໗. ກິພ຺ພິຘານກປ຺ປ

ປຐມກຓ຺ຑ

(ກ)

ພຸທ຺ຘໍ ຎາຓສມຸທ຺ທໍ, ສພ຺ພຎ຺ຎຸໍ ໂລກເຫຕຸ’ຂີຓມຕິໍ;

ວນ຺ທິຕ຺ວາ ປຸພ຺ພມຫໍ, ວກ຺ຂາມິ ສສາຘນໍ ຫິ ກິຕກປ຺ປໍ.

(ຂ)

ສາຘນມູລໍ ຫິ ປໂຍຄໍ,

ອາຫຸ ປໂຍຄມູລມຕ຺ຖຎ຺ຈ;

ອຕ຺ເຖສຸ ວິສາຣທມຕໂຍ,

ສາສນສ຺ສຸຘຣາ ຊິນສ຺ສ ມຕາ.

(ຄ)

ອນ຺ໂຘ ເທສກວິກໂລ,

ຆຕມຘຸເຕລານິ ຠາຊເນນ ວິນາ;

ນຏ຺ໂຐ ນຏ຺ຐານິ ຍຖາ,

ປໂຍຄວິກໂລ ຕຖາ ອຕ຺ໂຖ.

(ຆ)

ຕສ຺ມາ ສໍຣກ຺ຂຓຕ຺ຖໍ, ມຸນິວຈນຕ຺ຖສ຺ສ ທຸລ຺ລຠສ຺ສາຫໍ;

ວກ຺ຂາມິ ສິສ຺ສກຫິຕໍ, ກິຕກປ຺ປໍ ສາຘເນນ ຍຸຕໍ.

໕໒໔. , ໕໖໑. ຘາຕຸຍາ ກມ຺ມາທິມ຺ຫິ ໂຓ.

ຘາຕຸຍາ ກມ຺ມາທິມ຺ຫິ ຓປຈ຺ຈໂຍ ໂຫຕິ.

ກມ຺ມໍ ກໂຣຕີຕິ ກມ຺ມກາໂຣ, ເອວໍ ກຸມ຺ຠກາໂຣ, ມາລາກາໂຣ, ກຏ຺ຐກາໂຣ, ຣຖກາໂຣ, ຣຊຕກາໂຣ, ສຸວຓ຺ຓກາໂຣ, ປຕ຺ຕຄ຺ຄາໂຫ, ຕນ຺ຕວາໂຍ, ຘຎ຺ຎມາໂຍ, ຘມ຺ມກາໂມ, ຘມ຺ມຈາໂຣ.

໕໒໕. , ໕໖໕. ສຎ຺ຎາຍມ ນຸ.

ສຎ຺ຎາຍມຠິເຘຍ຺ຍາຍໍ ຘາຕຸຍາ ກມ຺ມາທິມ຺ຫິ ອກາຣປຈ຺ຈໂຍ ໂຫຕິ, ນາມມ຺ຫິ ຈ ນຸກາຣາຄໂມ ໂຫຕິ.

ອຣິໍ ທເມຕີຕິ ອຣິນ຺ທໂມ, ຣາຊາ. ເວສ຺ສໍ ຕຣຕີຕິ ເວສ຺ສນ຺ຕໂຣ, ຣາຊາ. ຕຓ຺ຫໍ ກໂຣຕີຕິ ຕຓ຺ຫງ຺ກໂຣ, ຠຄວາ. ເມຘໍ ກໂຣຕີຕິ ເມຘງ຺ກໂຣ, ຠຄວາ. ສຣຓໍ ກໂຣຕີຕິ ສຣຓງ຺ກໂຣ, ຠຄວາ. ທີປໍ ກໂຣຕີຕິ ທີປງ຺ກໂຣ, ຠຄວາ.

໕໒໖. , ໕໖໗. ປຸເຣ ທທາ ຈ ອິໍ.

ປຸຣສທ຺ເທ ອາທິມ຺ຫິ ທທອິຈ຺ເຈຕາຍ ຘາຕຸຍາ ອກາຣປຈ຺ຈໂຍ ໂຫຕິ, ປຸຣສທ຺ທສ຺ສ ອກາຣສ຺ສ ຈ ອິໍ ໂຫຕິ.

ປຸເຣ ທານໍ ອທາສີຕິ ປຸຣິນ຺ທໂທ ເທວຣາຊາ.

໕໒໗. , ໕໖໘. ສພ຺ພໂຕ ຓ຺ວຸ ຕ຺ວາວີ ວາ.

ສພ຺ພໂຕ ຘາຕຸໂຕ ກມ຺ມາທິມ຺ຫິ ວາ ອກມ຺ມາທິມ຺ຫິ ວາ ອກາຣ ຓ຺ວຸ ຕຸ ອາວີອິຈ຺ເຈເຕ ປຈ຺ຈຍາ ໂຫນ຺ຕິ.

ຕໍ ກໂຣຕີຕິ ຕກ຺ກໂຣ, ຫິຕໍ ກໂຣຕີຕິ ຫິຕກໂຣ, ວິເນຕິ ເອຕ຺ຖ, ເອເຕນາຕິ ວາ ວິນໂຍ ນິສ຺ສາຍ ນໍ ວສຕີຕິ ນິສ຺ສໂຍ.

ຓ຺ວຸມ຺ຫິ – ຣຖໍ ກໂຣຕີຕິ ຣຖກາຣໂກ, ອນ຺ນໍ, ທທາຕີຕິ ອນ຺ນທາຍໂກ, ວິເນຕິ ສຕ຺ເຕຕິ ວິນາຍໂກ, ກໂຣຕີຕິ ກາຣໂກ, ທທາຕີຕິ ທາຍໂກ, ເນຕີຕິ ນາຍໂກ.

ຕຸມ຺ຫິ – ຕໍ ກໂຣຕີຕິ ຕກ຺ກຕ຺ຕາ, ຕສ຺ສ ກຕ຺ຕາຕິ ວາ ຕກ຺ກຕ຺ຕາ. ໂຠຊນໍ ທທາຕີຕິ ໂຠຊນທາຕາ, ໂຠຊນສ຺ສ ທາຕາຕິ ວາ ໂຠຊນທາຕາ. ກໂຣຕີຕິ ກຕ຺ຕາ. ສຣຕີຕິ ສຣິຕາ.

ອາວີມ຺ຫິ – ຠຍໍ ປສ຺ສຕີຕິ ຠຍທສ຺ສາວີ ອິຈ຺ເຈວມາທິ.

໕໒໘. , ໕໗໗. ວິສ ຣຸຊ ປທາທິໂຕ ຓ.

ວິສ ຣຸຊ ປທອິຈ຺ເຈວມາທີຫິ ຘາຕູຫິ ຓ ປຈ຺ຈໂຍ ໂຫຕິ.

ປວິສຕີຕິ ປເວໂສ, ຣຸຊຕີຕິ ໂຣໂຄ, ອຸປ຺ປຊ຺ຊຕີຕິ ອຸປ຺ປາໂທ, ຜຸສຕີຕິ ຜສ຺ໂສ, ອຸຈຕີຕິ ໂອໂກ, ຠວຕີຕິ ຠາໂວ, ອຍຕີຕິ ອາໂຍ, ສມ຺ມາ ພຸຊ຺ຌຕີຕິ ສມ຺ໂພໂຘ, ວິຫຣຕີຕິ ວິຫາໂຣ.

໕໒໙. , ໕໘໐. ຠາເວ ຈ.

ຠາວຕ຺ຖາຠິເຘຍ຺ເຍ ສພ຺ພຘາຕູຫິ ຓປຈ຺ຈໂຍ ໂຫຕິ.

ປຈ຺ຈເຕ, ປຈນໍ ວາ ປາໂຕ, ຈຊເຕ, ຈຊນໍ ວາ ຈາໂຄ, ເອວໍ ຍາໂຄ, ໂຍໂຄ, ຠາໂຄ, ປຣິທາໂຫ.

໕໓໐. , ໕໘໔. ກ຺ວິ ຈ.

ສພ຺ພຘາຕູຫິ ກ຺ວິປຈ຺ຈໂຍ ໂຫຕິ.

ສມ຺ຠວຕີຕິ ສມ຺ຠູ, ວິເສເສນ ຠວຕີຕິ ວິຠູ, ຠຸເຊນ ຄຈ຺ຉຕີຕິ ຠຸຊໂຄ, ສໍ ອຕ຺ຕານໍ ຂນຕິ, ສໍ ສຏ຺ຐຸ ຂນຕີຕິ ວາ ສງ຺ໂຂ.

໕໓໑. , ໕໘໙. ຘຣາທີຫິ ຣມ຺ໂມ.

ຘຣອິຈ຺ເຈວມາທີຫິ ຘາຕູຫິ ຣມ຺ມປຈ຺ຈໂຍ ໂຫຕິ.

ຘຣຕິ ເຕນາຕິ ຘມ຺ໂມ, ກຣີຍເຕ ຕນ຺ຕິ ກມ຺ມໍ.

໕໓໒. , ໕໙໐. ຕສ຺ສີລາທີສຸ ຓີຕ຺ວາວີ ຈ.

ສພ຺ເພຫິ ຘາຕູຫິ ຕສ຺ສີລາທີສ຺ວຕ຺ເຖສຸ ຓີ ຕຸ ອາວີ ອິຈ຺ເຈເຕ ປຈ຺ຈຍາ ໂຫນ຺ຕິ.

ປິຍໍ ປສໍສິຕຸໍ ສີລໍ ຍສ຺ສ ຣຎ຺ໂຎ, ໂສ ໂຫຕິ ຣາຊາ ປິຍປສໍສີ, ພ຺ຣຫ຺ມໍ ຈຣິຕຸໍ ສີລໍ ຍສ຺ສ ປຸຄ຺ຄລສ຺ສ ໂສ ໂຫຕິ ປຸຄ຺ຄໂລ ພ຺ຣຫ຺ມຈາຣີ, ປສຍ຺ຫ ປວຕ຺ຕິຕຸໍ ສີລໍ ຍສ຺ສ ຣຎ຺ໂຎ, ໂສ ໂຫຕິ ຣາຊາ ປສຍ຺ຫປວຕ຺ຖາ, ຠຍໍ ປສ຺ສິຕຸໍ ສີລໍ ຍສ຺ສ ສມຓສ຺ສ, ໂສ ໂຫຕິ ສມໂຓ ຠຍທສ຺ສາວີ ອິຈ຺ເຈວມາທິ.

໕໓໓. , ໕໙໑. ສທ຺ທ ກຸ ຘ ຈລ ມຓ຺ຑຕ຺ຖຣຸຘາທີຫິຍຸ.

ສທ຺ທ ກຸຘ ຈລ ມຓ຺ຑຕ຺ເຖຫິ ຈ ຣຸຈາທີຫິ ຈ ຘາຕູຫິ ຍຸປຈ຺ຈໂຍ ໂຫຕິ ຕສ຺ສີລາທີສ຺ວຕ຺ເຖສຸ.

ໂຆສນສີໂລ ໂຆສໂນ, ຠາສນສີໂລ ຠາສໂນ. ເອວໍ ວິຄ຺ຄໂຫ ກາຕພ຺ໂພ. ໂກຘໂນ, ໂທສໂນ, ຈລໂນ, ກມ຺ປໂນ, ຜນ຺ທໂນ, ມຓ຺ຑໂນ, ວິຠູສໂນ, ໂຣຈໂນ, ໂຊຕໂນ, ວຑ຺ຒໂນ.

໕໓໔. , ໕໖໒. ປາຣາທິຄມິມ຺ຫາ ຣູ.

ຄມຸອິຈ຺ເຈຕມ຺ຫາ ຘາຕຸມ຺ຫາ ປາຣສທ຺ທາທິມ຺ຫາ ຣູປຈ຺ຈໂຍ ໂຫຕິ ຕສ຺ສີລາທີສ຺ວຕ຺ເຖສຸ.

ຠວສ຺ສ ປາຣໍ ຠວປາຣໍ, ຠວປາຣໍ ຄນ຺ຕຸໍ ສີລໍ ຍສ຺ສ ປຸຣິສສ຺ສ, ໂສ ໂຫຕິ ປຸຣິໂສ ຠວປາຣຄູ.

ຕສ຺ສີລາທີສ຺ວີຕິ ກິມຕ຺ຖໍ? ປາຣງ຺ຄໂຕ.

ປາຣາທິຄມິມ຺ຫາຕິ ກິມຕ຺ຖໍ? ອນຸຄາມີ.

໕໓໕. , ໕໙໓. ຠິກ຺ຂາທິໂຕ ຈ.

ຠິກ຺ຂອິຈ຺ເຈວມາທີຫິ ຘາຕູຫິ ຣູປຈ຺ຈໂຍ ໂຫຕິ ຕສ຺ສີລາທີສ຺ວຕ຺ເຖສຸ.

ຠິກ຺ຂນສີໂລ ຍາຈນສີໂລ ຠິກ຺ຂຸ, ວິຊານນສີໂລ ວິຎ຺ຎູ.

໕໓໖. , ໕໙໔. ຕນຕ຺ຍາທີນໍ ຓຸໂກ.

ຫນຕ຺ຍາທີນໍ ຘາຕູນໍ ອນ຺ເຕ ຓຸກປຈ຺ຈໂຍ ໂຫຕິ ຕສ຺ສີລາທີສ຺ວຕ຺ເຖສຸ.

ອາຫນນສີໂລ ອາຆາຕຸໂກ, ກຣຓສີໂລ ກາຣຸໂກ.

໕໓໗. , ໕໖໖. ນຸ ນິຄ຺ຄຫິຕໍ ປທນ຺ເຕ.

ປທນ຺ເຕ ນຸກາຣາຄໂມ ນິຄ຺ຄຫິຕມາປຊ຺ຊເຕ.

ອຣິໍ ທເມຕີຕິ ອຣິນ຺ທໂມ, ຣາຊາ. ເວສ຺ສໍ ຕຣຕີຕິ ເວສ຺ສນ຺ຕໂຣ, ຣາຊາ. ປຠໍ ກໂຣຕີຕິ ປຠງ຺ກໂຣ, ຠຄວາ.

໕໓໘. , ໕໙໕. ສໍຫນາຎ຺ຎາຍ ວາ ໂຣ ໂຆ.

ສໍປຸພ຺ພາຍ ຫນອິຈ຺ເຈຕາຍ ຘາຕຸຍາ, ອຎ຺ຎາຍ ວາ ຘາຕຸຍາ ຣປຈ຺ຈໂຍ, ຫນສ຺ສ ຈ ໂຆ ໂຫຕິ.

ສມຄ຺ຄໍ ກມ຺ມໍ ສມຸປຄຈ຺ຉຕີຕິ ສງ຺ໂຆ, ສມນ຺ຕໂຕ ນຄຣສ຺ສ ມາຫິເຣ ຂຎ຺ຎຕີຕິ ປຣິຂາ, ອນ຺ຕໍ ກໂຣຕີຕິ ອນ຺ຕໂກ.

ສໍອິຕິ ກິມຕ຺ຖໍ? ອຸປຫນນໍ ອຸປຆາໂຕ.

໕໓໙. , ໕໕໘. ຣມ຺ຫິ ຣນ຺ໂຕ ຣາທິໂນ.

ຣມ຺ຫິ ປຈ຺ຈເຍ ປເຣ ສພ຺ໂພ ຘາຕ຺ວນ຺ໂຕ ຣກາຣາທິ ໂລໂປ ໂຫຕິ.

ອນ຺ຕໂກ, ປາຣຄູ, ສຕ຺ຖາ, ທິຏ຺ໂຐ ອິຈ຺ເຈວມາທິ.

໕໔໐. , ໕໔໕. ຠາວກມ຺ເມສຸ ຕພ຺ພານີຍາ.

ຠາວກມ຺ມອິຈ຺ເຈເຕສ຺ວຕ຺ເຖສຸ ຕພ຺ພ ອນີຍອິຈ຺ເຈເຕ ປຈ຺ຈຍາ ໂຫນ຺ຕິ ສພ຺ພຘາຕູຫິ.

ຠວິຕພ຺ພໍ, ຠວນີຍໍ, ອາສິຕພ຺ພໍ, ອາສນີຍໍ, ປຊ຺ຊິຕພ຺ພໍ, ປຊ຺ຊນີຍໍ, ກຕ຺ຕພ຺ພໍ, ກຣຓີຍໍ, ຄນ຺ຕພ຺ພໍ, ຄມນີຍໍ.

໕໔໑. , ໕໕໒. ຓ຺ໂຍ ຈ.

ຠາວກມ຺ເມສຸ ສພ຺ພຘາຕູຫິ ຓ຺ຍປຈ຺ຈໂຍ ໂຫຕິ.

ກຕ຺ຕພ຺ພໍ ກາຣິຍໍ, ເຊຕພ຺ພໍ ເຊຍ຺ຍໍ, ເນຕພ຺ພໍ ເນຍ຺ຍໍ, ອິຈ຺ເຈວມາທິ.

ຈຄ຺ຄຫເຓນ ເຕຍ຺ຍປຈ຺ຈໂຍ ໂຫຕິ. ຎາຕພ຺ພໍ ຎາເຕຍ຺ຍໍ, ທຏ຺ເຐຍ຺ຍໍ, ປຕ຺ເຕຍ຺ຍໍ ອິຈ຺ເຈວມາທິ.

໕໔໒. , ໕໕໗. ກຣມ຺ຫາ ຣິຈ຺ຈ.

ກຣອິຈ຺ເຈຕມ຺ຫາ ຘາຕຸມ຺ຫາ ຣິຈ຺ຈປຈ຺ຈໂຍ ໂຫຕິ ຠາວກມ຺ເມສຸ.

ກຕ຺ຕພ຺ພໍ ກິຈ຺ຈໍ.

໕໔໓. , ໕໕໕. ຠູໂຕ’ພ຺ພ.

ຠູອິຈ຺ເຈຕາຍ ຘາຕຸຍາ ຓ຺ຍປຈ຺ຈຍສ຺ສ ອູກາເຣນ ສຫ ອພ຺ພາເທໂສ ໂຫຕິ ຠາວກມ຺ເມສຸ.

ຠວິຕພ຺ໂພ ຠພ຺ໂພ, ຠວິຕພ຺ພໍ ຠພ຺ພໍ.

໕໔໔. , ໕໕໖. ວທ ມທ ຄມຸ ຍຸຊ ຄຣຫາກາຣາທີຫິ ຊ຺ຊ ມ຺ມ ຄ຺ຄ ຍ຺ເຫຍ຺ຍາ ຄາໂຣ ວາ.

ວທ ມທ ຄມຸ ຍຸຊ ຄຣຫາກາຣນ຺ຕອິຈ຺ເຈວມາທີຫິ ຘາຕູຫິ ຓ຺ຍປຈ຺ຈຍສ຺ສ ຍຖາສງ຺ຂ຺ຍໍ ຊ຺ຊ ມ຺ມ ຄ຺ຄ ຍ຺ຫ ເອຍ຺ຍາເທສາ ໂຫນ຺ຕິ ວາ ຘາຕ຺ວນ຺ເຕນ ສຫ, ຄຣສ຺ສໍ ຈ ຄາໂຣ ໂຫຕິ ຠາວກມ຺ເມສຸ.

ວຕ຺ຕພ຺ພໍ ວຊ຺ຊໍ, ມທນີຍໍ ມຊ຺ຊໍ, ຄມນີຍໍ ຄມ຺ມໍ, ໂຍຊນີຍໍ ໂຍຄ຺ຄໍ, ຄຣຫິຕພ຺ພໍ ຄາຣຍ຺ຫໍ, ທາຕພ຺ພໍ ເທຍ຺ຍໍ, ປາຕພ຺ພໍ ເປຍ຺ຍໍ, ຫາຕພ຺ພໍ ເຫຍ຺ຍໍ, ມາຕພ຺ພໍ ເມຍ຺ຍໍ, ຎາຕພ຺ພໍ ເຎຍ຺ຍໍ, ອິຈ຺ເຈວມາທິ.

໕໔໕. , ໕໔໘. ເຕ ກິຈ຺ຈາ.

ເຍ ປຈ຺ຈຍາ ຕພ຺ພາທໂຍ ຣິຈ຺ຈນ຺ຕາ, ເຕ ກິຈ຺ຈສຎ຺ຎາຕິ ເວທິຕພ຺ພາ.

ກິຈ຺ຈສຎ຺ຎາຍ ກິໍປໂຍຊນໍ? ຠາວກມ຺ເມສຸ ກິຈ຺ຈຕ຺ຕຂຕ຺ຖາ.

໕໔໖. , ໕໖໒. ອຎ຺ເຎ ກິຕ.

ອຎ຺ເຎ ປຈ຺ຈຍາ ກິຕ ເອວ ສຎ຺ຎາ ໂຫນ຺ຕິ.

ກິຕ ສຎ຺ຎາຍ ກິໍປໂຍຊນໍ? ກຕ຺ຕຣິ ກິຕ.

໕໔໗. , ໕໙໖. ນນ຺ທາທີຫິ ຍຸ.

ນນ຺ທາທີຫິ ຘາຕູຫິ ຍຸປຈ຺ຈໂຍ ໂຫຕິ ຠາວກມ຺ເມສຸ.

ນນ຺ທີຍເຕ ນນ຺ທນໍ, ນິນ຺ທິຕພ຺ພໍ ວາ ນນ຺ທນໍ, ຄຫຓີຍໍ ຄຫຓໍ, ຈຣິຕພ຺ພໍ ຈຣຓໍ, ເອວໍ ສພ຺ພຕ຺ຖ ໂຍເຊຕພ຺ພາ.

໕໔໘. , ໕໙໗. ກຕ຺ຕຸກຣຓປເທເສສຸ ຈ.

ກຕ຺ຕຸກຣຓປເທສອິຈ຺ເຈເຕສ຺ວຕ຺ເຖສຸ ຈ ຍຸປຈ຺ຈໂຍ ໂຫຕິ.

ກຕ຺ຕຣິ ຕາວ – ຣຊໍ ຫຣຕີຕິ ຣໂຊຫຣຓໍ ໂຕຍໍ.

ກຣເຓ ຕາວ – ກໂຣຕິ ເຕນາຕິ ກຣຓໍ.

ປເທເສ ຕາວ – ຕິຏ຺ຐນ຺ຕິ ຕສ຺ມິນ຺ຕິ ຐານໍ. ເອວໍ ສພ຺ພຕ຺ຖ ໂຍເຊຕພ຺ພາ.

໕໔໙. , ໕໕໐. ຣຫາທິໂຕ ຓ.

ຣກາຣຫກາຣາທ຺ຍນ຺ເຕຫິ ຘາຕູຫິ ອນາເທສສ຺ສ ນສ຺ສ ໂຓ ໂຫຕິ.

ກໂຣຕິ ເຕນາຕິ ກຣຓໍ, ປູເຣຕິ ເຕນາຕິ ປູຣຓໍ. ຄຫຓີຍໍ ເຕນາຕິ ຄຫຓໍ. ເອວມຎ຺ເຎປິ ໂຍເຊຕພ຺ພາ.

ອິຕິ ກິພ຺ພິຘານກປ຺ເປ ປຐໂມ ກຓ຺ໂຑ.

ທຸຕິຍກຓ຺ຑ

໕໕໐. , ໕໔໖. ຓາທໂຍ ເຕກາລິກາ.

ຓາທໂຍ ປຈ຺ຈຍາ ຍຸປຈ຺ຈຍນ຺ຕາ ເຕກາລິກາຕິ ເວທິຕພ຺ພາ.

ກຸມ຺ຠໍ ກໂຣຕິ ອກາສິ ກຣິສ຺ສຕີຕິ ກຸມ຺ຠກາໂຣ, ກໂຣຕິ ອກາສິ ກຣິສ຺ສຕິ ເຕນາຕິ ກຣຓໍ. ເອວມຎ຺ເຎປິ ໂຍເຊຕພ຺ພາ.

໕໕໑. , ໕໙໘. ສຎ຺ຎາຍໍ ທາ ຘາໂຕ ອິ.

ສຎ຺ຎາຍມຠິເຘຍ຺ຍາຍໍ ທາ ຘາໂຕ ອິປຈ຺ຈໂຍ ໂຫຕິ.

ປຐມໍ ອາທີຍຕີຕິ ອາທິ, ອຸທກໍ ທຘາຕີຕິ ອຸທມິ, ມໂຫທການິ ທຘາຕີຕິ ມໂຫທຘິ, ວາລານິ ທຘາຕິ ຕສ຺ມິນ຺ຕິ ວາລຘິ, ສມ຺ມາ ຘີຍຕີຕິ ສນ຺ຘິ.

໕໕໒. , ໖໐໙. ຕິ ກິຕ ຈາສິຏ຺ເຐ.

ສຎ຺ຎາຍມຠິເຘຍ຺ຍາຍໍ ສພ຺ພຘາຕູຫິ ຕິປຈ຺ຈໂຍ ໂຫຕິ, ກິຕ ຈ ອາສິຏ຺ເຐ.

ຊິໂນ ຊນໍ ພຸຊ຺ຌຕູຕິ ຊິນພຸທ຺ຘິ, ຘນໍ ອສ຺ສ ຠວຕູຕິ ຘນຠູຕິ, ຠວຕູຕິ ຠູໂຕ, ຠວຕູຕິ ຠາໂວ, ຘມ຺ໂມ ຊນໍ ທທາຕູຕິ ຘມ຺ມທິນ຺ໂນ, ວຑ຺ຒຕູຕິ ວຑ຺ຒມາໂນ. ເອວມຎ຺ເຎປິ ໂຍເຊຕພ຺ພາ.

໕໕໓. , ໕໙໙. ອິຕ຺ຖິຍມຕິຍໂວ ວາ.

ອິຕ຺ຖິຍມຠິເຘຍ຺ຍາຍໍ ສພ຺ພຘາຕູຫິ ອກາຣ ຕິ ຍຸ ອິຈ຺ເຈເຕ ປຈ຺ຈຍາ ໂຫນ຺ຕິ ວາ.

ຊີຣຕີຕີ ຊຣາ, ມຎ຺ຎຕີຕິ ມຕິ, ເຈຕຍຕີຕິ ເຈຕນາ, ເວທຍຕີຕິ ເວທນາ. ເອວມຎ຺ເຎປິ ໂຍເຊຕພ຺ພາ.

໕໕໔. , ໖໐໑. ກຣໂຕ ຣິຣິຍ.

ກຣໂຕ ອິຕ຺ຖິຍມນິຕ຺ຖິຍໍ ວາ ອຠິເຂຍ຺ຍາຍໍ ຣິຣີຍປຈ຺ຈໂຍ ໂຫຕິ ວາ.

ກຕ຺ຕພ຺ພາ ກິຣິຍາ, ກຣຓີຍໍ ກິຣິຍໍ.

໕໕໕. , ໖໑໒. ອຕີເຕ ຕຕວນ຺ຕຸຕາວີ.

ອຕີເຕ ກາເລ ສພ຺ພຘາຕູຫິ ຕຕວນ຺ຕຸຕາວີອິຈ຺ເຈເຕ ປຈ຺ຈຍາ ໂຫນ຺ຕິ.

ຫຸໂຕ, ຫຸຕວາ, ຫຸຕາວີ. ວຸສິໂຕ, ວຸສິຕວາ, ວຸສິຕາວີ. ຠຸຕ຺ໂຕ, ຠຸຕ຺ຕວາ, ຠຸຕ຺ຕາວີ.

໕໕໖. , ໖໒໒. ຠາວກມ຺ເມສຸ ຕ.

ຠາວກມ຺ເມສຸ ອຕີເຕ ກາເລ ຕປຈ຺ຈໂຍ ໂຫຕິ ສພ຺ພຘາຕູຫິ.

ຠາເວ ຕາວ – ຕສ຺ສ ຄີຕໍ, ນຈ຺ຈໍ, ນຏ຺ຏໍ, ຫສິຕໍ.

ກມ຺ມນິ ຕາວ – ເຕນ ຠາສິຕໍ, ເທສິຕໍ.

໕໕໗. , ໖໐໖. ພຸຘຄມາທິຕ຺ເຖ ກຕ຺ຕຣິ.

ພຸຘຄມຸອິຈ຺ເຈວມາທີຫິ ຘາຕູຫິ ຕທຕ຺ເຖ ຄມ຺ຍມາເນ ຕປຈ຺ຈໂຍ ໂຫຕິ ກຕ຺ຕຣິ ສພ຺ພກາເລ.

ສພ຺ເພ ສງ຺ຂຕາສງ຺ຂເຕ ຘມ຺ເມ ພຸຊ຺ຌຕິ ອພຸຊ຺ຌິ ພຸຊ຺ຌິສ຺ສຕີຕິ ພຸທ຺ໂຘ, ສຣຓງ຺ຄໂຕ, ສມຖງ຺ຄໂຕ, ອມຖງ຺ຄໂຕ, ຊານາຕິ ອຊານິ ຊານິສ຺ສຕີຕິ ຎາໂຕ, ອິຈ຺ເຈວມາທິ.

໕໕໘. , ໖໐໒. ຊິໂຕ ອິນ ສພ຺ພຕ຺ຖ.

ຊິອິຈ຺ເຈຕາຍ ຘາຕຸຍາ ອິນປຈ຺ຈໂຍ ໂຫຕິ ສພ຺ພກາເລ ກຕ຺ຕຣິ.

ປາປເກ ອກຸສເລ ຘມ຺ເມ ຊິນາຕິ ອຊິນິ ຊິນິສ຺ສຕີຕິ ຊິໂນ.

໕໕໙. , ໖໐໓. ສຸປໂຕ ຈ.

ສຸປອິຈ຺ເຈຕາຍ ຘາຕຸຍາ ອິນປຈ຺ຈໂຍ ໂຫຕິ ກຕ຺ຕຣິ, ຠາເວ ຈ.

ສຸປຕີຕິ ສຸປິນໍ, ສຸປີຍເຕ ສຸປິນໍ.

໕໖໐. , ໖໐໔. ອີສໍທຸສູຫິ ຂ.

ອີສໍທຸສຸສທ຺ທາທີຫິ ສພ຺ພຘາຕູຫິ ຂປຈ຺ຈໂຍ ໂຫຕິ.

ອີສສ຺ສໂຍ, ທຸສ຺ສໂຍ, ສຸສ຺ສໂຍ ຠວຕາ, ອີສກ຺ກຣໍ, ທຸກ຺ກຣໍ, ສຸກຣໍ, ຠວຕາ.

໕໖໑. , ໖໓໖. ອິຈ຺ຉຕ຺ເຖສຸ ສມານກຕ຺ຕຸເກສຸ ຕເວ ຕຸໍ ວາ.

ອິຈ຺ຉຕ຺ເຖສຸ ສມານກຕ຺ຕຸເກສຸ ສພ຺ພຘາຕູຫິຕເວຕຸໍອິຈ຺ເຈເຕ ປຈ຺ຈຍາ ໂຫນ຺ຕິ ສພ຺ພກາເລ ກຕ຺ຕຣິ.

ປຸຎ຺ຎານິ ກາຕເວ, ສທ຺ຘມ຺ມໍ ໂສຕຸ ມິຈ຺ຉຕິ.

໕໖໒. , ໖໓໘. ອຣຫສກ຺ກາທີສຸ ຈ.

ອຣຫສກ຺ກາທີສຸ ຈ ອຕ຺ເຖສຸ ສພ຺ພຘາຕູຫິ ຕຸໍປຈ຺ຈໂຍ ໂຫຕິ.

ໂກ ຕໍ ນິນ຺ທິຕຸມຣຫຕິ, ສກ຺ກາ ເຊຕຸໍ ຘເນນ ວາ. ເອວມຎ຺ເຎປິ ໂຍເຊຕພ຺ພາ.

໕໖໓. , ໖໓໙. ປຕ຺ຕວຈເນ ອລມຕ຺ເຖສຸ ຈ.

ປຕ຺ຕວຈເນ ອລມຕ຺ເຖສຸ ສພ຺ພຘາຕູຫິ ຕຸໍປຈ຺ຈໂຍ ໂຫຕິ.

ອລເມວ ທານານິ ທາຕຸໍ, ອລເມວ ປຸຎ຺ຎານິ ກາຕຸໍ.