ຈຕຸຕ຺ຖກຓ຺ຑ

໓໐. , ໕໘. ອໍ ພ຺ຍຎ຺ຊເນ ນິຄ຺ຄຫິຕໍ.

ນິຄ຺ຄຫິຕໍ ໂຂ ພ຺ຍຎ຺ຊເນ ປເຣ ອໍ ອິຕິ ໂຫຕິ.

ເອວໍ ວຸຕ຺ເຕ, ຕໍ ສາຘູຕິ ປຏິສ຺ສຸຓິຕ຺ວາ.

໓໑. , ໔໙. ວຄ຺ຄນ຺ຕໍ ວາ ວຄ຺ເຄ.

ວຄ຺ຄຠູເຕ ພ຺ຍຎ຺ຊເນ ປເຣ ນິຄ຺ຄຫິຕໍ ໂຂ ວຄ຺ຄນ຺ຕໍ ວາ ປປ຺ໂປຕິ.

ຕນ຺ນິຈ຺ຈຸຕໍ, ຘມ຺ມຎ຺ຈເຣ ສຸຈຣິຕໍ, ຈິຣປ຺ປວາສິໍ ປຸຣິສໍ. ສນ຺ຕນ຺ຕສ຺ສ ມນໍ ໂຫຕິ, ຕງ຺ກາຣຸຓິກໍ, ເອວງ຺ໂຂ ຠິກ຺ຂເວ ສິກ຺ຂິຕພ຺ພໍ.

ວາຄ຺ຄຫເຓນນິຄ຺ຄຫິຕໍ ໂຂ ລກາຣາເທໂສ ໂຫຕິ. ປຸຄ຺ຄລໍ.

ວາຕິ ກສ຺ມາ? ນ ຕໍ ກມ຺ມໍ ກຕໍ ສາຘຸ.

໓໒. , ໕໐. ເອເຫ ອຸໍ.

ເອກາຣຫກາເຣ ປເຣ ນິຄ຺ຄຫິຕໍ ໂຂ ຎກາຣໍ ປປ຺ໂປຕິ ວາ.

ປຈ຺ຈຕ຺ຕຎ຺ເຎວ ປຣິນິພ຺ພາຍິສ຺ສາມິ, ຕຎ຺ເຎເວຕ຺ຖ ປຏິປຸຈ຺ຉິສ຺ສາມິ, ເອວຎ຺ຫິ ໂວ ຠິກ຺ຂເວ ສິກ຺ຂິຕພ຺ພໍ. ຕຎ຺ຫິ ຕສ຺ສ ມຸສາ ໂຫຕິ.

ວາຕິ ກສ຺ມາ? ເອວເມຕໍ ອຠິຎ຺ຎາຍ, ເອວໍ ໂຫຕິ ສຸຠາສິຕໍ.

໓໓. , ໕໐. ສເຍ ຈ.

ນິຄ຺ຄຫິຕໍ ໂຂ ຍກາເຣ ປເຣ ສຫ ຍກາເຣນ ຎກາຣໍ ປປ຺ໂປຕິ ວາ.

ສຎ຺ໂຎໂຄ, ສຎ຺ຎຸຕ຺ຕໍ.

ວາຕິ ກສ຺ມາ? ສໍໂຍໂຄ, ສໍຍຸຕ຺ຕໍ.

໓໔. , ໕໒. ມທາ ສເຣ.

ນິຄ຺ຄຫິຕສ຺ສ ໂຂ ສເຣ ປເຣ ມກາຣທກາຣາເທສາ ໂຫນ຺ຕິ ວາ.

ຕມຫໍ ພ຺ຣູມິ ພ຺ຣາຫ຺ມຓໍ, ເອຕທໂວຈ ສຕ຺ຖາ.

ວາຕິ ກສ຺ມາ? ອກ຺ໂກຈ຺ຉິ ມໍ ອວຘິ ມໍ, ອຊິນິ ມໍ ອຫາສິ ເມ.

໓໕. , ໓໔. ຍ ວ ມ ທ ນ ຕ ຣ ລາ ຈາຄມາ.

ສເຣ ປເຣ ຍກາໂຣ ວກາໂຣ ມກາໂຣ ທກາໂຣ ນກາໂຣ ຕກາໂຣ ຣກາໂຣ ລກາໂຣ ອິເມ ອາຄມາ ໂຫນ຺ຕິ ວາ.

ນຍິມສ຺ສ ວິຊ຺ຊາ, ຍຖຍິທໍ ຈິຕ຺ຕໍ. ມິຄີ ຠນ຺ຕາ ວຸທິກ຺ຂຕິ, ສິຕ຺ຕາ ເຕ ລຫຸ ເມສ຺ສຕິ, ອສິຕ຺ຕາ ເຕ ຄຣຸ ເມສ຺ສຕິ. ອສ຺ໂສ ຠທ຺ໂຣ ກສາມິວ, ສມ຺ມທຎ຺ຎາ ວິມຸຕ຺ຕານໍ. ມນສາທຎ຺ຎາ ວິມຸຕ຺ຕານໍ, ອຕ຺ຕທຕ຺ຖມຠິຎ຺ຎາຍ. ຈິຣໍນາຍຕິ, ອິໂຕ ນາຍຕິ. ຍສ຺ມາຕິຫ ຠິກ຺ຂເວ, ຕສ຺ມາຕິຫ ຠິກ຺ຂເວ, ອຊ຺ຊຕຄ຺ເຄ ປາຓຸເປຕໍ. ສພ຺ຠິເຣວ ສມາເສຖ, ອາຣຄ຺ເຄຣິວ ສາສໂປ, ສາສໂປຣິວ ອາຣຄ຺ຄາ. ຉຬຠິຎ຺ຎາ, ສຬາຍຕນໍ.

ວາຕິ ກສ຺ມາ? ເອວໍ ມຫິທ຺ຘິຍາ ເອສາ, ອກ຺ໂກຈ຺ຉິ ມໍ ອວຘິ ມໍ, ອຊິນິ ມໍ ອຫາສິ ເມ, ອເຊຍ຺ໂຍ ອນຸຄາມິໂກ.

ຈຄ຺ຄຫເຓນ ອິເຘວ ມກາຣສ຺ສ ປກາໂຣ ໂຫຕິ. ຈິຣປ຺ປວາສິໍ ປຸຣິສໍ.

ກກາຣສ຺ສ ຈ ທກາໂຣ ໂຫຕິ. ສທຕ຺ຖປສຸໂຕ ສິຍາ.

ທກາຣສ຺ສ ຈ ຕກາໂຣ ໂຫຕິ, ສຸຄໂຕ.

໓໖. , ໔໗. ກ຺ວຈິ ໂອ ພ຺ຍຎ຺ຊເນ.

ພ຺ຍຎ຺ຊເນ ປເຣ ກ຺ວຈິ ໂອກາຣາຄໂມ ໂຫຕິ.

ອຕິປ຺ປໂຄ ໂຂ ຕາວ ສາວຕ຺ຖິຍໍ ປິຓ຺ຑາຍ ຈຣິຕຸໍ. ປໂຣສຫສ຺ສໍ.

ກ຺ວຈີກິ ກສ຺ມາ? ເອຖ ປສ຺ສຖິມໍ ໂລກໍ, ອນ຺ຘີຠູໂຕ ອຍໍ ໂລໂກ.

໓໗. , ໕໗. ນິຄ຺ຄຫິຕຎ຺ຈ.

ນິຄ຺ຄຫິຕຎ຺ຈາຄໂມ ໂຫຕິ ສເຣ ວາ ພ຺ຍຎ຺ຊເນ ວາ ປເຣ ກ຺ວຈິ.

ຈກ຺ຂຸໍອຸທປາທິ, ອວໍສິໂຣ, ຍາວຎ຺ຈິຘ ຠິກ຺ຂເວ ປຸຣິມໍ ຊາຕິໍ ສຣາມິ, ອຓຸໍຖູລານິ ສພ຺ພໂສ, ມໂນປຸພ຺ພງ຺ຄມາ ຘມ຺ມາ.

ກ຺ວຈີຕິ ກສ຺ມາ? ອິເຘວ ນໍ ປສໍສນ຺ຕິ, ເປຈ຺ຈ ສຄ຺ເຄ ປໂມທຕິ, ນ ຫິ ເອເຕຫິ ຍາເນຫິ, ຄຈ຺ເຉຍ຺ຍ ອຄຕໍ ທິສໍ.

ຈຄ຺ຄຫເຓນ ວິສທ຺ທສ຺ສ ຈ ປກາໂຣ ໂຫຕິ. ປເຈສ຺ສຕິ, ວິເຈສ຺ສຕິ ວາ.

໓໘. , ໕໓. ກ຺ວຈິ ໂລປໍ.

ນິຄ຺ຄຫິຕໍ ໂຂ ສເຣ ປເຣ ກ຺ວຈິ ໂລປໍ ປປ຺ໂປຕິ.

ຕາສາຫໍ ສນ຺ຕິເກ, ວິທູນຄ຺ຄມິຕິ.

ກ຺ວຈີຕິ ກສ຺ມາ? ອຫເມວ ນູນ ພາໂລ ເອຕມຕ຺ຖໍ ວິທິຕ຺ວານ.

໓໙. , ໕໔. ພ຺ຍຎ຺ຊເນ ຈ.

ນິຄ຺ຄຫິຕໍ ໂຂ ພ຺ຍຎ຺ຊເນ ປເຣ ກ຺ວຈິ ໂລປໍ ປປ຺ໂປຕິ.

ອຣິຍສຈ຺ຈານທສ຺ສນໍ, ເອຕໍ ພຸທ຺ຘານສາສນໍ.

ກ຺ວຈີຕິ ກສ຺ມາ? ເອຕໍ ມງ຺ຄລມຸຕ຺ຕມໍ, ຕໍ ໂວ ວທາມິ ຠທ຺ທນ຺ເຕ.

໔໐. , ໕໕. ປໂຣ ວາສໂຣ.

ນິຄ຺ຄຫິຕມ຺ຫາ ປໂຣ ສໂຣ ໂລປໍ ປປ຺ໂປຕິ ວາ.

ຠາສິຕໍ ອຠິນນ຺ທຸນ຺ຕິ, ອຸຕ຺ຕຕ຺ຕໍວ, ຍຖາພີຊໍວ, ຍຖາຘຎ຺ຎໍວ.

ວາຕິ ກສ຺ມາ? ອຫເມວ ນູນ ພາໂລ, ເອຕທໂຫສິ.

໔໑. , ໕໖. ພ຺ຍຎ຺ຊໂນ ຈ ວິສຎ຺ໂຎໂຄ.

ນິຄ຺ຄຫິຕມ຺ຫາ ປຣສ຺ມິໍ ສເຣ ລຸຕ຺ເຕ ຍທິ ພ຺ຍຎ຺ຊໂນ ສສຎ຺ໂຎໂຄ ວິສຎ຺ໂຎໂຄ ໂຫຕິ.

ເອວໍສ ເຕ ອາສໂວ, ປຸປ຺ຜໍສາ ອຸປ຺ປຊ຺ຊິ.

ລຸຕ຺ເຕຕິ ກສ຺ມາ? ເອວມສ຺ສ ວິທູນຄ຺ຄມິຕິ.

ຈຄ຺ຄຫເຓນ ຕິຓ຺ຓໍ ພ຺ຍຎ຺ຊນານມນ຺ຕເຣ ເຍ ສຣູປາ, ເຕສມ຺ປິ ໂລໂປ ໂຫຕິ. ອຄ຺ຍາຄາຣໍ, ປຏິສນ຺ຖາຣວຸຕ຺ຍສ຺ສ.

ອິຕິ ສນ຺ຘິກປ຺ເປ ຈຕຸຕ຺ໂຖ ກຓ຺ໂຑ.