ຕິຄຸມ຺ພເຈຕິຍ ໂຖມນາ

ນໂມ ຕສ຺ສ ຠຄວໂຕ ອຣຫໂຕ ສມ຺ມາສມ຺ພຸທ຺ຘສ຺ສ

໑. ໂຍ ທີປງ຺ກຣມູລມ຺ຫິ, ປທໍ ຫຕ຺ຕຄຕໍ ຈຊິ;

ສມ຺ມາສມ຺ໂພຘິ ມາກງ຺ຂໍ, ວນ຺ເທ ຕສ຺ສ ສິໂຣຣຸຫໍ.

(ປຖ຺ຍາວຕ຺ຕຄາຖາ).

໒. ປູເຣຕ຺ວາ ໂພຘິສມ຺ຠາຣ-ມເຫສໍ ໂຍ ອນຸຕ຺ຕຣໍ;

ອລຕ຺ຖ ພຸທ຺ຘຕ຺ຕໍ ຕສ຺ສ, ເກສຘາຕຸວຣໍ ນເມ.

(ປຖ຺ຍາວຕ຺ຕຄາຖາ).

໓. ລທ຺ຘາ ພຸທ຺ຘຕ຺ຕໍ ຉຐານ-ມຕິກ຺ກມ຺ມ ປເວທຍິ;

ວິມຸຕ຺ຕິໍ ຣາຊາຍຕເນ, ຕສ຺ສ ເກສວຣໍ ນເມ.

(ຣກາຣ ຠກາຣວິປຸລາ ປຖ຺ຍາວຕ຺ຕຄາຖາ).

໔. ຕຕ຺ຖ ສກ຺ກທຕ຺ຕິຍມ຺ປິ, ນາຄລຕໍ ຫຣີຕກໍ;

ອໂນຕຕ຺ໂຕທກໍ ຠຸຎ຺ຊິ, ວນ຺ເທ ຕສ຺ສ ສິໂຣຣຸຫໍ.

(ຣກາຣວິປຸລາ ປຖ຺ຍາວຕ຺ຕຄາຖາ).

໕. ຕທາ ມຸຄ຺ຄເສລປຕ຺ຕໍ, ມຫາຣາຊູຫິ ທິນ຺ນກໍ;

ຕຖາຄໂຕ ປຏິຄ຺ຄຓ຺ຫິ, ວນ຺ທາມິ ຕສ຺ສ ສີສຊໍ.

(ຣກາຣວິປຸລາ ປຖ຺ຍາວຕ຺ຕຄາຖາ).

໖. ຕທາ ທ຺ວິນ຺ນໍ ທ຺ເວຠາຕິກ-ຊເນຫິ ມຘຸປິຓ຺ຑິກໍ;

ປຣິຠຸຎ຺ເຊສິ ມນ຺ຖມ຺ປິ, ຕສ຺ສ ສີສສິຣິໍ ນເມ.

(ຕກາຣວິປຸລາ ປຖ຺ຍາວຕ຺ຕຄາຖາ).

໗. ໂຍ ຕປຸສ຺ສຠລ຺ລິການໍ, ຕທາ ທ຺ວິສຣຓໍ ອທາ;

ໂລກມ຺ຫິ ສພ຺ພປຐມໍ, ຕສ຺ສ ສີຣິວຫໍ ນເມ.

(ຣກາຣ ນກາຣ ວິປຸລາປຖ຺ຍາວຕ຺ຕຄາຖາ).

໘. ຕທາ ຕຕ຺ຖຸປຏ຺ຐການໍ, ເຕສໍ ເກເສ ອທາ ອຐ;

ໂລກຫິຕ ມເປກ຺ຂນ຺ໂຕ, ນາໂຖ ໂຍ ຕສ຺ສ ເຕ ນເມ.

(ຣກາຣວິປຸລາ ປຖ຺ຍາວຕ຺ຕຄາຖາ).

໙. ເຕປິ ຕໍ ອາຫາຣິຕ຺ວານ, ໂປກ຺ຂຣພ຺ພຕິຍໍ ກຣຸໍ;

ສຊີວເກສ ເຈຕິຍໍ, ນເມຕໍ ສພ຺ພປຸພ຺ພກໍ.

(ມກາຣວິປຸລາ ປຖ຺ຍາວຕ຺ຕຄາຖາ).

໑໐. ອຸໂປສຖຸໂປສຖມ຺ຫິ, ມຸຎ຺ຈນ຺ຕໍ ນີລຣສ຺ມິໂຍ;

ຠຄວາວ ໂລກອຕ຺ຖໍ, ກໂຣນ຺ຕໍ ຕໍ ສທາ ນເມ.

(ຣກາຣວິປຸລາ ປຖ຺ຍາວຕ຺ຕຄາຖາ).

໑໑. ຈູຬາມຓິທຸສ຺ສເຈຕ຺ຍໍ, ກາລມ຺ຫິ ໂພຘິສຕ຺ຕເກ;

ພຸທ຺ຘກາເລ ອິທໍ ສພ຺ພ-ປຐມໍ ຕໍ ນມາມຫໍ.

(ຣກາຣວິປຸລາ ປຖ຺ຍາວຕ຺ຕຄາຖາ).

໑໒. ນມາມຫໍ ວນ຺ທາມຫໍ, ປູເຊມຫໍ ສິໂຣຣຸຫໍ;

ປຸຎ຺ຎມິທໍ ຠວຕຸ ເມ, ປຈ຺ຈໂຍ ອາສວກ຺ຂເຍ.

(ຕກາຣ ນກາຣວິປຸລາ ປຖ຺ຍາວຕ຺ຕຄາຖາ).

ຕິຄຸມ຺ພເຈຕິຍໂຖມນາ ນິຏ຺ຐິຕາ.