໂຕ ປກາເສຕຸໍ ‘ຣຫສີຕ຺ຍາທິ’ມາຫ, ຣໂຫສທ຺ເທຕິ ເອຕ຺ຖ ຣຫສທ຺ໂທຕິ ປາໂຐ-ວຄນ຺ຕພ຺ໂພ, ເຕນາຕິ ເຍນ ອຫສທ຺ທສ຺ສ ມນາທິກາຣິຍາສມ຺ຠໂວ ຣຫສີຕິຈ ນິປາໂຕ, ເຕນ, ອິຫມນາທີສຸ.