໓. ອເນກຕ຺ຖວຄ຺ຄ

໗໗໗. ອເນກຕ຺ເຖ ປວກ຺ຂາມິ, ຄາຖາ’ທ຺ຘປາທໂຕ ກມາ;

ເອຕ຺ຖ ລິງ຺ຄວິເສສຕ຺ຖ, ເມກສ຺ສ ປຸນຣຸຕ຺ຕຕາ.

໗໗໘. ສມໂຍ ສມວາເຍ ຈ, ສມູເຫ ກາຣເຓ ຂເຓ;

ປຏິເວເຘ ສິຍາ ກາເລ, ປຫາເນ ລາຠ ທິຏ຺ຐິສຸ.

໗໗໙. ວຓ຺ໂຓ ສຓ຺ຐານ ຣູເປສຸ, ຊາຕິ,ຈ຺ຉວີສຸ ກາຣເຓ;

ປມາເຓ ຈ ປສໍສາຍໍ, ອກ຺ຂເຣ ຈ ຍເສ ຄຸເຓ.

໗໘໐. ອຸທ຺ເທເສ ປາຕິໂມກ຺ຂສ຺ສ, ປຓ຺ຓຕ຺ຕິຍ ມຸໂປສໂຖ;

ອຸປວາເສ ຈ ອຏ຺ຐງ຺ເຄ, ອຸໂປສຖທິເນ ສິຍາ.

໗໘໑. ຣຖງ຺ເຄ ລກ຺ຂເຓ ຘມ຺ໂມ, ຣຈກ຺ເກ’ສ຺ວີຣິຍາປເຖ;

ຈກ຺ກໍ ສມ຺ປຕ຺ຕິຍໍ ຈກ຺ກ, ຣຕເນ ມຓ຺ຑເລ ພເລ.

໗໘໒. ກຸລາລຠຓ຺ເຑ ອາຓາຍ, ມາຍຸເຘ ທານ ຣາສິສຸ;

໗໘໓. ທານສ຺ມິໍ ພ຺ຣຫ຺ມຈຣິຍ, ມປ຺ປມຎ຺ຎາສຸ ສາສເນ;

ເມຖຸນາຣຕິຍໍ ເວຍ຺ຍາ, ວຈ຺ເຈ ສທາຣຕຸຏ຺ຐິຍໍ;

ປຎ຺ຈສີລາ’ຣິຍມຄ຺ໂຄ, ໂປສຖງ຺ຄ ຘິຕີສຸ [ຐິຕີສຸ (ກ.)] ຈ.

໗໘໔. ຘມ຺ໂມ ສຠາເວ ປຣິຍຕ຺ຕິປຎ຺ຎາ,

ຎາເຍສຸ ສຈ຺ຈປ຺ປກຕີສຸ ປຸຎ຺ເຎ;

ເຎຍ຺ເຍ ຄຸຓາ’ຈາຣ ສມາຘິສູປິ,

ນິສ຺ສຕ຺ຕຕາ’ປຕ຺ຕິສຸ ກາຣຓາໂທ.

໗໘໕. ອຕ຺ໂຖ ປໂຍຊເນ ສທ຺ທາ, ຠິເຘຍ຺ເຍ ວຸທ຺ຘິຍໍ ຘເນ;

ວຕ຺ຖຸມ຺ຫິ ກາຣເຓ ນາເສ, ຫິເຕ ປຈ຺ຉິມປພ຺ພເຕ.

໗໘໖. ເຍຠຸຍ຺ຍຕາ’ພ຺ຍາມິສ຺ເສສຸ, ວິສໍໂຍເຄ ຈ ເກວລໍ;

ທຬ຺ຫຕ຺ເຖ’ນຕິເຣເກ ຈາ, ນວເສສມ຺ຫິ ຕໍ ຕິສຸ.

໗໘໗. ຄຸໂຓ ປຏລ ຣາສີສຸ, ອານິສໍເສ ຈ ພນ຺ຘເນ;

ອປ຺ປຘາເນ ຈ ສີລາໂທ, ສຸກ຺ກາທິມ຺ຫິ ຊິຍາຍ ຈ.

໗໘໘. ຣຸກ຺ຂາໂທ ວິຊ຺ຊມາເນ ຈາ, ຣຫນ຺ເຕ ຂນ຺ຘປຎ຺ຈເກ;

ຠູໂຕ ສຕ຺ຕ ມຫາຠູຕາ, ມນຸສ຺ເສສຸ ນ ນາຣິຍໍ.

໗໘໙. ວາຈ຺ຈລິງ຺ໂຄ ອຕີຕສ຺ມິໍ, ຊາເຕ ປຕ຺ເຕ ສເມ ມໂຕ;

໗໙໐. ສຸນ຺ທເຣ ທຬ຺ຫິກມ຺ເມ ຈາ, ຍາຈເນ ສມ຺ປຏິຈ຺ຉເນ;

ສຊ຺ຊເນ ສມ຺ປຫໍສາຍໍ, ສາຘ຺ວາ’ຠິເຘຍ຺ຍລິງ຺ຄິກໍ.

໗໙໑. ອນ຺ໂຕ ນິຕ຺ຖີ ສມີເປ ຈາ, ວສາເນ ປທປູຣເຓ;

ເທຫາວຍເວ ໂກຏ຺ຐາເສ, ນາສ ສີມາສຸ ລາມເກ.

໗໙໒. ນິກາເຍ ສນ຺ຘິ ສາມຎ຺ຎ, ປ຺ປສູຕີສຸ ກຸເລ ຠເວ;

ວິເສເສ ສຸມນາຍຎ຺ຈ, ຊາຕິ ສງ຺ຂຕລກ຺ຂເຓ.

໗໙໓. ຠວເຠເທ ປຕິຏ຺ຐາຍໍ, ນິຏ຺ຐາ’ຊ຺ຌາສຍພຸທ຺ຘິສຸ;

ວາສຏ຺ຐາເນ ຈ ຄມເນ, ວິສຏຕ຺ເຕ [ວິສຣຕ຺ຕ ວິສທຕ຺ເຕ] ຄຕີຣິຕາ.

໗໙໔. ຜເລ ວິປສ຺ສນາ ທິພ຺ພ, ຈກ຺ຂຸ ສພ຺ພຎ຺ຎຸຕາສຸ ຈ;

ປຈ຺ຈເວກ຺ຂຓຎາຓມ຺ຫິ, ມຄ຺ເຄ ຈ ຎາຓທສ຺ສນໍ.

໗໙໕. ກມ຺ມາຣຸທ຺ຘນ ອງ຺ຄາຣ, ກປລ຺ລ ທີປິກາສຸ ຈ;

ສຸວຓ຺ຓກາຣມູສາຍໍ, ອຸກ຺ກາ ເວເຄ ຈ ວາຍຸໂນ.

໗໙໖. ເກໂສຫາຣຓ, ຊີວິຕ, ວຸຕ຺ຕິສຸ ວປເນ ຈ ວາປສມກຣເຓ;

ກຖເນ ປມຸຕ຺ຕຠາວ, ຊ຺ເຌນາໂທ [ຊ຺ເຌສນາໂທ (ສີ.)] ວຸຕ຺ຕ ມປິ ຕີສຸ.

໗໙໗. ຄມເນ ວິສ຺ສຸເຕ ຈາ’ວ, ຘາຣິໂຕ’ປຈິເຕສຸ ຈ;

ອນຸໂຍເຄ ກິລິນ຺ເນ ຈ, ສຸໂຕ’ ຠິເຘຍ຺ຍລິງ຺ຄິໂກ.

໗໙໘. ໂສຕວິຎ຺ເຎຍ຺ຍ ສຕ຺ເຖສຸ, ສຸຕໍ ປຸຕ຺ເຕ ສຸໂຕ ສິຍາ;

໗໙໙. ກປ຺ໂປ ກາເລ ຍຸເຄ ເລເສ, ປຎ຺ຎຕ຺ຕິ ປຣມາຍຸສຸ;

ສທິເສ ຕີສຸ ສມຓ, ໂວຫາຣ ກປ຺ປພິນ຺ທຸສຸ;

ສມນ຺ຕຕ຺ເຖ’ນ຺ຕຣກປ຺ປາ, ທິເກ ຕກ຺ເກ ວິຘິມ຺ຫິ ຈ.

໘໐໐. ນິພ຺ພານ ມຄ຺ຄ ວິຣຕິ, ສປເຖ ສຈ຺ຈຠາສິເຕ;

ຕຈ຺ເຉ ຈາ’ຣິຍສຈ຺ຈມ຺ຫິ, ທິຏ຺ຐິຍໍ ສຈ຺ຈ ມີຣິຕໍ.

໘໐໑. ສຎ຺ຊາຕິເທເສ ເຫຕຸມ຺ຫິ, ວາສຏ຺ຐານາ’ກເຣສຸ ຈ;

ສໂມສຣຓຏ຺ຐາເນ ຈາ, ຍຕນໍ ປທປູຣເຓ.

໘໐໒. ອນ຺ຕຣໍ ມຊ຺ຌ ວຕ຺ຖ’ຎ຺ຎ, ຂໂຓ’ກາໂສ’ຘິ ເຫຕຸສຸ;

ພ຺ຍວຘາເນ ວິນຏ຺ເຐ ຈ, ເຠເທ ຉິທ຺ເທ ມນສ຺ຍ’ປິ.

໘໐໓. ອາໂຣຄ຺ເຍ ກຸສລໍ ອິຏ຺ຐ, ວິປາເກ ກຸສໂລ ຕຖາ;

ອນວຊ຺ຊມ຺ຫິ ເຉເກ ຈ, ກຖິໂຕ ວາຈ຺ຈລິງ຺ຄິໂກ.

໘໐໔. ທ຺ຣວາ’ຈາເຣສຸ ວີຣິເຍ, ມຘຸຣາທີສຸ ປາຣເທ;

ສິງ຺ຄາຣາໂທ ຘາຕຸເຠເທ, ກິຈ຺ເຈ ສມ຺ປຕ຺ຕິຍໍ ຣໂສ.

໘໐໕. ໂພຘິ ສພ຺ພຎ຺ຎຸຕຎ຺ຎາເຓ, ຣິຍມຄ຺ເຄ ຈ ນາຣິຍໍ;

ປຎ຺ຎຕ຺ຕິຍໍ ປຸເມ’ ສ຺ສຕ຺ຖ, ຣຸກ຺ຂມ຺ຫິ ປຸຣິສິຕ຺ຖິຍໍ.

໘໐໖. ເສວິໂຕ ເຍນ ໂຍ ນິຈ຺ຈໍ, ຕຕ຺ຖາປິ ວິສໂຍ ສິຍາ;

ຣູປາທິເກ ຊນປເທ, ຕຖາ ເທເສ ຈ ໂຄຈເຣ.

໘໐໗. ຠາໂວ ປທຕ຺ເຖ ສຕ຺ຕາຍ, ມຘິປ຺ປາຍ ກ຺ຣິຍາສຸ ຈ;

ສຠາວສ຺ມິຎ຺ຈ ລີລາຍໍ, ປຸຣິສິ’ຕ຺ຖິນ຺ທ຺ຣິເຍສຸ ຈ.

໘໐໘. ໂສ ພນ຺ຘເວ’ຕ຺ຕນິ ຈ ສໍ, ໂສ ຘນສ຺ມິ ມນິຕ຺ຖິຍໍ;

ສາ ປຸເມ ສຸນເຂ ວຸຕ຺ໂຕ, ຕ຺ຕນິເຍ ໂສ ຕິລິງ຺ຄິໂກ.

໘໐໙. ສຸວຓ຺ຓໍ ກນເກ ວຸຕ຺ຕໍ, ສຸວຓ຺ໂຓ ຄຣຸເຬ ຕຖາ;

ປຎ຺ຈຘຣຓມຕ຺ເຕ ຈ, ຉວິ ສມ຺ປຕ຺ຕິຍມ຺ປິ ຈ.

໘໑໐. ວໂຣ ເທວາທິກາ [ເທວາທິໂຕ (ສີ.)] ອິຏ຺ເຐ, ຊາມາຕຣິ ປຕິມ຺ຫິ ຈ,

ອຸຕ຺ຕເມ ວາຈ຺ຈລິງ຺ໂຄ ໂສ, ວຣໍ ມນ຺ທປ຺ປິເຍ ພ຺ຍຍໍ.

໘໑. ໑.

ມກຸເລ ຘນຣາສິມ຺ຫິ, ສິຍາ ໂກສ ມນິຕ຺ຖິຍໍ;

ເນຕ຺ຕິໍສາທິ ປິຘາເນ ຈ, ຘນຸປຎ຺ຈສເຕປິ ຈ.

໘໑໒. ປິຕາມເຫ ຊິເນ ເສຏ຺ເຐ, ພ຺ຣາຫ຺ມເຓ ຈ ປິຕູສ຺ວປິ;

ພ຺ຣຫ຺ມາ ວຸຕ຺ໂຕ ຕຖາ ພ຺ຣຫ຺ມໍ, ເວເທ ຕປສິ ວຸຈ຺ຈເຕ.

໘໑໓. ຫຕ຺ຖີນໍ ມຊ຺ຌພນ຺ເຘ ຈ, ປໂກຏ຺ເຐ ກຈ຺ຉພນ຺ຘເນ;

ເມຂລາຍໍ ມຕາ ກຈ຺ຉາ, ກຈ຺ໂຉ ວຸຕ຺ໂຕ ລຕາຍ ຈ.

໘໑໔. ຕເຖວ ພາຫຸມູລມ຺ຫິ, ອນູປມ຺ຫິ ຕິເຓປິ ຈ;

໘໑໕. ປມາຓໍ ເຫຕຸ ສຕ຺ເຖສຸ, ມາເນ ຈ ສຈ຺ຈວາທິນິ;

ປມາຕຣິ ຈ ນິຈ຺ຈມ຺ຫິ, ມຣິຍາທາຍ ມຸຈ຺ຈເຕ.

໘໑໖. ສຕ຺ຕໍ ທພ຺ພ’ຕ຺ຕຠາເວສຸ, ປາເຓສຸ ຈ ພເລ, ສິຍາ [ພເລ ສກ຺ກາ (ຏີ.)];

ສຕ຺ຕາຍຎ຺ຈ, ຊເນສຕ຺ໂຕ, ອາສຕ຺ເຕ ໂສ ຕິລິງ຺ຄິໂກ.

໘໑໗. ເສມ຺ຫາໂທ ຣສຣຕ຺ຕາໂທ, ມຫາຠູເຕ ປຠາທິເກ;

ຘາຕຸ ທ຺ວີສ຺ວ’ຏ຺ຐິຈກ຺ຂາ’ທິ, ຠ຺ວາ’ທີສຸ ເຄຣິກາທິສຸ.

໘໑໘. ອມຈ຺ຈາໂທ ສຠາເວ ຈ, ໂຍນິຍໍ ປກຕີ’ຣິຕາ;

ສຕ຺ວາທິສາມ຺ຍາ’ວຕ຺ຖາຍໍ, ປຈ຺ຈຍາ ປຐເມປິ ຈ.

໘໑໙. ປທໍ ຐາເນ ປຣິຕ຺ຕາເຓ, ນິພ຺ພານມ຺ຫິ ຈ ກາຣເຓ;

ສທ຺ເທ ວຕ຺ຖຸມ຺ຫິ ໂກຏ຺ຐາເສ, ປາເທ ຕລ຺ລຎ຺ຉເນ ມຕໍ.

໘໒໐. ໂລຫມຸຄ຺ຄຣ ເມເຆສຸ, ຆໂນ, ຕາລາທິເກ ຆນໍ,;

ນິຣນ຺ຕເຣ ຈ ກຐິເນ, ວາຈ຺ຈລິງ຺ຄິກ ມຸຈ຺ຈເຕ.

໘໒໑. ຂຸທ຺ທາ ຈ ມກ຺ຂິກາເຠເທ, ມຘຸມ຺ຫິ ຂຸທ຺ທ, ມປ຺ປເກ;

ອຘເມ ກປເຓ ຈາປິ, ພຫຸມ຺ຫິ ຈຕູສຸ ຕ຺ຕິສຸ.

໘໒໒. ຕກ຺ເກ ມຣຓລິງ຺ເຄ ຈ, ອຣິຏ຺ຐໍ ອສຸເຠ ສຸເຠ,;

ອຣິຏ຺ໂຐ ອາສເວ ກາເກ, ນິມ຺ເພ ຈ ເຜນິລທ຺ທຸເມ.

໘໒໓. ມານຠຓ຺ເຑ ປລສເຕ, ສທິສຕ຺ເຕ ຕຸລາ ຕຖາ;

ເຄຫານໍ ທາຣຸພນ຺ຘຕ຺ຖ, ປີຐິກາຍຎ຺ຈ ທິສ຺ສຕິ.

໘໒໔. ມິຕ຺ຕກາເຣ ລຎ຺ຊທາເນ, ພເລ ຣາສິ ວິປຕ຺ຕິສຸ [ພລຣາສິ ວິປຕ຺ຕິສຸ (ກ.)];

ຍຸທ຺ເຘ ເຈວ ປຏິຎ຺ຎາຍໍ, ສງ຺ຄໂຣ ສມ຺ປກາສິໂຕ.

໘໒໕. ຂນ຺ເຘ ຠເວ ນິມິຕ຺ຕມ຺ຫິ, ຣູປໍ ວຓ຺ເຓ ຈ ປຈ຺ຈເຍ;

ສຠາວ ສທ຺ທ ສຓ຺ຐານ, ຣູປຊ຺ຌານ ວປູສຸ ຈ.

໘໒໖. ວຕ຺ຖຸ ກິເລສ ກາເມສຸ, ອິຈ຺ຉາຍໍ ມທເນ ຣເຕ;

ກາໂມ, ກາມໍ ນິກາເມ, ຈາ, ນຸຎ຺ຎາຍໍ ກາມ ມພ຺ຍຍໍ.

໘໒໗. ໂປກ຺ຂຣໍ ປທຸເມ ເທເຫ, ວຊ຺ຊຠຓ຺ຑມຸເຂປິ ຈ;

ສຸນ຺ທຣຕ຺ເຕ ຈ ສລິເລ, ມາຕງ຺ຄກຣໂກຏິຍໍ.

໘໒໘. ຣາສິນິຈ຺ຈລ ມາຍາສຸ, ທມ຺ຠາ’ສຈ຺ເຈສ຺ວ’ໂຍຆເນ;

ຄິຣິສິງ຺ຄມ຺ຫິ ສີຣງ຺ເຄ, ຍນ຺ເຕ ກູຏ ມນິຕ຺ຖິຍໍ.

໘໒໙. ວຸທ຺ຘິຍໍ ຊນເນ ກາມ, ຘາຕ຺ວາທີມ຺ຫິ ຈ ປຕ຺ຕິຍໍ;

ສຕ຺ຕາຍຎ຺ເຈວ ສໍສາເຣ, ຠໂວ ສສ຺ສຕທິຏ຺ຐິຍໍ.

໘໓໐. ປຏິວາກ຺ໂຍ’ຕ຺ຕຣາສງ຺ເຄ, ສຸ’ຕ຺ຕຣໍ ອຸຕ຺ຕໂຣ ຕິສຸ;

ເສຏ຺ເຐ ທິສາທິເຠເທ ຈ, ປຣສ຺ມິ ມຸປຣີ’ຣິໂຕ.

໘໓໑. ເນກ຺ຂມ຺ມໍ ປຐມຊ຺ຌາເນ, ປພ຺ພຊ຺ຊາຍໍ ວິມຸຕ຺ຕິຍໍ;

ວິປສ຺ສນາຍ ນິສ຺ເສສ, ກຸສລມ຺ຫິ ຈ ທິສ຺ສຕິ.

໘໓໒. ສງ຺ຂາໂຣ ສງ຺ຂເຕ ປຸຎ຺ຎາ, ຠິສງ຺ຂາຣາທິເກປິ ຈ;

ປໂຍເຄ ກາຍສງ຺ຂາຣາ, ທ຺ຍ’ຠິສງ຺ຂຣເຓສຸ ຈ.

໘໓໓. ອາຣມ຺ມເຓ ຈ ສໍສຏ຺ເຐ, ໂວກິຓ຺ເຓ ນິສ຺ສເຍ ຕຖາ;

ຕພ຺ຠາເວ ຈາປ຺ຍຠິເຘຍ຺ຍ, ລິງ຺ໂຄ ສຫຄໂຕ ຠເວ.

໘໓໔. ຕີສຸ ຉນ຺ນໍ ປຕິຣູເປ, ຉາທິເຕ ຈ ນິຄູຫິເຕ;

ນິວາສນ ປາຣຸປເນ, ຣໂຫ ປຎ຺ຎຕ຺ຕິຍໍ ປຸເມ.

໘໓໕. ພຸທ຺ຘສມນ຺ຕຈກ຺ຂູສຸ, ຈກ຺ຂຸ ປຎ຺ຎາຍ ມີຣິຕໍ;

ຘມ຺ມຈກ຺ຂຸມ຺ຫິ ຈ ມໍສ, ທິພ຺ພຈກ຺ຂຸທ຺ວເຍສຸ ຈ.

໘໓໖. ວາຈ຺ຈລິງ຺ໂຄ ອຠິກ຺ກນ຺ໂຕ, ສຸນ຺ທຣມ຺ຫິ ອຠິກ຺ກເມ;

ອຠິຣູເປ ຂເຍ ວຸຕ຺ໂຕ, ຕເຖວ’ພ຺ຠນຸໂມທເນ.

໘໓໗. ກາຣເຓ ເທສນາຍຎ຺ຈ, ວາເຣ ເວວຈເນປິ ຈ;

ປາກາຣສ຺ມິໍ [ປກາຣສ຺ມິໍ (ກ.)] ອວສເຣ, ປຣິຍາໂຍ ກຖີຍຕິ.

໘໓໘. ວິຎ຺ຎາເຓ ຈິຕ຺ຕກມ຺ເມ ຈ, ວິຈິຕ຺ເຕ ຈິຕ຺ຕ ມຸຈ຺ຈເຕ;

ປຎ຺ຎຕ຺ຕິ ຈິຕ຺ຕມາເສສຸ, ຈິຕ຺ໂຕ, ຕາຣນ຺ຕເຣ ຖິຍໍ.

໘໓໙. ສາມໍ ເວທນ຺ຕເຣ ສານ຺ຕ຺ເວ, ຕໍ ປີເຕ ສາມເລ ຕິສຸ;

ສຍມຕ຺ເຖ ພ຺ຍຍໍ ສາມໍ, ສາມາ ຈ ສາຣິວາຍປິ.

໘໔໐. ປຸເມ ອາຈຣິຍາທິມ຺ຫິ, ຄຣຸ [ຄຸຣຸ (ກ. ຏີ.)] ມາຕາປິຕູສ຺ວປິ;

ຄຣຸ ຕີສຸ ມຫນ຺ເຕ ຈ, ທຸຊ຺ຊຣາ’ລຫຸເກສຸ ຈ.

໘໔໑. ອຈ຺ຈິເຕ ວິຊ຺ຊມາເນ ຈ, ປສຕ຺ເຖ ສຈ຺ຈ ສາຘຸສຸ;

ຂິນ຺ເນ ຈ ສມິເຕ ເຈວ, ສນ຺ໂຕຠິເຘຍ຺ຍລິງ຺ຄິໂກຕິ.

ອິຕິ ຄາຖາອເນກຕ຺ຖວຄ຺ໂຄ.

໘໔໒. ເທໂວ ວິສຸທ຺ຘິເທວາ’ໂທ, ເມຆ ມຈ຺ຈຸ ນເຠສຸ ຈ;

ອໂຖປິ ຕຣຸເຓ ສຕ຺ເຕ, ໂຈເຣປິ ມາຓໂວ ຠເວ.

໘໔໓. ອາທິ ໂກຏ຺ຐາສ ໂກຏີສຸ, ປຸຣໂຕ’ຄ຺ຄໍວເຣ ຕີສຸ;

ປຈ຺ຈນີໂກ’ຕ຺ຕເມສ຺ວ’ຎ຺ເຎ, ປຈ຺ຉາຠາເຄ ປໂຣ ຕິສຸ.

໘໔໔. ໂຍນິ ກາມ ສິຣິ’ສ຺ສເຣ, ຘມ຺ມຸ’ຍ຺ຍາມ ຍເສ ຠຄໍ;

ອຸຬາໂຣ ຕີສຸ ວິປຸເລ, ເສຏ຺ເຐ ຈ ມຘຸເຣ ສິຍາ.

໘໔໕. ສມ຺ປນ຺ໂນ ຕີສຸ ສມ຺ປຸຓ຺ເຓ, ມຘຸເຣ ຈ ສມງ຺ຄິນິ;

ສງ຺ຂາ ຕຸ ຎາເຓ ໂກຏ຺ຐາສ, ປຎ຺ຎຕ຺ຕິ ຄຓເນສຸ ຈ.

໘໔໖. ຐານໍ ອິສ຺ສຣິໂຍ’ກາສ, ເຫຕູສຸ ຐິຕິຍມ຺ປິ ຈ;

ອໂຖ ມາເນ ປກາເຣຈ, ໂກຏ຺ຐາເສຈ ວິໂຘ ທ຺ວິສຸ.

໘໔໗. ປຎ຺ໂຎ’ປວາສ ຂນ຺ຕີສຸ, ທໂມ ອິນ຺ທ຺ຣິຍສໍວເຣ;

ຎາເຓ ຈ ໂສມນສ຺ເສຈ, ເວໂທ ຉນ຺ທສິ ໂຈ’ຈ຺ຈເຕ.

໘໔໘. ຂນ຺ຘໂກຏ຺ຐາສ, ປສ຺ສາວ, ມຄ຺ຄ, ເຫຕູສຸ ໂຍນິ ສາ [ໂຍນິ ໂສ (ຏີ.)];

ກາເລ ຕຸ ກູເລ ສີມາຍໍ, ເວລາ ຣາສິມ຺ຫິ ຠາສິຕາ.

໘໔໙. ໂວຫາໂຣ ສທ຺ທ ປຓ຺ຓຕ຺ຕິ, ວຓິຊ຺ຊາ ເຈຕນາສຸ ຈ;

ນາໂຄ ຕຸ’ຣຄ ຫຕ຺ຖີສຸ, ນາຄຣຸກ຺ເຂ ຕຖຸ’ຕ຺ຕເມ.

໘໕໐. ເສຏ຺ຐາ’ສຫາຍ ສງ຺ຂ຺ຍາ’ຎ຺ຎ,