ວາສມາລິນີກ຺ຍ

ນໂມ ຕສ຺ສ ຠຄວໂຕ ອຣຫໂຕ ສມ຺ມາສມ຺ພຸທ຺ຘສ຺ສ

໑. ວຸຑ຺ໂຒປິ ຊິນານໍ, ພຸທ຺ໂຘສິ ວິຊານໍ;

ປຸພ຺ໂພທິຕິ ມາຫໍ, ກຸພ຺ໂພມິ ວິມານໍ.

(ຕນຸມຊ຺ຌາຄາຖາ)

໒. ມຫາສມຕກູລໍ, ນຣາປວຣປູຊໍ;

ຊຫາ ອຠຍປູຣໍ, ນມາ ກນກຣູປໍ.

(ກຸມາຣລລິຕາຄາຖາ)

໓. ນຣາສຠສຸພຸທ຺ຘໍ, ປຊາມຕນຸຣຸຕ຺ຕໍ;

ທຍາກຣມຸທຸຕ຺ຕໍ, ນມາມ ຫ ອຸສຸກ຺ກໍ.

(ກຸມາຣລລິຕາຄາຖາ)

໔. ຫິຕໍ ວຫສຸສີໂລ, ປໂມທຕິ ສຸຂຕ຺ເຕ;

ນເມ ຕມປພຸທ຺ຘໍ, ຊິນໍ ຄຕສຸຂນ຺ຕໍ.

(ກຸມາຣລລິຕາຄາຖາ)

໕. ພນ຺ຘຸ ຈ ສນ຺ຕກິເລໂສ, ໂຍ ປິຕວຓ຺ຓປຠາໂສ;

ໂຄຕມໂຄຕ຺ຕສຸຎ຺ຎໂຕ, ຕສ຺ສ ນໂມ ນຣສີໂຫ.

(ຈິຕ຺ຣປທາຄາຖາ)

໖. ພຸທ຺ຘໍ ສຸທ຺ຘໍ ໂລເກສີຕໍ, ອຸກ຺ກໍ ຍຸຕ຺ຕໍ ໂຍເຄ ຫໍ;

ວນ຺ຕາຕີຕໍ ໂອເຆ ສີທໍ, ວນ຺ທາປີຫໍ ໂສເກຫີຫໍ.

(ວິຊ຺ຊຸມ຺ມາລາຄາຖາ)

໗. ໂຠຄວຕີ ໂຍປຂມີ, ສີຕທຍາ ໂລກສຂາ;

ຘາຕຸຕເຍ ກິຕ຺ຕິ ສ ເວ, ທາຕຸ ຊເຍ-ຕສ຺ສ ຈ ເມ;

(ມາຓວກຄາຖາ)

໘. ມານິໂຕ ລຸໂຂ ຣຸໂຕຖ, ສນ຺ນິໂຠ ສຸໂຠ ສຸໂຂ ຈ;

ຊານິໂຕ ຘໂຣ ນໂມ ຈ, ຕສ຺ສ ໂຍ ຖຸໂຕ ຄຸໂຓວ.

(ສມານິກາຄາຖາ)

໙. ຊຍໍ ຘຊໍ ປຊາປຸເຄ, ຐິຕໍ ລິລໍ ມຫາສຸເຂ;

ສຸຠໍ ຜຸຏໍ ປຠໍ ນເມ, ຫິຕໍ ສຸຂໍ ທທາຕຸ ເມ.

(ປມາຓິກາຄາຖາ)

໑໐. ປຸຓ຺ຓປຸຎ຺ຎຊນິຕສຸຠໍ, ຊາຕິຎາຕິຖຸຕິຍຄຸຓໍ;

ເຠທເວຣວິມລຊິນໍ, ຎາຓປາທຈຣຓ-ມຫໍ.

(ຫລມຸຂີຄາຖາ)

໑໑. ສຕິ ມຕິ ສຸຈິ ໂຍ-ຠາໂສ, ຖຸຕິ ມຸນິ ສຸຂິໂຕ ກາໂຍ;

ມນຸຊປຸມສຸໂຕ ນາໂຖ, ຊຍວຣ ມຸ-ສໂຠ ທາໂຕ.

(ຠຸຊຄສຸສຸຄາຖາ)

໑໒. ໂຍ ພຸທ຺ໂຘ ປວໂຣ ລິໂລ ປຸເຄ,

ໂລກຸຕ຺ໂຕ ອຠໂຍ ຐິໂຕ ສຸເຂ;

ອຸຕ຺ຕິຓ຺ຓໍ ນິສຠໍ ຫິຕໍ ວເຫ,

ໂມນິນ຺ທໍ ວິມລໍ ຊິນໍ ນເມ.

(ສຸທ຺ຘວິຣາຊິຕຄາຖາ)

໑໓. ເທວິນ຺ທໍ ວຣຄຓເຖຣິນ຺ທໍ,

ນິຏ຺ຐານໍ ຠວຊນນິພ຺ພານໍ;

ນິທ຺ໂທສໍ ຣຓຣຊນິປ຺ໂຜຏໍ,

ວນ຺ເທ-ຫໍ ສຸຠມຸຂໂສຓ຺ເຓມໍ.

(ປຓວຄາຖາ)

໑໔. ໂຄຕມໂຄຕ຺ເຕ ເກຕຸວ ຎາຕໍ,

ໂລກຊເຂຕ຺ເຕ ເມຣຸວ ຊາຕໍ;

ຖນ຺ທິລເຊຏ຺ເຐ ເຠທິຕມາຣໍ,

ປຓ຺ຑິຕມຊ຺ເຌ ເມຘິວ ຠາຓໍ;

ມນ຺ຕິຍ ວນ຺ເທ ເສວິຕນາຖໍ.

(ຣຸມ຺ມວຕີຄາຖາ)

໑໕. ພຸທ຺ໂຘ ສຸກ຺ໂກ ອມິຕຄຸຓີໂສ,

ຍຸຕ຺ໂຕ ມຸຕ຺ໂຕ ສສິວ ຕິມີໂຕ;

ເຂ ໂຍ ເຕໂຊ ຕປສິວ ອກ຺ໂກ,

ເຜໂລ ເຖໂຕ ຕວ ນມກາໂຣ.

(ມຕ຺ຕາຄາຖາ)

໑໖. ໂຍ ຊິຕມາເຣ ເວ ອຊິ ສພ຺ພໍ,

ໂຖ ມິຕສາເຣ ເຫ-ຘິຕປຕ຺ຕໍ;

ສໍສິຕປຸຓ຺ໂຓ ໂສ ນມິ ຕສ຺ສ,

ປຓ຺ຑິຕຜຸລ຺ໂລ ໂສ ມຕິກສ຺ສ.

(ຈມ຺ປກມາລາຄາຖາ)

໑໗. ກນກຣູປ ມູປເມຍ຺ຍກໍ,

ປວຣສູຣ ປູຊເສວຕໍ;

ກມລຠູມ ຘູຣເທສກໍ,

ນຣມຣູປ ຣູ ນເມ ຕ-ຫໍ.

(ມໂນຣມາຄາຖາ)

໑໘. ເທເວ ຄເຕ ທ຺ເວວາຣາ ຄມາສິ,

ເສເລ ຈເລ ເຍ ຎາຕາ ປຈາຍິ;

ອຸທ຺ຘໍ ຕເລ ເຕວາສໍ ອກາສິ,

ພຸທ຺ຘໍ ມເຕ ເອສາຫໍ ນມາມິ.

(ອຸພ຺ຠາສກນ຺ຕຄາຖາ)

໑໙. ອຸກ຺ເກ ສຸນຸຕໍ ປຸຖຸກຎ຺ຈ ເຖຣໍ,

ວຸຕ຺ເຕ ສຸຂຸມໍ ອຸຊຸກໍ ຕເຖຕໍ;

ທິພ຺ເພ ປຏິມໍ ກິຣິຍໍ ວເທຕໍ,

ອິທ຺ເຘ ມຫິຕໍ ກຖິຕໍ ນເມຫໍ.

(ອຸປຏ຺ຐິຕຄາຖາ)

໒໐. ທິພ຺ພສ຺ສ ປູເຣ ປວເຣຫິ ຄຸຕ຺ໂຕ,

ສິທ຺ຘຕ຺ຖ ຠູເຕ ນຄເຣຫິ ວຸຏ຺ໂຐ;

ສງ຺ກສ຺ສ ປູເຣ ມ-ຄເຓຫິ ພຸທ຺ໂຘ,

ອຎ຺ຎຕ຺ຖ ປູເຊ ປນເມ ນິ ກຸພ຺ໂພ.

(ອິນ຺ທວຊິຣາຄາຖາ)

໒໑. ສຸຠໍ ຖຸຕໍ ໂຍ ຣຊຕໍ ພລຕ຺ຖໍ,

ຍຸຄໍ ຫຸຕໍ ໂສ ກນກໍ ກມຕ຺ຖໍ;

ຈິຕໍ ຐິຕໍ ໂລຫິຕກໍ ມນາປໍ,

ລິລໍ ອິຕໍ ໂສຣຈິ ຕໍ ນມາຫໍ.

(ອຸເປນ຺ທວຊິຣາຄາຖາ)

໒໒. ປິນິຕໍ ວິຓໍ ສຂິລໍ ຍຊິ ຕໍ,

ສຸສຸຂໍ ຘຸຊໍ ພິລຸວໍ ນິຍຸຕໍ;

ຐປິຍໍ ສິມໍ ຖຸນຸຕໍ ປຸຖຸລໍ,

ນມິ ຫໍ ຂິຓໍ ສຸຂຸມໍ ມຸທຸກໍ.

(ສຸມຸຂີຄາຖາ)

໒໓. ໂສຄຕິ ໂພຘຍິໍ ຄາຫິຍ ປຕ຺ຕໍ,

ໂອຕຣິ ໂສນມິ ຊານິຕ ອຕ຺ຖໍ;

ຠູປຕິ ປູຊຍິ ສາກິຍ ວໍສໍ,

ສູຊຘິ ອູປຘິ ຠາສິຕ ຘມ຺ມໍ.

(ໂທຘກຄາຖາ)

໒໔. ຈຕ຺ຕາໂຣ-ເມ ຍາຈິເຕ ໂສ ປວຸຕ຺ເຖ,

ລທ຺ຘາ ໂຠເຄ ກາມິເຕ ໂອຆມຸຕ຺ເຕ;

ກຕ຺ຕາ ໂຕເສ-ຕໍ ນເມ ໂຈລຍຸຕ຺ເຕ,

ຕຕ຺ຖາ-ໂລເກ ຕໍປເຕ ໂຂ ປທຸກ຺ເກ.

(ສາລິນີຄາຖາ)

໒໕. ສຕ຺ຕາ-ໂລໂກ ສຣິໂຕ ໂຍ ຘຊຸກ຺ກໍ,

ຕຕ຺ຖາ-ໂຄໂປ ຣຈິໂຍ-ໂນຊ-ມຸທ຺ຘໍ;

ຠທ຺ທາ-ໂສໂກ-ປຈິໂຕ-ໂຠ ປພຸທ຺ຘໍ,

ສທ຺ຘາໂຍໂຄ ຠຊິ ໂສ-ໂຫ-ນມຸຈ຺ຈໍ.

(ວາໂຕມ຺ປີຄາຖາ)

໒໖. ຎາຕມຣູນໍ ອຸປຣິ ຐິຕານໍ,

ວາລປສູກໍ ຫຸວຕິ ຊິນານໍ;

ເທວສຸຍາໂມ ຊິນມິຕິ ຎາໂຕ,

ເຕນ ສຸຂາ-ໂຠ ວິນມິ ອິທາ ໂສ.

(ສິຣີຄາຖາ)

໒໗. ປຸຓ຺ຓເກນ ກຸສຸເມນ ເສວຕໍ,

ກຸຎ຺ຊເຣວ ຖຸນຸເຕນ ເຂ ຄຕໍ;

ສຸນ຺ທເຣນ ນມິ ເຕນ ເມ ຊຍໍ,

ປຸຎ຺ຎເຕຊກຣິ-ເຘສ ເວ ທທໍ.

(ຣໂຖທ຺ຘຕາຄາຖາ)

໒໘. ມາຕຸ ອາຍຸ ຂິຓຸ-ເກ ອິຫ ປຸພ຺ເພ,

ຕາສຸ ສາຘຸ ວິສຸເຕ-ທິສກຸຈ຺ເຈ;

ວາຕ ຕາລ ຂຈິເຕນິ-ຘ ໂສຓ຺ເຓ,

‘‘ຕາຕ ຕາຕ’’ ຍຊິ ເຕ-ຕິສ ວນ຺ເທ.

(ສ຺ວາຄຕຄາຖາ)

໒໙. ອຸປຣິ ກມລໂຍນິ ໂສຠິຕໍ,

ຊຸຫຕິ ຘວລໂຊຕິ-ໂທສິຕໍ;

ສຸກຣິ ຍ-ມຕໂພຘິ-ໂມຈິຕໍ,

ສຸນມິ ຈຣຓໂລກິ-ໂຘ-ຣິມໍ.

(ຠທ຺ທິກາຄາຖາ)

໓໐. ວເນ ຊິໂນ ໂຍ ວິນຍໍ ສຸເປກ຺ຂິ-ມໍ,

ມເຕ ຐິໂຕ-ໂຠ ທິຊກໍ ທຸພຊ຺ຊິຕໍ;

ອເຆ-ນິໂຘ ໂຂຠິ-ຕຣໍ ມຸເນ-ຈ຺ຉິ-ທໍ,

ນເມ-ຠິໂຕ ໂພຘິມຫໍ ລຸຂ-ຊ຺ຌິຕໍ.

(ວໍສຏ຺ຐຄາຖາ)

໓໑. ໂຍ ຊາຕິ-ໂທມານີ-ມຸປາສິ ລມ຺ພິ ຕໍ,

ໂກເຘຫິ ໂລເກຫິ ທຸຠາສິ ປຓ຺ຑິຕໍ;

ປູເຣປິ ມູເລປິ ປຫາສິ ທິຏ຺ຐິກໍ,

ສພ຺ເພຫິ ປຕ຺ເຕຫິ ນມາມິ ອິຈ຺ຉິຕໍ.

(ອິນ຺ທວໍສາຄາຖາ)

໓໒. ເວຣຎ຺ຊເກ ປູຣວເຣ ວິຠູສິເຕ,

ເນລຎ຺ຊເນ ທູມວເນ ວິກູຊິເຕ;

ເຂມງ຺ກເຣ ຖູລຕເຣ ວິທູ ສິເຕ,

ເອຕ-ງ຺ຄເມ ປູນ ນເມ ວິຣູປິ ເວ.

(ອິນ຺ທວໍສາຄາຖາ)

໓໓. ອຘຸນາປິ ສ ສາຣິສຸໂຕ ນິມລໍ,

ຕມຸປາສິ ມຕາປິ ກຸໂຕ ຈິ ນຍໍ;

ກຣຸຓາຍິ ຘ ຍາຈິ ພຸໂຘ ວິນຍໍ,

ຄຣຸກາປິ ນມາມິ ສຸ-ໂຍ ຊິຕ-ຫໍ.

(ໂຕຏກຄາຖາ)

໓໔. ຊນວໂຣ ມຸນິ ໂສ ສຣິໂຕ ວເນ,

ວສຠໂຕ ອຸທິໂຕ-ປຣິ ໂຄຕເມ;

ຄມນໂສ ຄຸຓິໂກ ຄມິ-ໂຕ ນເມ,

ນຄຣ-ໂທ ຊຸຕິ-ໂມ ຆຕິໂຕ-ສເຖ.