໔. ຈຕຸພ຺ພຓ຺ຓວຄ຺ຄ

ຂຕ຺ຕິຍວຄ຺ຄ

໓໓໒. ກຸລໍ ວໍໂສ ຈ ສນ຺ຕານາ, ຠິຊນາ ໂຄຕ຺ຕ ມນ຺ວໂຍ;

ຖິຍໍ ສນ຺ຕຕ຺ຍ ໂຖ ວຓ຺ຓາ, ຈຕ຺ຕາໂຣ ຂຕ຺ຕິຍາທໂຍ.

໓໓໓. ກຸລີໂນ ສຊ຺ຊໂນ ສາຘຸ,

ສຠ຺ໂຍ ຈາຍ຺ໂຍ ມຫາກຸໂລ;

ຣາຊາ ຠູປຕິ ຠູປາໂລ, ປຕ຺ຖິໂວ ຈ ນຣາຘິໂປ.

໓໓໔. ຠູນາໂຖ ຊຄຕິປາໂລ, ທິສມ຺ປຕິ ຊນາຘິໂປ;

ຣຏ຺ຐາຘິໂປ ນຣເທໂວ, ຠູມິໂປ ຠູຠຸໂຊ ປ຺ຍຖ.

໓໓໕. ຣາຊຎ຺ໂຎ ຂຕ຺ຕິໂຍ ຂຕ຺ຕໍ, ມຸທ຺ຘາຠິສິຕ຺ຕ ພາຫຸຊາ;

ສພ຺ພຠຸມ຺ໂມ ຈກ຺ກວຕ຺ຕີ, ຠູໂປຎ຺ໂຎ ມຓ຺ຑລິສ຺ສໂຣ.

໓໓໖. ປຸເມ ລິຈ຺ຉວິ ວຊ຺ຊີ ຈ, ສກ຺ໂຍ ຕຸ ສາກິໂຍ ຖ ຈ;

ຠທ຺ທກຈ຺ຈານາ [ຠທ຺ທາ ກຈ຺ຈານາ (ຏີ.)] ຣາຫຸລ, ມາຕາ ພິມ຺ພາ ຍໂສຘຣາ.

໓໓໗. ໂກຏີນໍ ເຫຏ຺ຐິມນ຺ເຕນ, ສຕໍ ເຍສໍ ນິຘານຄໍ;

ກຫາປຓານໍ ທິວສ, ວຬຎ຺ໂຊ ວີສຕມ຺ພຓໍ.

໓໓໘. ເຕ ຂຕ຺ຕິຍມຫາສາລາ, ສີຕິ ໂກຏິຘນານິ ຕຸ;

ນິຘານຄານິ ທິວສ, ວຬຎ຺ໂຊ ຈ ທສມ຺ພຓໍ.

໓໓໙. ເຍສໍ ທ຺ວິຊມຫາສາລາ, ຕທຸປຑ຺ເຒ ນິຘານເຄ;

ວຬຎ຺ເຊ ຈ ຄຫປຕິ, ມຫາສາລາ ຘເນ ສິຍຸໍ.

໓໔໐. ມຫາມຕ຺ໂຕ ປຘານຎ຺ຈ, ມຕິສຊີໂວ ມນ຺ຕິນີ;

ສຊີໂວ ສຈິວາ, ມຈ຺ໂຈ, ເສນານີ ຕຸ ຈມູປຕິ.

໓໔໑. ນ຺ຍາສາທີນໍ ວິວາທານໍ, ອກ຺ຂທສ຺ໂສ ປທຏ຺ຐຣິ;

ໂທວາຣິໂກ ປຕີຫາໂຣ, ທ຺ວາຣຏ຺ໂຐ ທ຺ວາຣປາລໂກ.

໓໔໒. ອນີກຏ຺ໂຐຕິ ຣາຊູນໍ, ອງ຺ຄຣກ຺ຂຄໂຓ ມໂຕ;

ກຎ຺ຈຸກີ ໂສວິທລ຺ໂລ ຈ, ອນຸຊີວີ ຕຸ ເສວໂກ.

໓໔໓. ອຊ຺ຌກ຺ໂຂ ຘິກໂຕ ເຈວ,

ເຫຣຎ຺ຎິໂກ ຕຸ ນິກ຺ຂິໂກ;

ສເທສານນ຺ຕໂຣ ສຕ຺ຕຸ, ມິຕ຺ໂຕຣາຊາ ຕໂຕ ປຣໍ.

໓໔໔. ອມິຕ຺ໂຕ ຣິປຸ ເວຣີ ຈ, ສປຕ຺ຕາ ຣາຕິ ສຕ຺ວ’ຣິ; (ສຕ຺ຕຸ+ອຣິ)

ປຈ຺ຈຕ຺ຖິໂກ ປຣິປນ຺ຖີ, ປຏິປກ຺ຂາ ຫິຕາປໂຣ.

໓໔໕. ປຈ຺ຈາມິຕ຺ໂຕ ວິປກ຺ໂຂ ຈ, ປຈ຺ຈນີກ ວິໂຣຘິໂນ;

ວິທ຺ເທສີ ຈ ທິໂສ ທິຏ຺ໂຐ,ຖາ ນຸໂຣໂຘ ນຸວຕ຺ຕນໍ.

໓໔໖. ມິຕ຺ໂຕ ນິຕ຺ຖີ ວຍສ຺ໂສ ຈ, ສຫາໂຍ [ສຸຫຊ຺ໂຊ (ຏີ.)] ສຸຫໂທ ສຂາ;

ສມ຺ຠຕ຺ໂຕ ທຬ຺ຫມິຕ຺ໂຕ ຖ, ສນ຺ທິຏ຺ໂຐ ທິຏ຺ຐມຕ຺ຕໂກ.

໓໔໗. ຈໂຣ ຈ ຄຸຬ຺ຫປຸຣິໂສ, ປຖາວີ ປຖິໂກ’ທ຺ຘຄູ;

ທູໂຕ ຕຸ ສນ຺ເທສຫໂຣ, ຄຓໂກ ຕຸ ມຸຫຸຕ຺ຕິໂກ.

໓໔໘. ເລຂໂກ ລິປິກາໂຣ ຈ, ວຓ຺ໂຓ ຕຸ ອກ຺ຂໂຣ ປ຺ຍຖ;

ເຠໂທ ທຓ຺ໂຑ ສາມ ທານາ, ນ຺ຍຸປາຍາ ຈຕຸໂຣ ອິເມ.

໓໔໙. ອຸປຊາໂປຕຸ ເຠໂທ ຈ, ທຓ຺ໂຑ ຕຸ ສາຫສໍ ທໂມ;

໓໕໐. ສາມ຺ຍ’ ມຈ຺ໂຈ ສຂາ ໂກໂສ, ທຸຄ຺ຄຎ຺ຈ ວິຊິຕໍ ພລໍ;

ຣຊ຺ຊງ຺ຄານີຕິ ສຕ຺ເຕເຕ, ສິຍຸໍ ປກຕິໂຍ ປິຈ.

໓໕໑. ປຠາວຸ’ສ຺ສາຫ, ມນ຺ຕານໍ, ວສາ ຕິສ຺ໂສ ຫິ ສຕ຺ຕິໂຍ;

ປຠາໂວ ທຓ຺ຑໂຊ ເຕໂຊ,

ປຕາໂປ ຕຸ ຈ ໂກສໂຊ.

໓໕໒. ມນ຺ໂຕ ຈ ມນ຺ຕນໍ ໂສ ຕຸ, ຈຕຸກ຺ກຓ຺ໂຓ ທ຺ວິໂຄຈໂຣ;

ຕິໂຄຈໂຣ ຕຸ ຉກ຺ກຓ຺ໂຓ, ຣຫສ຺ສໍ ຄຸຍ຺ຫ ມຸຈ຺ຈເຕ.

໓໕໓. ຕີສຸ ວິວິຕ຺ຕ ວິຊນ, ຉນ຺ນາ, ຣໂຫ ຣໂຫ ພ຺ຍຍໍ;

ວິສ຺ສາໂສ ຕຸ ຈ ວິສ຺ສມ຺ໂຠ,

ຍຸຕ຺ຕໍ ຕ຺ໂວ’ປາຍິກໍ ຕິສຸ.

໓໕໔. ໂອວາໂທ ຈານຸສິຏ຺ຐິຕ຺ຖີ, ປຸມວຊ຺ເຊ ນຸສາສນໍ;

ອາຓາ ຈ ສາສນໍ ເຎຍ຺ຍໍ, ອຸທ຺ທານໍ ຕຸ ຈ ພນ຺ຘນໍ.

໓໕໕. ອາຄຸ ວຸຕ຺ຕ [ມນ຺ຕຸ (ກ.)] ມປຣາໂຘ, ກໂຣ ຕຸ ພລິ ມຸຈ຺ຈເຕ;

ປຸຓ຺ຓປຕ຺ໂຕ ຕຸຏ຺ຐິທາໂຍ, ອຸປທາ ຕຸ ຈ ປາຠຕໍ.

໓໕໖. ຕໂຖ’ປາຍນ ມຸກ຺ໂກໂຈ, ປຓ຺ຓາກາໂຣ ປເຫຓກໍ;

ສຸງ຺ກໍ ຕ຺ວນິຕ຺ຖີ ຄຸມ຺ພາທິ, ເທຍ຺ເຍ ຖາ’ໂຍ ຘນາຄໂມ.

໓໕໗. ອາຕປຕ຺ຕໍ ຕຖາ ຉຕ຺ຕໍ, ຣຎ຺ຎໍ ຕຸ ເຫມມາສນໍ;

ສີຫາສນໍ ອໂຖ ວາຬ, ພີຊນີຕ຺ຖີ ຈ ຈາມຣໍ.

໓໕໘. ຂຄ຺ໂຄ ຈ ຉຕ຺ຕ ມຸຓ຺ຫີສໍ, ປາທຸກາ ວາລພີຊນີ;

ອິເມ ກກຸຘຠຓ຺ຑານິ, ຠວນ຺ຕິ ປຎ຺ຈ ຣາຊຸນໍ.

໓໕໙. ຠທ຺ທກຸມ຺ໂຠ ປຸຓ຺ຓກຸມ຺ໂຠ, ຠິງ຺ກາໂຣ ຊລທາຍໂກ;

ຫຕ຺ຖິ,ສ຺ສ,ຣຖ,ປຕ຺ຕີ ຕຸ, ເສນາ ຫິ ຈຕຸຣງ຺ຄິນີ.

໓໖໐. ກຸຎ຺ຊໂຣ ວາຣໂຓ ຫຕ຺ຖີ, ມາຕງ຺ໂຄ ທ຺ວິຣໂທ ຄໂຊ;

ນາໂຄ ທ຺ວິໂປ ອິໂຠ ທນ຺ຕີ,

ຍູຖເຊຏ຺ໂຐ ຕຸ ຍູຖໂປ.

໓໖໑. ກາຬາວກ ຄງ຺ເຄຍ຺ຍາ, ປຓ຺ຑຣ ຕມ຺ພາ ຈ ປິງ຺ຄໂລ ຄນ຺ໂຘ;

ມງ຺ຄລ ເຫໂມ’ໂປສຖ,

ຉທ຺ທນ຺ຕາ ຄຊກຸລານິ ເອຕານິ.

໓໖໒. ກລໂຠ ເຈວ ຠິງ຺ໂກຖ, ປຠິນ຺ໂນ ມຕ຺ຕ ຄຊ຺ຊິຕາ;

ຫຕ຺ຖິຆຏາ ຕຸ ຄຊຕາ, ຫຕ຺ຖີນີ ຕຸ ກເຣຓຸກາ.

໓໖໓. ກຸມ຺ໂຠ ຫຕ຺ຖິສິໂຣປິຓ຺ຑາ, ກຓ຺ຓມູລໍ ຕຸ ຈູລິກາ;

ອາສນໍ ຂນ຺ຘເທສມ຺ຫິ, ປຸຈ຺ຉມູລໍ ຕຸ ເມຈໂກ.

໓໖໔. ອາລານ ມາຬ຺ຫໂກ ຖມ຺ໂຠ, ນິຕ຺ຖີຕຸ ນິຄໂຬ’ນ຺ທຸໂກ;

ສງ຺ຂລໍ ຕີສ຺ວໂຖ ຄຓ຺ໂຑ,

ກໂຏ ທານໍ ຕຸ ໂສ ມໂທ.

໓໖໕. ໂສຓ຺ໂຑ ຕຸ ທ຺ວີສຸ ຫຕ຺ໂຖ ຖ,

ກຣຄ຺ຄໍ ໂປກ຺ຂຣໍ ຠເວ;

ມຊ຺ຌມ຺ຫິ ພນ຺ຘນໍ ກຈ຺ຉາ, ກປ຺ປໂນ ຕຸ ກຸຖາທໂຍ.

໓໖໖. ໂອປວຍ຺ໂຫ ຣາຊວຍ຺ໂຫ, ສຊ຺ຊິໂຕ ຕຸ ຈ ກປ຺ປິໂຕ;

ໂຕມໂຣ ນິຕ຺ຖິຍໍ ປາເທ, ສິຍາ ວິຊ຺ຌນກຓ຺ຏໂກ.

໓໖໗. ຕຸຕ຺ຕໍ ຕຸ ກຓ຺ຓມູລມ຺ຫິ, ມຕ຺ຖກມ຺ຫິ ຕຸ ອງ຺ກຸໂສ;

ຫຕ຺ຖາໂຣໂຫ ຫຕ຺ຖິເມຓ຺ໂຑ,

ຫຕ຺ຖິໂປ ຫຕ຺ຖິໂຄປໂກ.

໓໖໘. ຄາມຓີໂຍ ຕຸ ມາຕງ຺ຄ, ຫຍາທ຺ຍາຈຣິໂຍ ຠເວ;

ຫໂຍ ຕຸຣງ຺ໂຄ ຕຸຣໂຄ,

ວາໂຫ ອສ຺ໂສ ຈ ສິນ຺ຘໂວ.

໓໖໙. ເຠໂທ ອສ຺ສຕໂຣ ຕສ຺ສາ,

ຊານິໂຍ ຕຸ ກຸລີນໂກ;

ສຸຂວາຫີ ວິນີໂຕ ຖ,

ກິໂສໂຣ ຫຍໂປຕໂກ.

໓໗໐. ໂຆຏໂກ ຕຸ ຂຬຸງ຺ໂກ ຖ, ຊວໂນ ຈ ຊວາຘິໂກ;

ມຸຂາຘານໍ ຂລີໂນ ວາ, ກສາ ຕ຺ວ ສ຺ສາຠິຕາຬິນີ.

໓໗໑. ກຸສາ ຕຸ ນາສຣຊ຺ຊຸມ຺ຫິ, ວຬວາ’ສ຺ສາ ຂຸໂຣ ສຜໍ;

ປຸຈ຺ຉ ມນິຕ຺ຖີ ນງ຺ຄຸຏ຺ຐໍ, ວາລຫຕ຺ໂຖ ຈ ວາລຘິ.

໓໗໒. ສນ຺ທໂນ ຈ ຣໂຖ ຜຸສ຺ສ, ຣໂຖ ຕຸ ນຣຓາຍ ໂສ;

ຈມ຺ມາວຸໂຕ ຈ ເວຍຄ຺ໂຆ,

ເທປ຺ໂປ ພ຺ຍຄ຺ຆສ຺ສ ທີປິໂນ.

໓໗໓. ສິວິກາ ຍາປ຺ຍຍານຎ຺ຈາ, ນິຕ຺ຖີ ຕຸ ສກໂຏ ປ຺ຍ’ນໍ [(ສກໂຏ ປິ+ອນໍ)];

ຈກ຺ກໍ ຣຖງ຺ຄ ມາຂ຺ຍາຕໍ, ຕສ຺ສນ຺ໂຕ ເນມິ ນາຣິຍໍ.

໓໗໔. ຕມ຺ມຊ຺ເຌ ປິຓ຺ຑິກາ ນາຠິ, ກຸພ຺ພໂຣ ຕຸ ຍຸຄນ຺ຘໂຣ;

ອກ຺ຂຄ຺ຄກີເລ ອາຓີຕ຺ຖີ, ວຣຸໂຖ ຣຖຄຸຕ຺ຍ’ຖ.

໓໗໕. ຘຸໂຣ ມຸເຂ ຣຖສ຺ສງ຺ຄາ, ຕ຺ວ ກ຺ໂຂ ປກ຺ຂຣອາທໂຍ;

ຍານຎ຺ຈ ວາຫນໍ ໂຍຄ຺ຄໍ, ສພ຺ພຫຕ຺ຖ຺ຍາທິວາຫເນ.

໓໗໖. ຣຖຈາຣີ ຕຸ ສູໂຕ ຈ, ປາຊິຕາ ເຈວ ສາຣຖີ;

ຣຖາໂຣໂຫ ຈ ຣຖິໂກ,

ຣຖີ ໂຍໂຘ ຕຸ ໂຍ ຠໂຏ.

໓໗໗. ປທາຕິ ປຕ຺ຕີ ຕຸ ປຸເມ, ປທໂຄ ປທິໂກ ມໂຕ;

ສນ຺ນາໂຫ ກງ຺ກໂຏ ວມ຺ມໍ, ກວໂຈ ວາ ອຸຣຈ຺ຉໂທ.

໓໗໘. ຊາລິກາ ຖ ຈ ສນ຺ນທ຺ໂຘ, ສຊ຺ໂຊ ຈ ວມ຺ມິໂກ ຠເວ;

ອາມຸກ຺ໂກ ປຏິມຸກ຺ໂກ ຖ, ປຸເຣຈາຣີ ປຸເຣຈໂຣ.

໓໗໙. ປຸພ຺ພງ຺ຄໂມ ປຸເຣຄາມີ, ມນ຺ທຄາມີ ຕຸ ມນ຺ຖໂຣ;

ຊວໂນ ຕຸຣິໂຕ ເວຄີ, ເຊຕພ຺ພໍ ເຊຍ຺ຍ ມຸຈ຺ຈເຕ.

໓໘໐. ສູຣ ວີຣາ ຕຸ ວິກ຺ກນ຺ໂຕ, ສຫາໂຍ ນຸຈໂຣ ສມາ;

ສນ຺ນທ຺ຘປ຺ປຠຸຕີ ຕີສຸ, ປາເຖຍ຺ຍໍ ຕຸ ຈ ສມ຺ພລໍ.

໓໘໑. ວາຫິນີ ຘຊິນີ ເສນາ, ຈມູ ຈກ຺ກໍ ພລໍ ຕຖາ;

ອນີໂກ ວາ ຖ ວິນ຺ຍາໂສ,

ພ຺ຍູໂຫ ເສນາຍ ກຖ຺ຍເຕ.

໓໘໒. ຫຕ຺ຖີ ທ຺ວາທສໂປໂສ,ຕິ,

ປຸຣິໂສ ຕຸຣໂຄ, ຣໂຖ;

ຈຕຸໂປໂສຕິ ເອເຕນ, ລກ຺ຂເຓນາ ຘມນ຺ຕໂຕ.

໓໘໓. ຫຕ຺ຖານີກໍ ຫຍານີກໍ, ຣຖານີກໍ ຕໂຍ ຕໂຍ;

ຄຊາທໂຍ ສສຕ຺ຖາ ຕຸ, ປຕ຺ຕານີກໍ ຈຕຸຊ຺ຊນາ.

໓໘໔. ສຏ຺ຐິວໍສກລາເປສຸ, ປຈ຺ເຈກໍ ສຏ຺ຐິທຓ຺ຑິສຸ;

ຘູລີກເຕສຸ ເສນາຍ, ຍນ຺ຕິຍາ ກ຺ໂຂຠນີ [ອກ຺ໂຂຠິຓີ (ກ.)] ຕ຺ຖິຍໍ.

໓໘໕. ສມ຺ປຕ຺ຕິ ສມ຺ປທາ ລກ຺ຂີ, ສິຣີ ວິປຕ຺ຕິ ອາປທາ;

ອຖາ ວຸຘຎ຺ຈ [ອາຍຸຘນ຺ຕິປິ ປາໂຐ] ເຫຕິ’ຕ຺ຖີ, ສຕ຺ຖໍ ປຫຣຓໍ ຠເວ.

໓໘໖. ມຸຕ຺ຕາມຸຕ຺ຕ ມມຸຕ຺ຕຎ຺ຈ, ປາຓິໂຕ ມຸຕ຺ຕເມວ ຈ;

ຍນ຺ຕມຸຕ຺ຕນ຺ຕິ ສກລໍ, ອາຍຸຘໍ ຕໍ ຈຕຸພ຺ພິຘໍ.

໓໘໗. ມຸຕ຺ຕາມຸຕ຺ຕຎ຺ຈ ຍຏ຺ຐ຺ຍາທິ, ອມຸຕ຺ຕໍ ຉຸຣິກາທິກໍ;

ປາຓິມຸຕ຺ຕໍ ຕຸ ສຕ຺ຍາທິ, ຍນ຺ຕມຸຕ຺ຕໍ ສຣາທິກໍ.

໓໘໘. ອິສ຺ສາໂສ ຘນຸ ໂກທຓ຺ຑໍ, ຈາໂປ ນິຕ຺ຖີ ສຣາສນໍ;

ອໂຖ ຄຸໂຓ ຊິຍາ ຊ຺ຍາ ຖ,

ສໂຣ ປຕ຺ຕິ ຈ ສາຍໂກ.

໓໘໙. ວາໂຓ ກຓ຺ຑ ມຸສຸ ທ຺ວີສຸ, ຂຸຣປ຺ໂປ [ອຸຣປ຺ໂປ (ກ.)] ເຕຊນາ’ສນໍ;

ຕູຓີຕ຺ຖິຍໍ ກລາໂປ ຈ, ຕູໂຓ ຕູຓີຣ ວາຓຘິ.

໓໙໐. ປກ຺ໂຂ ຕຸ ວາໂຊ ທິທ຺ໂຘ ຕຸ, ວິສປ຺ປິໂຕ ສໂຣ ຠເວ;

ລກ຺ຂໍ ເວຊ຺ຌໍ ສຣພ຺ຍຎ຺ຈ, ສຣາຠ຺ຍາໂສ ຕຸ’ປາສນໍ.

໓໙໑. ມຓ຺ຑລຄ຺ໂຄ ຕຸ ເນຕ຺ຕິໍໂສ, ອສິ ຂຄ຺ໂຄ ຈ ສາຍໂກ;

ໂກສິຕ຺ຖີ ຕພ຺ພິຘາເນ ໂຖ, ຖຣຸ ຂຄ຺ຄາທິມຸຏ຺ຐິຍໍ.

໓໙໒. ເຂຏກໍ ຜລກໍ ຈມ຺ມໍ, ອິລ຺ລີ ຕຸ ກຣປາລິກາ;

ຉຸຣິກາ ສຕ຺ຍ’ສິປຸຕ຺ຕີ, ລຄຸໂຬ ຕຸ ຈ ມຸຄ຺ຄໂຣ.

໓໙໓. ສລ຺ໂລ ນິຕ຺ຖິ ສງ຺ກຸ ປຸເມ, ວາສີ ຕຸ ຕຈ຺ຉນີຕ຺ຖິຍໍ;

ກຸຐາຣີ [ກຸຘາຣີ (ຏີ.)] ຕ຺ຖີຜຣສຸໂສ, ຏງ຺ໂກ ປາສາຓທາຣໂຓ.

໓໙໔. ກຓໂຍ ຠິນ຺ທິວາໂຬ ຈ, ຈກ຺ກໍ ກຸນ຺ໂຕ ຄທາ ຕຖາ;

ສຕ຺ຍາ’ທີ ສຕ຺ຖເຠທາ ຖ,

ໂກໂຓ’ສ຺ໂສ ໂກຏິ ນາຣິຍໍ.

໓໙໕. ນິຍ຺ຍານໍ ຄມນໍ ຍາຕ຺ຣາ, ປຏ຺ຐານຎ຺ຈ ຄໂມ ຄຕິ;

ຈຸຓ຺ໂຓ ປໍສຸ ຣໂຊ ເຈວ, ຘູລີ’ຕ຺ຖີ ເຣຓຸ ຈ ທ຺ວິສຸ.

໓໙໖. ມາຄໂຘ ມຘຸໂກ ວຸຕ຺ໂຕ, ວນ຺ທີ ຕຸ ຖຸຕິປາຐໂກ;

ເວຕາຬິໂກ ໂພຘກໂຣ,

ຈກ຺ກິໂກ ຕຸ ຈ ຆຓ຺ຏິໂກ.