໑໓໐. ເກວາ

ໂຫຕຸ ສິໂຕ-ຎ຺ຎຕ຺ຣເກ ສຕິ ສາເທໂສ, ສິມ຺ຫິ ຕຸ ກປ຺ປຈ຺ຈຍາ ປຐມເມວ ກໂຕ ມສ຺ສ ສາເທໂສຕິ ຕປ຺ປຈ຺ຈເຍ ສຕິ ‘ເກວາ’ຕິ ກິໍ ສາມຎ຺ເຎນ ສາເທສວິຘາເນເນ ຕ຺ຍາສງ຺ກິຍ ສຸຕ຺ຕສ຺ສ ສາມຎ຺ຎ ວິຘາເນ ຜລໍ ທສ຺ເສຕຸໍ ‘ເກເນກຕ຺ຖຕາຍໍ’ຕ຺ຍາທິມາຫ, ເກເນກຕ຺ຖຕາຍນ຺ຕິ ກປ຺ປຈ຺ຈເຍນ ສຫ ຓາທິວຸຕ຺ຕິຍໍ, ປຸພ຺ພຠາຄສ຺ສາຕິ ອສຸຠາຄສ຺ສ ປທຕ຺ຕາຠາວາຕິ ‘‘ເອກຕ຺ຖຕາຍາ’’ຕິ (໒-໑໑໙) ວິຠຕ຺ຕິຍາ ປທຕ຺ຕສາຘິກາຍາປຄເມນ ປທຕ຺ຕາຠາວາ, ປທສງ຺ຂາຣນິພນ຺ຘໂນຕິ ປທ ສິທ຺ຘິ ເຫຕຸໂກ, ‘‘ນິມິຕ຺ຕາຠາເວ ເນມິຕ຺ຕິກສ຺ສາປ຺ຍຠາໂວ’’ຕິ ຎາຍສ຺ສາຍມຕ຺ໂຖ ‘‘ນິມິຕ຺ຕໍ ກາຣຓໍ ເຫຕູຕ຺ຍນຕ຺ຖນ຺ຕຣໍ, ນິມິຕ຺ຕສ຺ສ ອຠາໂວ ນິມິຕ຺ຕາຠາໂວ, ຕສ຺ມິໍ ນິມິຕ຺ຕາຠາເວ ເຫຕຸວິນາເສຕ຺ຍຕ຺ໂຖ, ນິມິຕ຺ຕາ ອາຄໂຕ ເນມິຕ຺ຕິໂກ, ຜລຠູໂຕ ຘມ຺ໂມ, ນິມິຕ຺ເຕ ຠາໂວ ວາ ເນມິຕ຺ຕິໂກ, ນິມິຕ຺ຕສ຺ສາຠາເວ ຕໍ ເຫຕຸໂຕ ປວຕ຺ຕສ຺ສ ເນມິຕ຺ຕິກສ຺ສ ຜລສ຺ສາປ຺ຍຠາໂວ ຠວຕີ’’ຕິ, ຕຖາຫິ ຉຕ຺ຕນິມິຕ຺ຕຉາຍາ ຉຕ຺ຕາປາເຍນ ຠວຕິ, ປທີປນິມິຕ຺ຕທສ຺ສນໍ ປທີປາປາເຍ ນ ຠາຕິ, ຕເຖຫາປິ ນິມິຕ຺ຕໂຕ ປວຕ຺ຕານໍ ນິມິຕ຺ຕາຠາເວ ອຠາໂວເຍວ ຍຸຕ຺ຕິ ມາຕິ ມຎ຺ຎເຕ, ອຎ຺ຎຕ຺ຣຈາຕິ ສິໂຕ ອຎ຺ຎຕ຺ຣ ຈ.