໔. ຈຕຸຕ຺ໂຖ ກຓ຺ໂຑ (ຓາທິ)

໑. ໂຓ ວາ ປຈ຺ເຈ.

ຉຏ຺ຐິຍນ຺ຕາ ນາມສ຺ມາ ວາ ຓປ຺ປຈ຺ຈໂຍ ໂຫຕິ ອປຈ຺ເຈ-ຠິເຘຍ຺ເຍ, ຓກາໂຣ ວຸທ຺ຘ຺ຍຕ຺ໂຖ, ເອວມຎ຺ຎຕ຺ຕາປິ, ວສິຏ຺ຐສ຺ສາປຈ຺ຈໍ ວາສິຏ຺ໂຐ, ວາສິຏ຺ຐີ ວາ, ໂອປຄໂວ, ໂອປຄວີ ວາ, ເວຕິ ວາກ຺ຍສມາສວິກປ຺ປນຕ຺ຖໍ, ຕສ຺ສາຘິກາໂຣ ສກຕ຺ຖາວຘິ.

໒. ວຈ຺ຉາທິໂຕ ຓານຓາຍນາ.

ວຈ຺ຉາທີຫິ ອປຈ຺ຈປ຺ປຈ຺ຈຍນ຺ເຕຫິ ໂຄຕ຺ຕາທີຫິ ຈ ສທ຺ເທຫິ ຓານຓາຍນປ຺ປຈ຺ຈຍາ ວາ ໂຫນ຺ຕິ ອປຈ຺ເຈ, ວຈ຺ຉາໂນ ວຈ຺ຉາຍໂນ, ກຈ຺ຈາໂນ ກຈ຺ຈາຍໂນ, ຍາຄເມ ກາຕິຍາໂນ, ໂມຄ຺ຄລ຺ລາໂນ ໂມຄ຺ຄລ຺ລາຍໂນ, ສາກຏາໂນ ສາກຏາຍໂນ, ກຓ຺ຫາໂນ ກຓ຺ຫາຍໂນ ອິຈ຺ຈາທິ.

໓. ກຕ຺ຕິກາວິຘວາທີຫິ ເຓຍ຺ຍເຓຣາ.

ກຕ຺ຕິກາທີຫິ ວິຘວາທີຫິ ຈ ເຓຍ຺ຍເຓຣາ ວາ ຍຖາກ຺ກມໍ ໂຫນ຺ຕິ ອປຈ຺ເຈ, ກຕ຺ຕິເກຍ຺ໂຍ, ເວນເຕຍ຺ໂຍ, ຠາຄິເນຍ຺ໂຍ ອິຈ຺ຈາທິ, ເວຘເວໂຣ, ພນ຺ຘເກໂຣ, ນາລິເກໂຣ, ສາມເຓໂຣ ອິຈ຺ຈາທິ.

໔. ຓ຺ຍທິຈ຺ຈາທີຫິ.

ທິຕິປ຺ປຠຸຕິຫິ ຓ຺ໂຍ ວາ ໂຫຕິ ອປຈ຺ເຈ, ເທຈ຺ໂຈ, ອາທິຈ຺ໂຈ, ໂກຓ຺ຑຎ຺ໂຎ, ຄຄ຺ຄ຺ໂຍ, ຠາຕພ຺ໂພ ອິຈ຺ຈາທິ.

໕. ອາ ຓິ.

ອກາຣນ຺ຕໂຕ ຓິ ວາ ໂຫຕິ ອປຈ຺ເຈ, ທກ຺ຂິ, ທຕ຺ຖິ, ໂທຓິ. ວາສວິ, ວາຣຸຓິ ອິຈ຺ຈາທິ.

໖. ຣາຊໂຕ ຎ຺ໂຎ ຊາຕິຍໍ.

ຣາຊສທ຺ທໂຕ ຎ຺ໂຎ ວາ ໂຫຕິ ອປຈ຺ເຈ ຊາຕິຍໍ ຄມ຺ຍມານາຍໍ, ຣາຊຎ຺ໂຎ, ຊາຕິຍນ຺ຕິ ກິໍ? ຣາຊາປຈ຺ຈໍ.

໗. ຂຕ຺ຕາ ຍິຍາ.

ຂຕ຺ຕສທ຺ທາ ຍອິຍາ ໂຫນ຺ຕິ ອປຈ຺ເຈ ຊາຕິຍໍ, ຂຕ຺ໂຍ, ຂຕ຺ຕິໂຍ, ຊາຕິຍໍຕ຺ເວວ? ຂຕ຺ຕິ.

໘. ມນຸໂຕ ສ຺ສສຓ.

ມນຸສທ຺ທໂຕ ຊາຕິຍໍ ສ຺ສສຓ ໂຫນ຺ຕິ ອປຈ຺ເຈ, ມນຸສ຺ໂສ, ມານຸໂສ, ອິຕ຺ຖິຍໍ ມນຸສ຺ສາ, ມານຸສີ, ຊາຕິຍໍຕ຺ເວວ? ມານໂວ.

໙. ຊນປທນາມສ຺ມາ ຂຕ຺ຕິຍາ ຣຎ຺ເຎ ຈ ໂຓ.

ຊນປທສ຺ສ ຍໍ ນາມໍ, ຕນ຺ນາມສ຺ມາ ຂຕ຺ຕິຍາ ອປຈ຺ເຈ ຣຎ຺ເຎ ຈ ໂຓ ໂຫຕິ, ປຎ຺ຈາໂລ, ໂກສໂລ, ມາຄໂຘ, ໂອກ຺ກາໂກ, ຊນປທນາມສ຺ມາຕິ ກິໍ? ທາສຣຖິ, ຂຕ຺ຕິຍາຕິ ກິໍ? ປຎ຺ຈາລສ຺ສ ພ຺ຣາຫ຺ມຓສ຺ສ ອປຈ຺ຈໍ ປຎ຺ຈາລິ.

໑໐. ຓ຺ຍ ກຸຣຸສິວີຫິ.

ກຸຣຸສິວີຫິ ອປຈ຺ເຈ ຣຎ຺ເຎ ຈ ຓ຺ໂຍ ໂຫຕິ. ໂກຣພ຺ໂຍ, ເສພ຺ໂຍ.

໑໑. ຓ ຣາຄາ ເຕນ ຣຕ຺ຕໍ.

ຣາຄວາຈິຕຕິຍນ຺ຕໂຕ ຣຕ຺ຕມິຈ຺ເຉຕສ຺ມິໍ ອຕ຺ເຖ ໂຓ ໂຫຕິ, ກສາເວນ ຣຕ຺ຕໍ ກາສາວໍ, ໂກສຸມ຺ຠໍ, ຍາລິທ຺ທໍ, ຣາຄາຕິ ກິໍ? ເທວທຕ຺ເຕນ ຣຕ຺ຕໍ ວຕ຺ຖໍ, ອິຘ ກສ຺ມາ ນ ໂຫຕິ? ‘ນີລໍ ປີຕ’ນ຺ຕິ, ຄຸຓວຈນຕ຺ຕາ ວິນາປິ ເຓນ ຓຕ຺ຖສ຺ສາຠິຘານໂຕ.

໑໒. ນກ຺ຂຕ຺ເຕນິນ຺ທຸຍຸຕ຺ເຕນ ກາເລ.

ຕຕິຍນ຺ຕໂຕ ນກ຺ຂຕ຺ຕາ ເຕນ ລກ຺ຂິເຕ ກາເລ ໂຓ ໂຫຕິ, ຕຎ຺ເຈ ນກ຺ຂຕ຺ຕມິນ຺ທຸຍຸຕ຺ຕໍ ໂຫຕິ, ຜຸສ຺ສີ ຣຕ຺ຕິ, ຜຸສ຺ສໍ ອຫໍ, ນກ຺ຂຕ຺ເຕເນຕິ ກິໍ? ຄຸຣຸນາ ລກ຺ຂິຕາ ຣຕ຺ຕິ. ອິນ຺ທຸຍຸຕ຺ເຕເນຕິ ກິໍ? ກຕ຺ຖິກາຍ ລກ຺ຂິໂຕ ມຸຫຸຕ຺ໂຕ, ກາເລຕິ ກິໍ? ຜຸສ຺ເສນ ລກ຺ຂິຕາ ອຕ຺ຖສິທ຺ຘິ, ອຊ຺ຊກຕ຺ຕິກາຕິ ກຕ຺ຕິກາຍຸຕ຺ເຕ ຈນ຺ເທ ກຕ຺ຕິກາສທ຺ໂທ ວຕ຺ຕເຕ.

໑໓. ສາ-ສ຺ສ ເທວຕາ ປຸຓ຺ຓມາສີ.

ເສຕິ ປຐມນ຺ຕາ ອສ຺ສາຕິ ຉຏ຺ຐ຺ຍຕ຺ເຖ ໂຓ ຠວຕິ, ຍໍ ປຐມນ຺ຕໍ, ສາ ເຈ ເທວຕາ ປຸຓ຺ຓມາສີວາ, ສຸຄໂຕ ເທວຕາ ອສ຺ສາຠິ ໂສຄໂຕ, ມາຫິນ຺ໂທ, ຍາໂມ, ວາຣຸໂຓ, ຜຸສ຺ສີ ປຸຓ຺ຓມາສີ ອສ຺ສ ສມ຺ພນ຺ຘິນີຕິ ຜຸສ຺ໂສ, ມາໂສ, ມາໂຍ, ຜຄ຺ຄຸໂນ, ຈິຕ຺ໂຕ, ເວສາໂຂ. ເຊຏ຺ຐມູໂລ, ອາສຬ຺ໂຫ, ສາວໂຓ, ໂປຏ຺ຐປາໂທ, ອສ຺ສຍຸໂຊ, ກຕ຺ຕິໂກ, ມາຄສິໂຣ, ປຸຓ຺ຓມາສີຕິ ກິໍ? ຜຸສ຺ສີ ປຎ຺ຈມີ ອສ຺ສ, ປຸຓ຺ຓມາສີ ຈ ຠຕກມາສສມ຺ພນ຺ຘິນີ ນ ໂຫຕິ… ປຸຓ຺ໂຓ ມາ ອສ຺ສນ຺ຕິ ນິພ຺ພຈນາ, ອໂຕ ເອວ ນິປາຕນາ ໂຓ ສາຄໂມ ຈ, ມາສສຸຕິຍາວ ນ ປຎ຺ຈທສ ຣຕ຺ຕາໂທ ວິຘິ.

໑໔. ຕມຘີເຕ ຕໍ ຊານາຕິ ກຓິກາ ຈ.

ທຸຕິຍນ຺ຕໂຕ ຕມຘີເຕ ຕໍ ຊານາຕີຕິ ເອເຕສ຺ວຕ຺ເຖສຸ ໂຓ ໂຫຕິ ໂຓ ຓິໂກ ຈ, ພ຺ຍາກຣຓມຘີເຕ ຊານາຕິ ວາ ເວຍ຺ຍາກຣໂຓ, ຉນ຺ທໂສ, ກມໂກ, ປທໂກ, ເວນຍິໂກ, ສຸຕ຺ຕນ຺ຕິໂກ, ທ຺ວິຕຄ຺ຄຫຓໍ ປຸຖເຄວ ວິຘານຕ຺ຖໍ ຊານນສ຺ສ ຈ ອຊ຺ເຌນວິສຍຠາວທສ຺ສນຕ຺ຖໍ ປສິທ຺ຘູປສງ຺ຄຫຕ຺ຖໍ ຈ.

໑໕. ຕສ຺ສ ວິສເຍ ເທເສ.

ຉຏ຺ຐິຍນ຺ຕາ ວິສເຍ ເທສຣູເປ ໂຓ ໂຫຕິ, ວສາຕີນໍ ວິສໂຍ ເທໂສ ວາສາໂຕ, ເທເສຕິ ກິໍ? ຈກ຺ຂຸສ຺ສ ວິສໂຍ ຣູປໍ, ເທວທຕ຺ຕສ຺ສ ວິສໂຍ-ນຸວາໂກ.

໑໖. ນິວາເສ ຕນ຺ນາເມ.

ຉຏ຺ຐິຍນ຺ຕາ ນິວາເສ ເທເສ ຕນ຺ນາເມ ໂຓ ໂຫຕິ, ສິວີນໍ ນິວາໂສ ເທໂສ ເສພ຺ໂຍ, ວາສາໂຕ.

໑໗. ອທູຣຠເວ.

ຉຏ຺ຐິຍນ຺ຕາ ອທູຣຠເວ ເທເສ ຕນ຺ນາເມ ໂຓ ໂຫຕິ, ວິທິສາຍ ອທູຣຠວໍ ເວທິສໍ.

໑໘. ເຕນ ນິພ຺ພຕ຺ເຕ.

ຕຕິຍນ຺ຕາ ນິພ຺ພຕ຺ເຕ ເທເສ ຕນ຺ນາເມ ໂຓ ໂຫຕິ, ກຸສມ຺ເພນ ນິພ຺ພຕ຺ຕາ ໂກສມ຺ຠີ ນຄຣີ, ກາກນ຺ທີ, ມາກນ຺ທີ, ສຫສ຺ເສນ ນິພ຺ພຕ຺ຕາ ສາຫສ຺ສີ ປຣີຂາ, ໂຫຕຸມ຺ຫິ ກຕ຺ຕຣິ ກຣເຓ ຈ ຍຖາໂຍຄໍ ຕຕິຍາ.

໑໙. ຕມີຘຕ຺ຖິ.

ຕນ຺ຕິ ປຐມນ຺ຕາ ອິຘາຕິ ສຕ຺ຕມ຺ຍຕ຺ເຖ ເທເສ ຕນ຺ນາເມ ໂຓ ໂຫຕິ, ຍນ຺ຕໍ ປຐມນ຺ຕມຕ຺ຖິ ເຈ, ອຸທຸມ຺ພຣາ ອສ຺ມິໍ ເທເສ ສນ຺ຕີຕິ ໂອທຸມ຺ພໂຣ, ພາທໂຣ, ພພ຺ພໂຊ.

໒໐. ຕຕ຺ຣ ຠເວ.

ສຕ຺ຕມ຺ຍນ຺ຕາ ຠວຕ຺ເຖ ໂຓ ໂຫຕິ, ອຸທເກ ຠໂວ ໂອທໂກ, ໂອຣໂສ, ຊານປໂທ, ມາຄໂຘ, ກາປິລວຕ຺ຖໂວ, ໂກສມ຺ໂພ.

໒໑. ອຊ຺ຊາທີຫິ ຕໂນ.

ຠວຕ຺ເຖ ອຊ຺ຊາທີຫິ ຕໂນ ໂຫຕິ, ອຊ຺ຊ ຠໂວ ອຊ຺ຊຕໂນ, ສ຺ວາຕໂນ, ຫິຍ຺ຍຕ຺ຕໂນ.

໒໒. ປຸຣາໂຕ ໂຓ ຈ.

ປຸຣາອິຈ຺ຈສ຺ມາ ຠວຕ຺ເຖ ໂຓ ໂຫຕິ ຕໂນ ຈ, ປຸຣາໂຓ, ປຸຣາຕໂນ.

໒໓. ອມາຕ຺ວຈ຺ໂຈ.

ອມາສທ຺ທໂຕ ອຈ຺ໂຈ ໂຫຕິ ຠວຕ຺ເຖ, ອມຈ຺ໂຈ.

໒໔. ມຊ຺ຌາທິຕ຺ວິໂມ.

ມຊ຺ຌາທີຫິ ສຕ຺ຕມ຺ຍນ຺ເຕຫິ ຠວຕ຺ເຕ ອິໂມ ໂຫຕິ, ມຊ຺ຌິໂມ, ອນ຺ຕິໂມ. ມຊ຺ຌ, ອນ຺ຕ, ເຫຏ຺ຐາ, ອຸປຣິ, ໂອຣ, ປາຣ, ປຈ຺ຉາ, ອພ຺ຠນ຺ຕຣ, ປຈ຺ຈນ຺ຕ (ປຸຣຕ຺ຖາ, ພາຫິຣ).

໒໕. ກຓເຓຍ຺ຍເຓຍ຺ຍກຍິຍາ.

ສຕ຺ຕມ຺ຍນ຺ຕາ ເອເຕ ປຈ຺ຈຍາ ໂຫນ຺ຕິ ຠວຕ຺ເຖ, ກຓ-ກຸສິນາ ຣາຍໍ ຠໂວ ໂກສິນາຣໂກ, ມາຄຘໂກ, ອາຣຎ຺ຎໂກ ວິຫາໂຣ. ເຓຍ຺ຍ-ຄງ຺ເຄຍ຺ໂຍ, ປພ຺ພເຕຍ຺ໂຍ, ວາເນຍ຺ໂຍ. ເຓຍ຺ຍກ-ໂກເລຍ຺ຍໂກ, ພາຣາຓເສຍ຺ຍໂກ, ຈມ຺ເປຍ຺ຍໂກ, ມິຖິເລຍ຺ຍໂກຕິ ເອຍ຺ຍໂກ. ຍ-ຄມ຺ໂມ, ທິພ຺ໂພ. ອິຍຄາມິໂຍ, ອຸທຣິ-ໂຍ, ທິວິໂຍ, ປຎ຺ຈາລິໂຍ, ໂພຘິປກ຺ຂິໂຍ, ໂລກິໂຍ.

໒໖. ຓິໂກ.

ສຕ຺ຕມ຺ຍນ຺ຕາ ຠວຕ຺ເຖ ຓິໂກ ໂຫຕິ, ສາຣທິໂກ ທິວໂສ, ສາຣທິກາ ຣຕ຺ຕິ.

໒໗. ຕມສ຺ສ ສິປ຺ປໍ ສີລໍ ປຓ຺ຍໍ ປຫຣຓໍ ປໂຍຊນໍ.

ປຐມນ຺ຕາ ສິປ຺ປາທິວາຈກາ ອສ຺ເສຕິຉຏ຺ຐິຍຕ຺ເຖຓິໂກ ໂຫຕິ, ວີຓາວາທນໍ ສິປ຺ປມສ຺ສ ເວຓິໂກ, ໂມທງ຺ຄິໂກ, ວໍສິໂກ, ປໍສຸກູ- ລຘາຣຓໍ ສີລມສ຺ສ ປໍສຸກູລິໂກ, ເຕຈີວຣິເກວ, ຄນ຺ໂຘປຓ຺ຍມສ຺ສ ຄນ຺ຘິໂກ, ເຕລິໂກ, ໂຄຬິໂກ, ຈາໂປ ປຫຣຓມສ຺ສ ຈາປິໂກ, ໂຕມຣິໂກ, ມຸຄ຺ຄຣິໂກ, ອຸປຘິປ຺ປໂຍຊນມສ຺ສ ໂອປຘິກໍ, ສາຕິກໍ, ສາຫສ຺ສິກໍ.

໒໘. ຕໍ ຫນ຺ຕຣຫຕິ ຄຈ຺ຉຕຸຎ຺ຉຕິ ຈຣຕິ.

ທຸຕິຍນ຺ຕາ ຫນ຺ຕີຕິ ເອວມາທີສ຺ວຕ຺ເຖສຸ ຓີໂກ ໂຫຕິ. ປກ຺ຂີຫິປກ຺ຂິໂນ ຫນ຺ຕີຕິ ປກ຺ຂິໂກ, ສາກຸນິໂກ, ມາຍູຣິໂກ. ມຈ຺ເຉຫິ-ມຈ຺ຉິໂກ, ເມນິໂກ. ມິເຄຫິ-ມາຄວິໂກ ຫາຣິຓິໂກ, ‘ສູກຣິໂກ’ຕິ ອິໂກ. ສຕມຣຫຕີຕິ ສາຕິກໍ, ສນ຺ທິຏ຺ຐິໂກ, ເອຫິປສ຺ສວິຘິໍ ອຣຫຕີຕິ ເອຫິປສ຺ສິໂກ, ສາຫສ຺ສິໂກ, ‘ສຫສ຺ສິໂຍ’ຕິ ອິໂຍ. ປຣທາຣໍ ຄຈ຺ຉຕີຕິ ປາຣທາຣິໂກ, ມຄ຺ຄິໂກ, ປຎ຺ຎາສໂຍຊນິໂກ. ພທເຣ ອຸຎ຺ຉຕີຕິ ພາທຣິໂກ, ສາມາກິໂກ. ຘມ຺ມໍ ຈຣຕີຕິ ຘມ຺ມິໂກ, ອຘມ຺ມິໂກ.

໒໙. ເຕນ ກຕໍ ກີຕໍ ພທ຺ຘມຠິສງ຺ຂຕໍ ສໍສຏ຺ຐໍ ຫຕໍ ຫນ຺ຕິ ຊິຕໍ ຊຍຕິ ທິພ຺ພຕິ ຂຓຕິ ຕຣຕິ ຈຣຕິ ວຫຕິ ຊີວຕິ.

ຕຕິຍນ຺ຕາ ກຕາທິສ຺ວຕ຺ເຖສຸ ຓິໂກ ໂຫຕິ. ກາເຍນ ກຕໍ ກາຍິກໍ, ວາຈສິກໍ, ມານສິກໍ, ວາເຕນ ກໂຕ ອາພາໂຘ ວາຕິໂກ. ສເຕນ ກີຕໍ ສາຕິກໍ, ສາຫສ຺ສິກໍ, ມູລໂຕວ, ເທວທເຕນ ກີຕນ຺ຕິ ນ ໂຫຕິ ຕທຕ຺ຖາປ຺ປຕີຕິຍາ. ວຣຕ຺ຕາຍ ພທ຺ໂຘ ວາຣຕ຺ຕິໂກ, ອາຍສິໂກ, ປາສິໂກ. ຆເຕນ ອຠິສງ຺ຂຕໍ ສໍສຏ຺ຐໍ ວາ ຆາຕິກໍ, ໂຄຬິກໍ, ທາຘິກໍ, ມາຣິຈິກໍ. ຊາເລນ ຫໂຕ ຫນ຺ຕີຕິ ວາ ຊາລິໂກ, ພາລີສິໂກ. ອກ຺ເຂຫິ ຊິຕມກ຺ຂິກໍ, ສາລາກິກໍ. ອກ຺ເຂຫິ ຊຍຕິ ທິພ຺ພຕີຕິ ວາ ອກ຺ຂິໂກ. ຂຓິຕ຺ຕິຍາ ຂຓຕີຕິ ຂາຓິຕ຺ຕິໂກ, ກຸທ຺ທາລິໂກ, ເທວທຕ຺ເຕນ ຊິຕໍ, ອງ຺ຄຸລ຺ຍາ ຂຓຕີຕິ ນ ໂຫຕິ ຕທຕ຺ຖານວຄມາ. ອຸຬຸມ຺ເປນ ຕຣຕີຕິ ໂອຬຸມ຺ປິໂກ, ‘ອຸຬຸມ຺ປິໂກ’ຕິ ອິໂກ ໂຄປຸຈ຺ຉິໂກ, ນາວິໂກ. ສກເຏນ ຈຣຕີຕິ ສາກຏິໂກ, ‘ຣຖິໂກ, ປຣປ຺ປິໂກ’ຕິ ອິໂກ. ຂນ຺ເຘນ ວຫຕີຕິ ຂນ຺ຘິໂກ, ອໍສິໂກ, ‘ສີສິໂກ’ຕິ ອິໂກ. ເວຕເນນ ຊີວຕີຕິ ເວຕນິໂກ, ‘ຠຕິໂກ, ກຍິໂກ, ວິກ຺ກຍິໂກ, ກຍວິກ຺ກຍິໂກ’ຕິ ອິໂກ.

໓໐. ຕສ຺ສ ສໍວຕ຺ຕຕິ.

ຈຕຸຕ຺ຖິຍນ຺ຕາ ສໍວຕ຺ຕຕີຕິ ອສ຺ມິໍ ອຕ຺ເຖ ຓິໂກ ໂຫຕິ, ປຸນພ຺ຠວາຍ ສໍວຕ຺ຕຕີຕິ ໂປໂນຠວິໂກ, ອິຕ຺ຖິຍໍ ໂປໂນ ຠວິກາ, ໂລກາຍ ສໍວຕ຺ຕຕີຕິ ໂລກິໂກ ສຸຏ຺ຐຸ ອຄ຺ໂຄຕິ ສຄ຺ໂຄ, ສຄ຺ຄາຍ ສໍວຕ຺ຕຕີຕິ ໂສວຄ຺ຄິໂກ, ສສ຺ໂສວກ ຕທມິນາທິປາຐາ, ຘນາຍ ສໍວຕ຺ຕຕີຕິ ຘຎ຺ຎໍ, ໂຍ.

໓໑. ຕໂຕ ສມ຺ຠູຕມາຄຕໍ.

ປຎ຺ຈມ຺ຍນ຺ຕາ ສມ຺ຠູຕມາຄຕນ຺ຕິ ເອເຕສ຺ວຕ຺ເຖສຸ ຓິໂກ ໂຫຕິ, ມາຕິໂກ ສມ຺ຠູຕມາຄຕໍ ວາ ມຕ຺ຕິກໍ, ເປຕ຺ຕິກໍ, ຓ຺ຍຣິຍຓ -ຍາປິ ທິສ຺ສນ຺ຕິ, ສຸຣຠິໂຕ ສມ຺ຠູຕໍ ໂສຣຠ຺ຍໍ, ຖນໂຕ ສມ຺ຠູຕໍ ຖຎ຺ຎໍ, ປິຕິໂຕ ສມ຺ຠູໂຕ ເປຕ຺ຕິໂຍ, ມາຕິໂຍ, ມຕ຺ຕິໂຍ, ມຈ຺ໂຈ ວາ.

໓໒. ຕຕ຺ຖ ວສຕິ ວິທິໂຕ ຠຕ຺ໂຕ ນິຍຸຕ຺ໂຕ.

ສຕ຺ຕມ຺ຍນ຺ຕາ ຕຕ຺ຖ ວສຕີຕ຺ເວວມາທີສ຺ວຕ຺ເຖສຸ ຓິໂກ ໂຫຕິ. ຣຸກ຺ຂມູເລ ວສຕີຕິ ຣຸກ຺ຂມູລິໂກ, ອາຣຎ຺ຎິໂກ, ໂສສານິໂກ. ໂລເກ ວິທິໂຕ ໂລກິໂກ. ຈຕຸມຫາຣາເຊສຸ ຠຕ຺ຕາ ຈາຕຸມ຺ມຫາຣາຊິກາ. ທ຺ວາເຣ ນິຍຸຕ຺ໂຕ ໂທວາຣິໂກ ທສ຺ໂສກ ຕທມິນາທິປາຐາ, ຠຓ຺ຑາຄາຣິໂກ, ອິໂກ-ນວກມ຺ມິໂກ, ກິໂຍຊາຕິກິໂຍ, ອນ຺ຘກິໂຍ.

໓໓. ຕສ຺ສິທໍ.

ຉຏ຺ຐິຍນ຺ຕາ ອິທມິຈ຺ຈສ຺ມິໍ ອຕ຺ເຖ ຓິໂກ ໂຫຕິ, ສງ຺ຆສ຺ສ ອິທໍ ສງ຺ຆິກໍ, ປຸຄ຺ຄລິກໍ, ສກ຺ຍປຸຕ຺ຕິໂກ, ນາຕິປຸຕ຺ຕິໂກ, ເຊນທຕ຺ຕິໂກ, ກິເຍ-ສກິໂຍ, ປຣກິໂຍ, ນິເຍ-ອຕ຺ຕນິຍໍ, ເກ- ສໂກ ຣາຊກໍ ຠຓ຺ຑໍ.

໓໔. ໂຓ.

ຉຏ຺ຐິຍນ຺ຕາ ອິທມິຈ຺ຈສ຺ມິໍ ອຕ຺ເຖ ໂຓ ໂຫຕິ, ກຈ຺ຈາຍນສ຺ສ ອິທໍ ກຈ຺ຈາຍນໍ ພ຺ຍາກຣຓໍ, ໂສຄຕໍ ສາສນໍ, ມາຫິສໍ ມໍສາທິ.

໓໕. ຄວາທີຫິ ໂຍ.

ຄວາທີຫິ ຉຏ຺ຐິຍນ຺ເຕຫິ ອິທມິຈ຺ຈສ຺ມິໍ ອຕ຺ເຖ ໂຍ ໂຫຕິ, ຄຸນ຺ນໍ ອິທໍ ຄພ຺ຍໍ ມໍສາທິ, ກພ຺ຍໍ, ທພ຺ພໍ.

໓໖. ປິຕິໂຕ ຠາຕຣິ ເຣຍ຺ຍຓ.

ປິຕຸສທ຺ທາ ຕສ຺ສ ຠາຕຣິ ເຣຍ຺ຍຓ ໂຫຕິ, ປິຕຸ ຠາຕາ ເປຕ຺ເຕຍ຺ໂຍ.

໓໗. ມາຕິໂຕ ຈ ຠຄິນິຍໍ ໂຉ.

ມາຕິໂຕ ປິຕິໂຕ ຈ ເຕສໍ ຠຄິນິຍໍ ໂຉ ໂຫຕິ, ມາຕຸ ຠຄິນີ ມາຕຸຈ຺ຉາ, ປິຕຸ ຠຄິນີ ປິຕຸຈ຺ຉາ, ກຖໍ ‘ມາຕຸໂລ’ຕິ ‘‘ມາຕຸລາທິຕ຺ວານີ’’ຕິ ນິປາຕນາ.

໓໘. ມາຕາປິຕູສ຺ວາມໂຫ.

ມາຕາປິຕູຫິ ເຕສໍ ມາຕາປິຕູສຸ ອາມໂຫ ໂຫຕິ, ມາຕຸ ມາຕາ ມາຕາມຫີ, ມາຕຸ ປິຕາ ມາຕາມໂຫ, ປິຕຸ ມາຕາ ປິຕາມຫີ, ປິຕຸ ປິຕາ ປິຕາມໂຫ, ນ ຍຖາສງ຺ຂ຺ຍໍ, ປຈ຺ເຈກາຠິ ສມ຺ພນ຺ຘາ.

໓໙. ຫິເຕ ເຣຍ຺ຍຓ.

ມາຕາປິຕູຫິ ຫິເຕ ເຣຍ຺ຍຓ ໂຫຕິ, ມຕ຺ເຕຍ຺ໂຍ, ເປຕ຺ເຕຍ຺ໂຍ.

໔໐. ນິນ຺ທາຎ຺ຎາຕປ຺ປປຏິຠາຄຣສ຺ສທຍາສຎ຺ຎາສຸ ໂກ.

ນິນ຺ທາທີສ຺ວຕ຺ເຖຍຸ ນາມສ຺ມາ ໂກ ໂຫຕິ, ນິນ຺ທາຍໍ-ມຸຓ຺ຑໂກ, ສມຓໂກ. ອຎ຺ຎາເຕ-ກສ຺ສາຍໍ ອສ຺ໂສຕິ ອສ຺ສໂກ, ປໂຍຄສາມຕ຺ຖິຍາ ສມ຺ພນ຺ຘິວິເສສານວຄໂມວຄມ຺ຍເຕ. ອປ຺ປຕ຺ເຖເຕລກໍ, ຆຕກໍ. ປຏິຠາຄຕ຺ເຖ-ຫຕ຺ຖີ ວິຍ ຫຕ຺ຖິໂກ, ອສ຺ສໂກ, ພລີພທ຺ທໂກ. ຣສ຺ເສ-ມານຸສໂກ, ຣຸກ຺ຂໂກ, ປິລກ຺ຂໂກ. ທຍາຍໍ-ປຸຕ຺ຕໂກ, ວຈ຺ຉໂກ. ສຎ຺ຎາຍໍ-ໂມໂຣ ວິຍ ໂມຣໂກ.

໔໑. ຕມສ຺ສປຣິມາຓໍ ຓິໂກ ຈ.

ປຐມນ຺ຕາ ອສ຺ເສຕິ ອສ຺ມິໍ ອຕ຺ເຖ ຓິໂກ ໂຫຕິ ໂກ ຈ ຕຎ຺ເຈ ປຐມນ຺ຕໍ ປຣິມາຓໍ ຠວຕິ, ປຣິມີຍເຕ ເນເນຕິ ປຣິມາຓໍ, ໂທໂຓ ປຣິມາຓມສ຺ສ ໂທຓິໂກ ວີຫິ, ຂາຣສຕິໂກ, ຂາຣສຫສ຺ສິໂກ ອາສີຕິໂກ ວໂຍ, ອຸປຑ຺ຒກາຍິກໍ ພິມ຺ໂພຫນໍ, ປຎ຺ຈກໍ, ຉກ຺ກໍ.

໔໒. ຍເຕເຕຫິ ຕ຺ຕໂກ.

ຍາທີຫິ ປຐມນ຺ເຕຫີ ອສ຺ເສຕິ ຉຏ຺ຐິຍຕ຺ເຖ ຕ຺ຕໂກ ໂຫຕິ, ຕຎ຺ເຈ ປຐມນ຺ຕໍ ປຣິມາຓໍ ຠວຕິ, ຍໍ ປຣິມາຓມສ຺ສ ຍຕ຺ຕກໍ, ຕຕ຺ຕກໍ, ເອຕ຺ຕກໍ, ອາວຕເກ ຍາວຕໂກ, ຕາວຕໂກ (ເອຕາວຕໂກ).

໔໓. ສພ຺ພາ ຈາວນ຺ຕຸ.

ສພ຺ພໂຕ ປຐມນ຺ເຕຫິ ຍາທີຫິ ຈ ອສ຺ເສຕິ ຉຏ຺ຐິຍຕ຺ເຖ ອາວນ຺ຕຸ ໂຫຕິ, ຕຎ຺ເຈ ປຐມນ຺ຕໍ ປຣິມາຓໍ ຠວຕິ. ສພ຺ພໍ ປຣິມາຓມສ຺ສ ສພ຺ພາວນ຺ຕໍ, ຍາວນ຺ຕໍ, ຕາວນ຺ຕໍ, ເອຕາວນ຺ຕໍ.

໔໔. ກິມ຺ຫາ ຣຕິຣີວຣີວຕກຣິຕ຺ຕກາ.

ກິມ຺ຫາ ປຐມນ຺ຕາ ອສ຺ເສຕິ ຉຏ຺ຐິຍຕ຺ເຖ ຣຕິຣີວຣີວຕກຣິຕ຺ຕກາ ໂຫນ຺ຕິ, ຕຎ຺ເຈ ປຐມນ຺ຕໍ ປຣິມາຓໍ ຠວຕິ, ກິໍ ສງ຺ຂ຺ຍານໍ ປຣິມາຓເມສໍ ກຕິ ເອເຕ, ກີວ, ກີວຕກໍ, ກິຕ຺ຕກໍ. ຣີວນ຺ໂຕ ສຠາວໂຕ ອສງ຺ຂ຺ໂຍ.

໔໕. ສຎ຺ຊາຕໍ ຕາຣກາທິຕ຺ວິໂຕ.

ຕາຣກາທີຫິ ປຐມນ຺ເຕຫິ ອສ຺ເສຕິ ຉຏ຺ຐິຍຕ຺ເຖ ອິໂຕ ໂຫຕິ, ເຕ ເຈ ສຎ຺ຊາຕາ ໂຫນ຺ຕິ, ຕາຣກາ ສຎ຺ຊາຕາ ອສ຺ສ ຕາຣກິຕໍ ຄຄນໍ, ປຸປ຺ຜິໂຕ ຣຸກ຺ໂຂ, ປລ຺ລວິຕາ ລຕາ.

໔໖. ມາເນ ມຕ຺ໂຕ.

ປຐມນ຺ຕາ ມານວຸຕ຺ຕິໂຕ ອສ຺ເສຕິ ອສ຺ມິໍອຕ຺ເຖ ມຕ຺ໂຕ ໂຫຕິ, ປລໍ ອຸມ຺ມານມສ຺ສ ປລມຕ຺ຕໍ, ຫຕ຺ໂຖ ປມາຓມສ຺ສ ຫຕ຺ຖມຕ຺ຕໍ ສຕໍ ມານມສ຺ສ ສຕມຕ຺ຕໍ, ໂທໂຓ ປຣິມາຓມສ຺ສ ໂທຓມຕ຺ຕໍ, ອເຠໂທປຈາຣາ ໂທໂຓຕິປິ ໂຫຕິ.

໔໗. ຕຄ຺ໂຆ ຈຸທ຺ຘໍ.

ອຸທ຺ຘມານວຸຕ຺ຕິໂຫ ອສ຺ເສຕິ ຉຏ຺ຐິຍຕ຺ເຖ ຕຄ຺ໂຆ ໂຫຕິ ມຕ຺ໂຕ ຈ, ຊຓ຺ຓຸຕຄ຺ຆໍ, ຊຓ຺ຓຸມຕ຺ຕໍ.

໔໘. ໂຓ ຈ ປຸຣິສາ.

ປຸຣິສາ ປຐມນ຺ຕາ ອຸທ຺ຘມານວຸຕ຺ຕິໂຕ ໂຓ ໂຫຕິ ມຕ຺ຕາທໂຍ ຈ, ໂປຣິສໍ, ປຸຣິສມຕ຺ຕໍ, ປຸຣິສຕຄ຺ຆໍ.

໔໙. ອຍູຠທ຺ວິຕີຫໍເສ.

ອຸຠທ຺ວິຕີຫິ ອວຍວວຸຕ຺ຕີຕິ ປຐມນ຺ເຕຫິ ອສ຺ເສຕິ ຉຏ຺ຐິຍຕ຺ເຖ ອໂຍ ໂຫຕິ. ອຸໂຠ ອໍສາ ອສ຺ສ ອຸຠຍໍ, ທ຺ວຍໍ, ຕຍໍ.

໕໐. ສງ຺ຂ຺ຍາຍ ສຈ຺ຈຸຕີສາສທສນ຺ຕາຍາຘິກາສ຺ມິໍ ສວສຫສ຺ເສ ໂຑ.

ສຕ຺ຍນ຺ຕາຍ ອຸຕ຺ຍນ຺ຕາຍ ອີສນ຺ຕາຍ ອາສນ຺ຕາຍ ທສນ຺ຕາຍ ຈ ສງ຺ຂ຺ຍາຍ ປຐມນ຺ຕາຍ ອສ຺ມິນ຺ຕິ ສຕ຺ຕມ຺ຍຕ຺ເຖ ໂຑ ໂຫຕິ, ສາ ເຈ ສງ຺ຂ຺ຍາ ອຘິກາ ໂຫຕິ, ຍທສ຺ມິນ຺ຕິ ຕຎ຺ເຈ ສຕໍ ສຫສ຺ສໍ ສຕສຫສ຺ສໍ ວາ ໂຫຕິ, ວີສຕິ ອຘິກາ ອສ຺ມິໍ ສເຕຕິ ວີສໍ ສຕໍ, ເອກວີສໍ ສຕໍ, ສຫສ຺ສໍ, ສຕສຫສ຺ສໍ ວາ, ຕິໍສໍ ສຕໍ, ເອກຕິໍສໍ ສຕໍ. ອຸຕ຺ຍນ຺ຕາຍ-ນວຸຕໍ ສຕໍ ສຫສ຺ສໍ ສຕສຫສ຺ສໍ ວາ. ອີສນ຺ຕາຍ ຈຕ຺ຕາລີສໍ ສຕໍ, ສຫສ຺ສໍ, ສຕສຫສ຺ສໍ ວາ. ອາສນ຺ຕາຍ ປຎ຺ຎາສໍ ສຕໍ, ສຫສ຺ສໍ, ສຕສຫສ຺ສໍ ວາ. ທສນ຺ຕາຍເອກາທສໍ ສຕໍ, ສຫສ຺ສໍ, ສຕສຫສ຺ສໍ ວາ. ສຈ຺ຈຸຕີສາສທສນ຺ຕາຍາຕິ ກິໍ? ຉາຘິກາ ອສ຺ມິໍສເຕ. ອຘິເກຕິ ກິໍ? ປຎ຺ຈທສຫີນາ ອສ຺ມິໍສເຕ, ອສ຺ມິນ຺ຕິ ກິໍ? ວີສຕ຺ຍຘິກາ ເອຕສ຺ມາ ສຕາ, ສຕສຫສ຺ເສຕິ ກິໍ? ເອກາທສ ອຘິກາ ອສ຺ສໍ ວີສຕິຍໍ.

໕໑. ຕສ຺ສ ປູຣເຓກາທສາທິໂຕ ວາ.

ຉຏ຺ຐິຍນ຺ຖາເຍກາທສາທິກາຍ ສງ຺ຂ຺ຍາຍ ໂຑ ໂຫຕິ (ຕສ຺ສ) ປູຣຓຕ຺ເຖ ວິຠາສາ, ສາ ສງ຺ຂ຺ຍາ ປູຣີຍເຕ ເຍນ ຕໍ ປູຣຓໍ, ເອກາທສນ຺ນໍ ປູຣໂຓ ເອກາທໂສ. ເອກາທສໂມ, ວີໂສ, ວີສຕິໂມ, ຕິໍໂສ, ຕິໍສຕິໂມ, ຈຕ຺ຕາລີໂສ, ປຎ຺ຎາໂສ.

໕໒. ມ ປຎ຺ຈາທິກຕິຫິ.

ຉຏ຺ຐິຍນ຺ຕາຍ ປຎ຺ຈາທິກາຍ ສງ຺ຂ຺ຍາຍ ກຕິສ຺ມາ ຈ ໂມ ໂຫຕິ (ຕສ຺ສ) ປູຣຓຕ຺ເຖ, ປຎ຺ຈໂມ, ສຕ຺ຕໂມ, ອຏ຺ຐໂມ, ກຕິໂມ, ກຕິມີ.

໕໓. ສຕາທີນມິຈ. ສຕາທິກາຍ ສງ຺ຂ຺ຍາຍ ຉຏ຺ຐິຍນ຺ຕາຍ (ຕສ຺ສ) ປູຣຓຕ຺ເຖ ໂມໂຫຕິ ສຕາທີນມິຈານ຺ຕາເທໂສ, ສຕິໂມ, ສຫສ຺ສິໂມ.

໕໔. ຉາ ຏ຺ຐຏ຺ຐມາ.

ຉສທ຺ທາ ຏ຺ຐຏ຺ຐມາ ໂຫນ຺ຕິ ຕສ຺ສ ປູຣຓຕ຺ເຖ, ຉຏ຺ໂຐ, ຉຏ຺ຐໂມ, ອິຕ຺ຖິຍໍ ຉຏ຺ຐີ, ຉຏ຺ຐມີ, ກຖໍ ‘ທຸຕິຍໍ ຈຕຸຕ຺ຖ’ນ຺ຕິ? ‘‘ທຸຕິຍສ຺ສ, ຈຕຸຕ຺ຖ ຕຕິຍານ’’ນ຺ຕິ ນິປາຕນາ.

໕໕. ເອກາ ກາກ຺ຍສຫາເຍ.

ເອກສ຺ມາ ອສຫາຍຕ຺ເຖ ກອາກີ ໂຫນ຺ຕິ ວາ, ເອກໂກ, ເອກາກີ, ເອໂກ.

໕໖. ວຈ຺ຉາທີຫິ ຕນຸຕ຺ເຕ ຕໂຣ.

ວຈ຺ຉາທີນໍ ສຠາວສ຺ສ ຕນຸຕ຺ເຕ ຄມ຺ຍມາເນ ຕໂຣ ໂຫຕິ, ສຸສຸຕ຺ຕສ຺ສ ຕນຸຕ຺ເຕ ວຈ຺ຉຕໂຣ, ອິຕ຺ຖິຍໍ ວຈ຺ຉຕຣີ, ໂຍພ຺ພນສ຺ສ ຕນຸຕ຺ເຕ ໂອກ຺ຂຕໂຣ, ອສ຺ສຠາວສ຺ສ ຕນຸຕ຺ເຕ ອສ຺ສຕໂຣ, ສາມຕ຺ຖິຍສ຺ສ ຕນຸຕ຺ເຕ ອຸສຠຕໂຣ.

໕໗. ກິມ຺ຫາ ນິທ຺ຘາຣເຓ ຣຕຣ ຣຕມາ. ກິໍສທ຺ທາ ນິທ຺ຘາຣເຓ ຣຕຣ ຣຕມາ ໂຫນ຺ຕິ, ກຕໂຣ ຠວຕໍ ເທວທຕ຺ໂຕ, ກຕໂຣ ຠວຕໍ ກໂຐ, ກຕໂມ ຠວຕໍ ເທວທຕ຺ໂຕ, ກຕໂມ ຠວຕໍ ກໂຐ, ຠາຣທ຺ວາຊານໍ ກຕໂມສິ ພ຺ຣຫ຺ເມ.

໕໘. ເຕນ ທຕ຺ເຕ ລິຍາ.

ຕຕິຍນ຺ຕາ ທຕ຺ເຕ-ຠິເຘຍ຺ເຍ ລອິຍາ ໂຫນ຺ຕິ, ເທເວນ ທຕ຺ໂຕ ເທວໂລ, ເທວິໂຍ, ພ຺ຣຫ຺ມໂລ, ພ຺ຣຫ຺ມິໂຍ, ສິວາ ສີວໂລ, ສີວິໂຍ, ສິສ຺ສ ທີໂຆ.

໕໙. ຕສ຺ສ ຠາວກມ຺ເມສຸ ຕ຺ຕຕາຕ຺ຕນຓ຺ຍເຓຍ຺ຍຓິຍຓິຍາ.

ຉຏ຺ຐິຍນ຺ຕາ ຠາເວ ກມ຺ເມ ຈ ຕ຺ຕາທໂຍ ໂຫນ຺ຕິ ພຫຸລໍ, ນ ຈ ສພ຺ເພ ສພ຺ພໂຕ ໂຫນ຺ຕິ ອຎ຺ຎຕ຺ຣ ຕ຺ຕຕາຫິ, ຠວນ຺ຕິ ເອຕສ຺ມາ ພຸທ຺ຘິສທ຺ທາຠິ ຠາໂວ ສທ຺ທສ຺ສ ປວຕ຺ຕິນິມິຕ຺ຕໍ, ນີລສ຺ສ ປຏສ຺ສ ຠາໂວ ນີລຕ຺ຕໍ ນີລຕາຠິ ຄຸໂຓ ຠາໂວ, ນີລສ຺ສ ຄຸຓສ຺ສ ຠາໂວ ນີລຕ຺ຕໍ ນີລຕາຠິ ນີລຄຸຓຊາຕິ, ໂຄຕ຺ຕໍ ໂຄຕາຕິ ໂຄຊາຕິ, ປາຈກຕ຺ຕໍ, ທຓ຺ຑິຕ຺ຕໍ, ວິສາຓິຕ຺ຕໍ, ຣາຊປຸຣິສຕ຺ຕນ຺ຕິ ກ຺ຣິຍາທິສມ຺ພນ຺ຘິຕ຺ຕໍ, ເທວທຕ຺ຕຕ຺ຕໍ, ຈນ຺ທຕ຺ຕໍ, ສູຣິຍຕ຺ຕນ຺ຕິ ຕທວຕ຺ຖາວິເສສສາມຎ຺ຎໍ, ອາກາສຕ຺ຕໍ, ອຠາວຕ຺ຕນ຺ຕິ ອຸປຈຣິຕເຠທສາມຎ຺ຎໍ. ຕ຺ຕນ-ປຸຖຸຊ຺ຊນຕ຺ຕນໍ, ເວທນຕ຺ຕນໍ, ຊາຍຕ຺ຕນໍ, ຊາຣຕ຺ຕນໍ. ຓ຺ຍ-ອາລສ຺ຍໍ, ພ຺ຣຫ຺ມຎ຺ຎໍ, ຈາປລ຺ຍໍ, ເນປຸຎ຺ຎໍ, ເປສຸຎ຺ຎໍ, ຣຊ຺ຊໍ, ອາຘິປຈ຺ຈໍ, ທາຍຊ຺ຊໍ, ເວສມ຺ມໍ ‘ເວສມ’ນ຺ຕິ, ເກຈິ, ສຂ຺ຍໍ, ວາຓິຊ຺ຊໍ. ເຓຍ຺ຍ-ໂສເຈຍ຺ຍໍ, ອາຘິປເຕຍ຺ຍໍ. ຓຄາຣວໍ, ປາຏວໍ, ອຊ຺ຊວໍ, ມທ຺ທວໍ. ອິຍ-ອຘິປຕິຍໍ, ປຓ຺ຑິຕິຍໍ, ພຫຸສ຺ສຸຕິຍໍ, ນຄ຺ຄິຍໍ, ສູຣິຍໍ. ຓິຍ-ອາລສິຍໍ, ກາຬຸສິຍໍ, ມນ຺ທິຍໍທກ຺ຂິຍໍ, ໂປໂຣຫິຕິຍໍ, ເວຍ຺ຍຕ຺ຕິຍໍ. ກຖໍ ‘ຣາມຓີຍກ’ນ຺ຕິ? ສກຕ຺ເຖ ກນ຺ຕາ ເຓນ ສິທ຺ຘໍ. ກມ຺ມໍ ກິຣິຍາ, ຕຕ຺ຖ ອລສສ຺ສ ກມ຺ມໍ ອລສຕ຺ຕໍ’ ອລສຕາ, ອລສຕ຺ຕນໍ, ອາລສ຺ຍໍ, ອາລສິຍໍ ວາ, ‘‘ສກຕ຺ເຖ’ (໔.໑໒໒) ຕິ ສກຕ຺ເຖປິ, ຍຖາຠຸຈ຺ຈໍ, ກາຣຸຎ຺ຎໍ, ປຕ຺ຕກລ຺ລໍ, ອາກາສານຎ຺ຈໍ, ກາຍປາຄຸຎ຺ຎຕາ.

໖໐. ພ຺ຍ ວທ຺ຘທາສາ ວາ.

ຉຏ຺ຐິຍນ຺ຕາ ວທ຺ຘາ ທາສາ ຈ ພ຺ໂຍ ວາ ໂຫຕິ ຠາວກມ຺ເມສຸ, ວທ຺ຘພ຺ຍໍ ວທ຺ຘຕາ, ທາສພ຺ຍໍ ທາສຕາ, ກຖໍ ‘ວທ຺ຘວ’ນ຺ຕິ? ເຓ ວາຄໂມ.

໖໑. ນຓ ຍຸວາ ໂພ ຈ ວສ຺ສ.

ຉຏ຺ຐິຍນ຺ຕາ ຍຸວສທ຺ທາ ຠາວກມ຺ເມສຸ ນຓ ວາ ໂຫຕິ ຕສ຺ສ ໂພ ຈ, ໂຍພ຺ພນໍ, ວາຕ຺ເວວ? ຍຸວຕ຺ຕໍ, ຍຸວຕາ.

໖໒. ອຓ຺ວາທິຕ຺ວິໂມ.

ອຓຸອາທີຫິ ຉຏ຺ຐິຍນ຺ເຕຫິ ຠາເວ ວາ ອິໂມ ໂຫຕິ, ອຓິມາ, ລຆິມາ, ມຫິມາ, (ຄຣິມາ), ກສິມາ, ວາຕ຺ເວວ? ອຓຸຕ຺ຕໍ ອຓຸຕາ.

໖໓. ຠາວາ ເຕນ ນິພ຺ພຕ຺ເຕ.

ຠາວວາຈກາ ສທ຺ທາ ເຕນ ນິພ຺ພຕ຺ເຕ-ຠິເຘຍ຺ເຍ ອິໂມ ໂຫຕິ, ປາເກນ ນິພ຺ພຕ຺ຕ ປາຓິມໍ, ເສກິມໍ.

໖໔. ຕຣຕມິສ຺ສິກິຍິຏ຺ຐາຕິສເຍ.

ອຕິສເຍ ວຕ຺ຕມານໂຕ ໂຫນ຺ເຕເຕ ປຈ຺ຈຍາ, ອຕິສເຍນ ປາໂປ ປາປຕໂຣ, ປາປຕໂມ, ປາປິສ຺ສິໂກ, ປາປິໂຍ, ປາປິຏ຺ໂຐ, ອິຕ຺ຖິຍໍ ປາປຕຣາ. ອຕິສຍນ຺ຕາປິ ອຕິສຍປ຺ປຈ຺ຈໂຍ, ອຕິສເຍນ ປາປິຏ຺ໂຐ ປາປິຏ຺ຐຕໂຣ.

໖໕. ຕນ຺ນິສ຺ສິເຕ ລ຺ໂລ.

ທຸຕິຍນ຺ຕາ ລ຺ລປ຺ປຈ຺ຈໂຍ ໂຫຕິ ນິສ຺ສິຕຕ຺ເຖ, ເວທໍ ນິສ຺ສິຕໍ ເວທລ຺ລໍ, ທຸຏ຺ຐຸ ນິສ຺ສິຕໍ ທຸຏ຺ຐຸລ຺ລໍ. ອິລ຺ເລ-ສງ຺ຂາຣິລ຺ລໍ.

໖໖. ຕສ຺ສ ວິກາຣາວຍເວສຸ ຓ ຓິກ ເຓຍ຺ຍມຍາ.

ປກຕິຍາ ອຸຕ຺ຕຣມວຕ຺ຖນ຺ຕຣໍ ວິກາໂຣ, ຉຏ຺ຐິຍນ຺ຕາ ນາມສ຺ມາ ວິກາເຣ-ວຍເວ ຈ ຓາທໂຍ ໂຫນ຺ຕິ ພຫຸລໍ, ຓ-ອາຍສໍ ພນ຺ຘນໍ, ໂອທຸມ຺ພຣໍ, ປຓ຺ຓໍ, ໂອທຸມ຺ພຣໍ ຠສ຺ມໍ, ກາໂປຕໍ ມໍສໍ, ກາໂປຕໍ ສຕ຺ຖິ. ຓິກ-ກປ຺ປາສິກໍ ວຕ຺ຖໍ. ເຓຍ຺ຍ-ເອເຓຍ຺ຍໍ ມໍສໍ, ເອເຓຍ຺ຍໍ ສຕ຺ຖິ. ໂກເສຍ຺ຍໍ ວຕ຺ຖໍ. ມຍ-ຕິຓມຍໍ, ທາຣຸມຍໍ, ນຬມຍໍ, ມຕ຺ຕິກາມຍໍ. ‘‘ອຎ຺ຎສ຺ມິ’’ນ຺ຕິ (໔.໑໒໑) ຄຸນ຺ນໍ ກຣີເສປິ ມໂຍ, ໂຄມຍໍ.

໖໗. ຊຕຸໂຕ ສຓ ວາ.

ຉຏ຺ຐິຍນ຺ຕາ ນາມສ຺ມາ ຊຕຸໂຕ ວິກາຣາວຍເວສຸ ສຓ ວາ ໂຫຕິ. ຊຕຸໂນ ວິກາໂຣ ຊາຕຸສໍ ຊຕຸມຍໍ. ‘‘ໂລໂປ’’ຕິ (໔.໑໒໓) ພຫຸລໍ ປຈ຺ຈຍໂລໂປປິ ຜລປຸປ຺ຜມູເລສຸ ວິກາຣາວຍເວສຸ, ປິຍາລສ຺ສ ຜລານິ ປິຍາລານິ, ມລ຺ລິກາຍ ປຸປ຺ຜານິ ມລ຺ລິກາ, ອຸສິຣສ຺ສ ມູລໍ ອຸສີຣໍ, ຕໍ ສທ຺ເທນ ວາ ຕທຠິຘານໍ.

໖໘. ສມູເຫ ກຓ ຓ ຓິກາ.

ຉຏ຺ຐິຍນ຺ຕາ ສມູເຫ ກຓ ຓ ຓິກາ ໂຫນ຺ຕິ ໂຄຕ຺ຕປ຺ປຈ຺ຈຍນ຺ຕາ. ກຓ-ຣາຊຎ຺ຎກໍ, ມານຸສ຺ສກໍ, ອຸກ຺ຂາທີຫິ-ໂອກ຺ຂກໍ, ໂອຏ຺ຐກໍ, ໂອຣພ຺ຠກໍ, ຣາຊກໍ, ຣາຊປຸຕ຺ຕກໍ, ຫຕ຺ຖິກໍ, ເຘນຸກໍ. ຓ-ກາກໍ, ຠິກ຺ຂໍ. ອຈິຕ຺ຕາ ຓິກ-ອາປູປິກໍ, ສໍກຸລິກໍ.

໖໙. ຊນາທີຫິ ຕາ.

ຊນາທີຫິ ຉຏ຺ຐິຍນ຺ເຕຫິ ສມູເຫ ຕາ ໂຫຕິ. ຊນຕາ, ຄຊຕາ, ພນ຺ຘຸຕາ, ຄາມຕາ, ສຫາຍຕາ, ນາຄຣຕາ. ຕານ຺ຕາ ສຠາວໂຕ ອິຕ຺ຖິລິງ຺ຄາ, ‘ມທນີຍ’ນ຺ຕິ ກຣເຓ-ຘິກຣເຓ ວາ ອນີເຍນ ສິທ຺ຘໍ. ‘ຘູມາຍິຕຕ຺ຕ’ນ຺ຕິ ກ຺ຕານ຺ຕາ ນາມຘາຕຸໂຕ ກ຺ເຕນ ສິທ຺ຘໍ.

໗໐. ອິໂຍ ຫິເຕ.

ຉຏ຺ຐິຍນ຺ຕາ ຫິເຕ ອິໂຍ ໂຫຕິ. ອຸປາທານິຍໍ, ອຎ຺ຎຕ຺ຣາປິ ສມາໂນທເຣ ສຍິໂຕ ໂສທຣິໂຍ.

໗໑. ຈກ຺ຂ຺ວາທິໂຕ ສ຺ໂສ.

ຉຏ຺ຐິຍນ຺ເຕຫິ ຈກ຺ຂຸອາທີຫິ ຫິເຕ ສ຺ໂສ ໂຫຕິ, ຈກ຺ຂຸສ຺ສໍ, ອາຍຸສ຺ສໍ.

໗໒. ຓ຺ໂຍ ຕຕ຺ຖ ສາຘຸ.

ສຕ຺ຕມ຺ຍນ຺ຕາ ຕຕ຺ຖ ສາຘູຕິ ອສ຺ມິໍ ອຕ຺ເຖ ຓ຺ໂຍ ໂຫຕິ. ສພ຺ໂຠ, ປາຣິສຊ຺ໂຊ. ສາຘູຕິ ກຸສໂລ ໂຍຄ຺ໂຄ ຫິໂຕ ວາ. ອຎ຺ຎຕ຺ຣາປິ ຣຖໍ ວຫຕີຕິ ຣຈ຺ຉາ.

໗໓. ກມ຺ມາ ນິຍ ຎ຺ຎາ.

ສຕ຺ຕມ຺ຍນ຺ຕາ ກມ຺ມສທ຺ທາ ຕຕ຺ຖ ສາຘູຠິ ອສ຺ມິໍ ອຕ຺ເຖ ນິຍ ຎ຺ຎາ ໂຫນ຺ຕິ. ກມ຺ເມ ສາຘຸ ກມ຺ມນິຍໍ, ກມ຺ມຎ຺ຎໍ.

໗໔. ກຖາທິຕ຺ວິໂກ.

ກຖາທີຫິ ສຕ຺ຕມ຺ຍນ຺ເຕຫິ ຕຕ຺ຖ ສາຘູຕິ ອສ຺ມິໍ ອຕ຺ເຖ ອິໂກ ໂຫຕິ. ກຖິໂກ, ຘມ຺ມກຖິໂກ, ສງ຺ຄາມິໂກ ປວາສິໂກ, ອຸປວາສິໂກ.

໗໕. ປຖາທີຫິ ເຓຍ຺ໂຍ.

ປຖາທີຫິ ສຕ຺ຕມ຺ຍນ຺ເຕຫິ ຕຕ຺ຖ ສາຘູຕິ ອສ຺ມິໍ ອຕ຺ເຖ ເຓ-ຍ຺ໂຍ ໂຫຕິ, ປາເຖຍ຺ຍໍ ສາປເຕຍ຺ຍໍ (ອາຕິເຖຍ຺ຍໍ).

໗໖. ທກ຺ຂິຓາຍາຣເຫ.