໒. ສໍກິຓ຺ຓວຄ຺ຄ

໗໕໘. ເຎຍ຺ຍໍ ລິງ຺ຄ ມິຫ ກ຺ວາປິ, ປຈ຺ຈຍຕ຺ຖວເສນ ຈ;

ກ຺ຣິຍາ ຕຸ ກິຣິຍໍ ກມ຺ມໍ,

ສນ຺ຕິ ຕຸ ສມໂຖ ສໂມ;

ທໂມ ຈ ທມໂຖ ທນ຺ຕິ, ວຕ຺ຕໍ ຕຸ ສຸທ຺ຘກມ຺ມນິ;

ອໂຖ ອາສງ຺ຄວຈນໍ, ຕີສຸ ວຸຕ຺ຕໍ ປຣາຍຓໍ.

໗໕໙. ເຠໂທ ວິທາໂຣ ຜຸຏນໍ, ຕປ຺ປນໍ ຕຸ ຈ ປີຓນໍ;

ອກ຺ໂກສນ ມຠິສງ຺ໂຄ,

ຠິກ຺ຂາ ຕຸ ຍາຈນາ’ຕ຺ຖນາ.

໗໖໐. ນິນ຺ນິມິຕ຺ຕໍ ຍທິຈ຺ຉາ ຖາ’, ປຸຈ຺ຉນາ ນນ຺ທນານິ ຈ;

ສຠາຊນ ມໂຖ ຎາໂຍ,

ນໂຍ ຜາຕິ ຕຸ ວຸທ຺ຘິຍໍ.

໗໖໑. ກິລມໂຖ ກິລມນໍ, ປສໂວ ຕຸ ປສູຕິຍໍ;

ອຸກ຺ກໍໂສ ຕ຺ວຕິສໂຍ ຖ,

ຊໂຍ ຈ ຊຍນໍ ຊິຕິ.

໗໖໒. ວໂສ ກນ຺ຕິ, ພ຺ຍໂຘ ເວໂຘ,

ຄໂຫ ຄາໂຫ ວໂຣ ວຸຕິ;

ປຈາ ປາໂກ ຫໂວ ຫຸຕິ [ຫູຠິ (ສີ. ອມຣໂກສ)],

ເວໂທ ເວທນ ມິຕ຺ຖິ ວາ.

໗໖໓. ຊີຣຓໍ ຊານິ ຕາຓໍ ຕຸ, ຣກ຺ຂຓໍ ປມິຕິປ຺ປມາ;

ສິເລໂສ ສນ຺ຘິ ຈ ຂໂຍ,

ຕ຺ວປຈໂຍ ຣໂວ ຣໂຓ.

໗໖໔. ນິຄາໂທ ນິຄໂທ ມາໂທ, ມໂທ ປສິຕິ ພນ຺ຘນໍ;

ອາກໂຣ ຕ຺ວິງ຺ຄິຕໍ ອິງ຺ໂຄ,

ອຖ’ຕ຺ຖາປຄໂມ ພ຺ຍໂຍ.

໗໖໕. ອນ຺ຕຣາໂຍ ຈ ປຈ຺ຈູໂຫ,

ວິກາໂຣ ຕຸ ວິກຕ຺ຍ’ປິ;

ປວິສິເລໂສ ວິຘຸຣໍ, ອຸປເວສນມາສນໍ.

໗໖໖. ອຊ຺ຌາສໂຍ ອຘິປ຺ປາໂຍ, ອາສໂຍ ຈາຠິສນ຺ຘິ ຈ;

ຠາໂວ ຘິມຸຕ຺ຕິ ຉນ຺ໂທ ຖ,

ໂທໂສ ອາທີນໂວ ຠເວ.

໗໖໗. ອານິສໍໂສ ຄຸໂຓ ຈາຖ,

ມຊ຺ຌໍ ເວມຊ຺ຌ ມຸຈ຺ຈເຕ;

ມຊ຺ຌນ຺ຫິໂກ [ມຊ຺ຌນ຺ຕິໂກ (ຏີ. ສີ. ປີ.)] ຕຸ ມຊ຺ຌນ຺ໂຫ, ເວມຕ຺ຕໍ ຕຸ ຈ ນານຕາ.

໗໖໘. ວາ ຊາຄໂຣ ຊາຄຣິຍໍ [ຊາຄຣິໂຍ (ຏີ.)], ປວາໂຫ ຕຸ ປວຕ຺ຕິ ຈ;

ພ຺ຍາໂສ ປປຎ຺ໂຈ ວິຕ຺ຖາໂຣ,

ຍາໂມ ຕຸ ສໍຍໂມ ຍໂມ.

໗໖໙. ສມ຺ພາຫນໍ ມທ຺ທນຎ຺ຈ, ປສໂຣ ຕຸ ວິສປ຺ປນໍ;

ສນ຺ຖໂວ ຕຸ ປຣິຈໂຍ,

ເມລໂກ ສງ຺ຄ ສງ຺ຄມາ.

໗໗໐. ສນ຺ນິຘິ ສນ຺ນິກຏ຺ຐມ຺ຫິ, ວິນາໂສ ຕຸ ອທສ຺ສນໍ;

ລໂວ ຠິລາໂວ ລວນໍ,

ປຕ຺ຖາໂວ’ວສໂຣ ສມາ.

໗໗໑. ໂອສານໍ ປຣິໂຍສານໍ, ອຸກ຺ກໍໂສ’ຕິສໂຍ ຠເວ [ອວສານໍ ສມາປນໍ (?)];

ສນ຺ນິເວໂສ ຈ ສຓ຺ຐານໍ, ອຖາ’ພ຺ຠນ຺ຕຣ ມນ຺ຕຣໍ.

໗໗໒. ປາຏິຫີຣໍ ປາຏິເຫຣໍ, ປາຏິຫາຣິຍ ມຸຈ຺ຈເຕ;

ກິຈ຺ຈໍ ຕຸ ກຣຓີຍຎ຺ຈ, ສງ຺ຂາໂຣ ວາສນາ ຠເວ.

໗໗໓. ປວນໍ ປວ ນິປ຺ປາວາ, ຕສໂຣ ສຸຕ຺ຕເວຐນໍ;

ສງ຺ກໂມ ທຸຄ຺ຄສຎ຺ຈາໂຣ, ປກ຺ກໂມ ຕຸ ອຸປກ຺ກໂມ.

໗໗໔. ປາໂຐ ນິປາໂຐ ນິປໂຐ, ວິຈໂຍ ມຄ຺ຄນາ ປຸເມ;

ອາລິງ຺ຄນໍ ປຣິສ຺ສງ຺ໂຄ, ສິເລໂສ ອຸປຄູຫນໍ.

໗໗໕. ອາໂລກນຎ຺ຈ ນິຊ຺ຌານໍ, ອິກ຺ຂຓໍ ທສ຺ສນໍ ປ຺ຍຖ;

ປຈ຺ຈາເທໂສ ນິຣສນໍ, ປຈ຺ຈກ຺ຂານໍ ນິຣາກຕິ.

໗໗໖. ວິປລ຺ລາໂສ’ຎ຺ຎຖາຠາໂວ, ພ຺ຍຕ຺ຕໂຍ ວິປຣີຍໂຍ;

ວິປຣິຍາໂສ’ຕິກ຺ກໂມ, ຕ຺ວ’ຕິປາໂຕ ອຸປຈ຺ຈໂຍ.

ອິຕິ ສໍກິຓ຺ຓວຄ຺ໂຄ.