໑. ວິເສສ຺ຍາຘີນວຄ຺ຄ

໖໙໑. ວິເສສ຺ຍາຘີນ ສໍກິຓ຺ຓາ, ເນກຕ຺ເຖຫ຺ຍ’ພ຺ຍເຍຫິ ຈ;

ສາ’ງ຺ໂຄ’ປາງ຺ເຄຫິ ກຖ຺ຍນ຺ເຕ, ກຓ຺ເຑ ວຄ຺ຄາ ອິຫ ກ຺ກມາ.

໖໙໒. ຄຸຓທພ຺ພກ຺ຣິຍາສທ຺ທາ, ສິຍຸໍ ສພ຺ເພ ວິເສສນາ;

ວິເສສ຺ຍາຘີນຠາເວນ, ວິເສສ຺ຍສມລິງ຺ຄິໂນ.

໖໙໓. ໂສຠນໍ ຣຸຈິຣໍ ສາຘຸ, ມນຸຎ຺ຎໍ ຈາຣຸ ສຸນ຺ທຣໍ;

ວຄ຺ຄຸ ມໂນຣມໍ ກນ຺ຕໍ, ຫາຣີ ມຎ຺ຊຸ ຈ ເປສລໍ.

໖໙໔. ຠທ຺ທໍ ວາມຎ຺ຈ ກລ຺ຍາຓໍ, ມນາປໍ ລທ຺ຘກໍ ສຸຠໍ;

ອຸຕ຺ຕໂມ ປວໂຣ ເຊຏ຺ໂຐ, ປມຸຂາ’ນຸຕ຺ຕໂຣ ວໂຣ.

໖໙໕. ມຸຂ຺ໂຍ ປຘານໍ ປາໂມກ຺ໂຂ, ປຣ ມຄ຺ຄຎ຺ຎ ມຸຕ຺ຕຣໍ;

ປຓີຕໍ ປຣມໍ ເສຍ຺ໂຍ, ຄາມຓີ ເສຏ຺ຐ ສຕ຺ຕມາ.

໖໙໖. ວິສິຏ຺ຐາ’ຣິຍ ນາເຄ’ໂກ, ສຠຄ຺ຄາ ໂມກ຺ຂ ປຸງ຺ຄວາ;

ສີຫ ກຸຎ຺ຊຣ ສທ຺ທູລາ, ທີ ຕຸ ສມາສຄາ ປຸເມ.

໖໙໗. ຈິຕ຺ຕ’ກ຺ຂິ ປີຕິຊນນ, ມພ຺ຍາເສກ ມເສຈນໍ;

ອິຏ຺ຐໍ ຕຸ ສຸຠຄໍ ຫຊ຺ຊໍ, ທຍິຕໍ ວລ຺ລຠໍ ປິຍໍ.

໖໙໘. ຕຸຈ຺ຉຎ຺ຈ ຣິຕ຺ຕກໍ ສຸຎ຺ຎໍ, ອຖາ’ສາຣຎ຺ຈ ເຜຄ຺ຄຸ ຈ;

ເມຊ຺ຌໍ ປູຕໍ ປວິຕ຺ໂຕ ຖ, ອວິຣທ຺ໂຘ ອປຓ຺ຓໂກ.

໖໙໙. ອຸກ຺ກຏ຺ໂຐ ຈ ປກຏ຺ໂຐ ຖ, ນິຫີໂນ ຫີນ ລາມກາ;

ປຕິກິຏ຺ຐໍ ນິກິຏ຺ຐຎ຺ຈ, ອິຕ຺ຕຣາ’ວຊ຺ຊ ກຸຈ຺ຉິຕາ.

໗໐໐. ອຘໂມ’ມກ ຄາຣຍ຺ຫາ,

ມລີໂນ ຕຸ ມລີມໂສ;

ພ຺ຣຫາ ມຫນ຺ຕໍ ວິປຸລໍ, ວິສາລໍ ປຸຖຸລໍ ປຸຖຸ.

໗໐໑. ຄຣຸ’ຣຸ ວິຕ຺ຖິຓ຺ຓ ມໂຖ, ປີນໍ ຖູລຎ຺ຈ ປີວຣໍ;

ຖຸລ຺ລຎ຺ຈ ວຐຣຎ຺ຈາ ຖ, ອາຈິຕໍ ນິຈິຕໍ ຠເວ.

໗໐໒. ສພ຺ພໍ ສມຕ຺ຕ ມຂິລໍ, ນິຂິລໍ ສກລໍ ຕຖາ;

ນິສ຺ເສສໍ ກສິຓາ’ເສສໍ, ສມຄ຺ຄຎ຺ຈ ອນູນກໍ,

໗໐໓. ຠູຣິ ປຫຸຕໍ ປຈຸຣໍ, ຠິຍ຺ໂຍ ສມ຺ພຫຸລໍ ພຫຸ;

ເຍຠຸຍ຺ຍໍ ພຫຸລໍ ຈາຖ, ພາຫິຣໍ ປຣິພາຫິຣໍ.

໗໐໔. ປໂຣສຕາທີ ເຕ, ເຍສໍ, ປຣໍ ມຕ຺ຕໍ ສຕາທິໂຕ;

ປຣິຕ຺ຕໍ ສຸຂຸມໍ ຂຸທ຺ທໍ, ໂຖກ ມປ຺ປໍ ກິສໍ ຕນຸ.

໗໐໕. ຈຸລ຺ລໍ ມຕ຺ເຕ’ຕ຺ຖິຍໍ ເລສ,

ລວາ’ຓຸຫິ ກໂຓ ປຸເມ;

ສມີປໍ ນິກຏາ’ສນ຺ໂນ, ປກຏ຺ຐາ’ຠ຺ຍາສ ສນ຺ຕິກໍ.

໗໐໖. ອວິທູຣຎ຺ຈ ສາມນ຺ຕໍ, ສນ຺ນິກຏ຺ຐ ມຸປນ຺ຕິກໍ;

ສກາສໍ ອນ຺ຕິກໍ ຎຕ຺ຕໍ, ທູຣໍ ຕຸ ວິປ຺ປກຏ຺ຐກໍ.

໗໐໗. ນິຣນ຺ຕຣໍ ຆນໍ ສນ຺ທໍ, ວິຣຬໍ ເປລວໍ ຕນຸ;

ອຖາ ຍຕໍ ທີຆ ມໂຖ, ນິຕ຺ຕລໍ ວຏ຺ຏ ວຏ຺ຏຸລໍ.

໗໐໘. ອຸຈ຺ໂຈ ຕຸ ອຸນ຺ນໂຕ ຕຸງ຺ໂຄ, ອຸທຄ຺ໂຄ ເຈວ ອຸຈ຺ຉິໂຕ;

ນີໂຈ ຣສ຺ໂສ ວາມໂນ ຖ, ອຊິມ຺ໂຫ ປຄຸໂຓ ອຸຊຸ.

໗໐໙. ອຬາຣໍ ເວລ຺ລິຕໍ ວງ຺ກໍ, ກຸຏິລໍ ຊິມ຺ຫ ກຸຎ຺ຈິຕໍ;

ຘຸໂວ ຈ ສສ຺ສໂຕ ນິຈ຺ໂຈ, ສທາຕນ ສນນ຺ຕນາ.

໗໑໐. ກູຏຏ຺ໂຐ ຕ຺ເວ’ກຣູເປນ, ກາລພ຺ຍາປີ ປກາສິໂຕ;

ລຫຸ ສລ຺ລຫຸກໍ ຈາຖ, ສງ຺ຂ຺ຍາຕໍ ຄຓິຕໍ ມິຕໍ.

໗໑໑. ຕິຓ຺ຫໍ ຕຸ ຕິຂິຓໍ ຕິພ຺ພໍ, ຈຓ຺ຑໍ ອຸຄ຺ຄໍ ຂຣໍ ຠເວ;

ຊງ຺ຄມຎ຺ຈ ຈຣຎ຺ເຈວ, ຕສໍ ເຎຍ຺ຍໍ ຈຣາຈຣໍ.

໗໑໒. ກມ຺ປນໍ ຈລນໍ ຈາຖ, ອຕິຣິຕ຺ໂຕ ຕຖາ’ຘິໂກ;

ຖາວໂຣ ຊງ຺ຄມາ ອຎ຺ໂຎ, ໂລລໍ ຕຸ ຈຎ຺ຈລໍ ຈລໍ.

໗໑໓. ຕຣລຎ຺ຈ ປຸຣາໂຓ ຕຸ, ປຸຣາຕນ ສນນ຺ຕນາ;

ຈິຣນ຺ຕໂນ ຖ ປຈ຺ຈຄ຺ໂຆ, ນູຕໂນ’ຠິນໂວ ນໂວ.

໗໑໔. ກຸຣູຣໍ ກຐິນໍ ທຬ຺ຫໍ, ນິຏ຺ຐຸຣໍ ກກ຺ຂຬໍ ຠເວ;

ອນິຕ຺ຖ຺ຍ’ນ຺ໂຕ ປຣິຍນ຺ໂຕ, ປນ຺ໂຕ ຈ ປຈ຺ຉິມ’ນ຺ຕິມາ.

໗໑໕. ຊິຆຎ຺ຎໍ ຈຣິມໍ ປຸພ຺ພໍ, ຕ຺ວ’ຄ຺ຄໍ ປຐມ ມາທິ ໂສ;

ປຕິຣູໂປ ນຸຈ຺ຉວິກໍ, ອຖ ໂມຆໍ ນິຣຕ຺ຖກໍ.

໗໑໖. ພ຺ຍຕ຺ຕໍ ປຸຏ [ຜຸຏໍ (ສີ.)] ຎ຺ຈ ມຸທຸ ຕຸ, ສຸກຸມາຣຎ຺ຈ ໂກມລໍ;

ປຈ຺ຈກ຺ຂໍ ອິນ຺ທ຺ຣິຍຄ຺ຄຍ຺ຫໍ, ອປຈ຺ຈກ຺ຂໍ ອຕິນ຺ທ຺ຣິຍໍ.

໗໑໗. ອິຕຣາ’ຎ຺ຎຕໂຣ ເອໂກ, ອຎ຺ໂຎ ພຫຸວິໂຘ ຕຸ ຈ;

ນານາຣູໂປ ຈ ວິວິໂຘ, ອພາຘໍ ຕຸ ນິຣຄ຺ຄລໍ.

໗໑໘. ອເຖ’ກາກີ ຈ ເອກຈ຺ໂຈ, ເອໂກ ຈ ເອກໂກ ສມາ;

ສາຘາຣຓຎ຺ຈ ສາມຎ຺ຎໍ, ສມ຺ພາໂຘ ຕຸ ຈ ສໍກຏໍ.

໗໑໙. ວາມໍ ກເຬວຣໍ ສພ຺ຍໍ; ອປສພ຺ຍໍ ຕຸ ທກ຺ຂິຓໍ;

ປຏິກູລໍ ຕ຺ວ’ປສພ຺ຍໍ, ຄຫນໍ ກລິລໍ ສມາ.

໗໒໐. ອຸຈ຺ຈາວຈໍ ພຫຸເຠທໍ, ສໍກິຓ຺ຓາ’ ກິຓ຺ຓ ສໍກຸລາ;

ກຕຫຕ຺ໂຖ ຈ ກຸສໂລ, ປວີຓາ’ຠິຎ຺ຎ ສິກ຺ຂິຕາ.

໗໒໑. ນິປຸໂຓ ຈ ປຏຸ ເຉໂກ, ຈາຕຸໂຣ ທກ຺ຂ ເປສລາ;

ພາໂລ ທຕ຺ຕຸ ຊໂລ ມູຬ຺ໂຫ, ມນ຺ໂທ ວິຎ຺ຎູ ຈ ພາລິໂສ.

໗໒໒. ປຸຎ຺ຎວາ ສຸກຕີ ຘຎ຺ໂຎ, ມຫຸສ຺ສາໂຫ ມຫາຘິຕິ;

ມຫາຕຓ຺ໂຫ ມຫິຈ຺ໂຉ ຖ, ຫທຍີ ຫທຍາລຸ ຈ.

໗໒໓. ສຸມໂນ ຫຏ຺ຐຈິຕ຺ໂຕ ຖ, ທຸມ຺ມໂນ ວິມໂນ ປ຺ຍຖ;

ວທານິໂຍ ວທຎ຺ຎູ ຈ, ທານໂສຓ຺ໂຑ ພຫຸປ຺ປໂທ.

໗໒໔. ຂ຺ຍາໂຕ ປຕີໂຕ ປຎ຺ຎາໂຕ,

ຠິຎ຺ຎາໂຕ ປຖິໂຕ ສຸໂຕ,

ວິສ຺ສຸໂຕ ວິທິໂຕ ເຈວ, ປສິທ຺ໂຘ ປາກໂຏ ຠເວ.

໗໒໕. ອິສ຺ສໂຣ ນາຍໂກ ສາມີ, ປຕີ’ສາ’ຘິປຕີ ປຠູ;

ອຍ຺ຍາ’ຘິປາ’ຘິຠູ ເນຕາ,

ອິພ຺ໂຠ ຕ຺ວ’ຑ຺ໂຒ ຕຖາ ຘນີ.

໗໒໖. ທານາຣໂຫ ທກ຺ຂິເຓຍ຺ໂຍ, ສິນິທ຺ໂຘ ຕຸ ຈ ວຈ຺ຉໂລ;

ປຣິກ຺ຂໂກ ກາຣຓິໂກ,

ອາສຕ຺ໂຕ ຕຸ ຈ ຕປ຺ປໂຣ.

໗໒໗. ກາຣຸຓິໂກ ທຍາລຸປິ, ສູຣໂຕ ອຸສ຺ສຸໂກ ຕຸ ຈ;

ອິຏ຺ຐຕ຺ເຖ ອຸຍ຺ຍຸໂຕ ຈາຖ, ທີຆສຸຕ຺ໂຕ ຈິຣກ຺ຣິໂຍ.

໗໒໘. ປຣາຘີໂນ ປຣາຍຕ຺ໂຕ, ອາຍຕ຺ໂຕ ຕຸ ຈ ສນ຺ຕໂກ;

ປຣິຄ຺ຄໂຫ ອຘີໂນ ຈ, ສຈ຺ຉນ຺ໂທ ຕຸ ຈ ເສຣິນິ.

໗໒໙. ອນິສມ຺ມກາຣີ ຊມ຺ໂມ, ອຕິຕຓ຺ໂຫ ຕຸ ໂລລຸໂປ;

ຄິທ຺ໂຘ ຕຸ ລຸທ຺ໂຘ ໂລໂລ ຖ,

ກຸຓ຺ໂຐ ມນ຺ໂທ ກ຺ຣິຍາສຸ ຫິ.

໗໓໐. ກາມຍິຕາ ຕຸ ກມິຕາ, ກາມໂນ ກາມິ ກາມຸໂກ;

ໂສຓ຺ໂຑ ມຕ຺ໂຕ ວິເຘຍ຺ໂຍ ຕຸ,

ອສ຺ສໂວ ສຸພ຺ພໂຈ ສມາ.

໗໓໑. ປຄພ຺ໂຠ ປຏິຠາຍຸຕ຺ໂຕ, ຠີສີໂລ ຠີຣຸ ຠີຣຸໂກ;

ອຘີໂຣ [ອວີໂຣ (ຏີ.)] ກາຕໂຣ ຈາຖ,

ຫິໍສາສີໂລ ຈ ຆາຕຸໂກ.

໗໓໒. ໂກຘໂນ ໂຣສໂນ [ໂທສໂນ (ສີ.)] ໂກປີ,

ຈຓ຺ໂຑ ຕ຺ວຈ຺ຈນ຺ຕໂກຘໂນ;

ສຫໂນ ຂມໂນ ຂນ຺ຕາ, ຕິຕິກ຺ຂວາ ຈ ຂນ຺ຕິມາ.

໗໓໓. ສທ຺ຘາຍຸຕ຺ໂຕ ຕຸ ສທ຺ຘາລຸ, ຘຊວາ ຕຸ ຘຊາລຸ ຈ [ລຊ຺ຊາລຸຕຸ ຈ ລຊ຺ຊວາ (ກ.)];

ນິທ຺ທາລຸ ນິທ຺ທາສີໂລ ຖ, ຠສ຺ສໂຣ ຠາສຸໂຣ ຠເວ.

໗໓໔. ນຄ຺ໂຄ ທິຄມ຺ພໂຣ’ວຕ຺ໂຖ, ຆສ຺ມໂຣ ຕຸ ຈ ຠກ຺ຂໂກ;

ເອຬມູໂຄ ຕຸ ວຕ຺ຕຸຎ຺ຈ, ໂສຕຸໍ ຈາ’ກຸສໂລ ຠເວ.

໗໓໕. ມຸຂໂຣ ທຸມ຺ມຸຂາ’ພທ຺ຘ, ມຸຂາ ຈາປ຺ປິຍວາທິນິ;

ວາຈາໂລ ພຫຸຄາຣຍ຺ຫ, ວເຈ ວຕ຺ຕາ ຕຸ ໂສ ວໂທ.

໗໓໖. ນິໂຊ ສໂກ ອຕ຺ຕນິໂຍ,

ວິມ຺ຫໂຍ’ຈ຺ຉຣິຍ’ພ຺ຠຸໂຕ;

ວິຫຕ຺ໂຖ ພ຺ຍາກຸໂລ ຈາຖ,

ອາຕຕາຍີ ວຘຸທ຺ຍໂຕ.

໗໓໗. ສີສຈ຺ເຉຊ຺ຊມ຺ຫິ ວຊ຺ໂຌ ຖ, ນິກໂຕ ຈ ສໂຐ’ນຸຊຸ;

ສູຈໂກ ປິສຸໂຓ ກຓ຺ເຓ,

ຊໂປ ຘຸຕ຺ໂຕ ຕຸ ວຎ຺ຈໂກ.

໗໓໘. ອນິສມ຺ມ ຫິ ໂຍ ກິຈ຺ຈໍ, ປຸຣິໂສ ວຘພນ຺ຘນາທິ ມາຈຣຕິ;

ອວິນິຈ຺ຉິຕກາຣິຕ຺ຕາ, ໂສຂລຸ ຈປໂລຕິ ວິຎ຺ເຎຍ຺ໂຍ.

໗໓໙. ຂຸທ຺ໂທ ກທຣິໂຍ ຖທ຺ຘ, ມຈ຺ຉຣີ ກປໂຓ ປ຺ຍຖ;

ອກິຎ຺ຈໂນ ທລິທ຺ໂທ ຈ, ທີໂນ ນິທ຺ຘນ ທຸຄ຺ຄຕາ.

໗໔໐. ອສມ຺ຠາວິຕສມ຺ປຕ຺ຕໍ, ກາກຕາລິຍ ມຸຈ຺ຈເຕ;

ອຖ ຍາຈນໂກ ອຕ຺ຖີ, ຍາຈໂກ ຈ ວນິພ຺ພໂກ.

໗໔໑. ອຓ຺ຑຊາ ປກ຺ຂິສປ຺ປາທີ, ນຣາທີ ຕຸ ຊລາພຸຊາ;

ເສທຊາ ກິມິຑໍສາທີ, ເທວາທີ ຕ຺ໂວ’ ປປາຕິກາ.

໗໔໒. ຊຓ຺ຓຸຕຄ຺ໂຆ ຊຓ຺ຓຸມຕ຺ໂຕ, ກປ຺ໂປ ຕຸ ກິຎ຺ຈິທູນເກ;

ອນ຺ຕຄ຺ຄຕໍ ຠຸ ປຣິຍາ, ປນ຺ນ ມນ຺ໂຕຄໂຘ’ຄຘາ.

໗໔໓. ຣາຘິໂຕ ສາຘິໂຕ ຈາຖ, ນິປ຺ປກ຺ກໍ ກຸຖິຕໍ ຠເວ;

ອາປນ຺ໂນ ຕ຺ວາ’ປທປ຺ປຕ຺ໂຕ, ວິວໂສ ຕ຺ວວໂສ ຠເວ.

໗໔໔. ນຸຓ຺ໂຓ ນຸຕ຺ຕາ’ຕ຺ຕ, ຂິຕ຺ຕາ ເຈ’, ຣິຕາ ວິທ຺ຘາ ຖ ກມ຺ປິໂຕ;

ຘູໂຕ ອາຘູຕ ຈລິຕາ, ນິສິຕໍ ຕຸ ຈ ເຕຊິຕໍ.

໗໔໕. ປຕ຺ຕພ຺ພໍ ຄມ຺ມ ມາປຊ຺ຊໍ [ອາສຊ຺ຊໍ (ກ.)], ປກ຺ກໍ ປຣິຓຕໍ ສມາ;

ເວຐິຕໍ ຕຸ ວລຍິຕໍ, ຣຸທ຺ຘໍ ສໍວຸຕ ມາວຸຕໍ.

໗໔໖. ປຣິກ຺ຂິຕ຺ຕຎ຺ຈ ນິວຸຕໍ, ວິສຏໍ ວິຕ຺ຖຕໍ ຕຕໍ;

ລິຕ຺ໂຕ ຕຸ ທິທ຺ໂຘ ຄູຬ຺ໂຫ ຕຸ,

ຄຸຕ຺ໂຕ ປຸຏ຺ໂຐ ຕຸ ໂປສິໂຕ.

໗໔໗. ລຊ຺ຊິໂຕ ຫີຬິໂຕ ຈາຖ, ສນິຕໍ ຘນິຕໍ ປ຺ຍຖ;

ສນ຺ທານິໂຕ ສິໂຕ ພທ຺ໂຘ,

ກີລິໂຕ ສໍຍໂຕ ຠເວ.

໗໔໘. ສິທ຺ເຘ ນິປ຺ຜນ຺ນ ນິພ຺ພຕ຺ຕາ, ທາຣິເຕ ຠິນ຺ນ ເຠທິຕາ;

ຉນ຺ໂນ ຕຸ ຉາທິເຕ ຈາຖ, ວິທ຺ເຘ ຉິທ຺ທິຕ ເວຘິຕາ.

໗໔໙. ອາຫໂຏ ອາຠຕາ’ນີຕາ,

ທນ຺ໂຕ ຕຸ ທມິໂຕ ສິຍາ;

ສນ຺ໂຕ ຕຸ ສມິໂຕ ເຈວ,

ປຸຓ຺ໂຓ ຕຸ ປູຣິໂຕ ຠເວ.

໗໕໐. ອປຈາຍິໂຕ ມຫິໂຕ, ປູຊິຕາ’ຣຫິໂຕ’ຈ຺ຈິໂຕ;

ມານິໂຕ ຈາ’ປຈິໂຕ ຈ, ຕຈ຺ຉິຕໍ ຕຸຕນູກເຕ.

໗໕໑. ສນ຺ຕຕ຺ໂຕ ຘູປິໂຕ ໂຈປ,

ຈຣິໂຕ ຕຸ ອຸປາສິໂຕ;

ຠຏ຺ຐໍ ຕຸ ຄລິຕໍ ປນ຺ນໍ, ຈຸຕຎ຺ຈ ຘໍສິຕໍ ຠເວ.

໗໕໒. ປີໂຕ ປມຸທິໂຕ ຫຏ຺ໂຐ,

ມຕ຺ໂຕ ຕຸຏ຺ໂຐ ຖ ກນ຺ຕິໂຕ;

ສຎ຺ຉິນ຺ໂນ ລູນ ທາຕາ ຖ,

ປສຕ຺ໂຖ ວຓ຺ຓິໂຕ ຖຸໂຕ.

໗໕໓. ຕິນ຺ໂຕ’ລ຺ລ’ທ຺ທ ກິລິນ຺ໂນ’ນ຺ນາ, ມຄ຺ຄິຕໍ ປຣິເຍສິຕໍ;

ອນ຺ເວສິຕໍ ຄເວສິຕໍ, ລທ຺ຘໍ ຕຸ ປຕ຺ຕ ມຸຈ຺ຈເຕ.

໗໕໔. ຣກ຺ຂິຕໍ ໂຄປິຕໍ ຄຸຕ຺ຕໍ, ຕາຕໍ ໂຄປາຍິຕາ’ວິຕາ;

ປາລິຕໍ ອຖ ໂອສ຺ສຏ຺ຐໍ, ຈຕ຺ຕໍ ຫີນໍ ສມຸຊ຺ຌິຕໍ.

໗໕໕. ຠາສິຕໍ ລປິຕໍ ວຸຕ຺ຕາ, ຠິຫິຕາ’ຂ຺ຍາຕ ຊປ຺ປິຕາ;

ອຸທີຣິຕຎ຺ຈ ກຖິຕໍ, ຄທິຕໍ ຠຓິໂຕ’ທິຕາ.