໕. ອຣຎ຺ຎວຄ຺ຄ

໕໓໖. ອຣຎ຺ຎໍ ການນໍ ທາໂຍ, ຄຫນໍ ວິປິນໍ ວນໍ;

ອຏວີ’ຕ຺ຖີ ມຫາຣຎ຺ຎໍ, ຕ຺ວ, ຣຎ຺ຎານີຕ຺ຖິຍໍ ຠເວ.

໕໓໗. ນຄຣາ ນາຕິທູຣສ຺ມິໍ, ສນ຺ເຕຫິ ໂຍ ຠິໂຣປິໂຕ;

ຕຣຸສຓ຺ໂຑ ສ ອາຣາໂມ, ຕໂຖ ປວນ ມຸຈ຺ຈເຕ.

໕໓໘. ສພ຺ພສາຘາຣຓາ’ຣຎ຺ຎໍ, ຣຎ຺ຎ ມຸຍ຺ຍານ ມຸຈ຺ຈເຕ;

ເຎຍ຺ຍໍ ຕເທວ ປມທ, ວນ ມນ຺ເຕປຸໂຣຈິຕໍ.

໕໓໙. ປນ຺ຕິ ວີຖ຺ຍາ’ວລິ ເສຓີ, ປາຬິ ເລຂາ ຕຸ ຣາຊິ ຈ;

ປາທໂປ ວິຏປີ ຣຸກ຺ໂຂ, ອໂຄ ສາໂລ ມຫີຣຸໂຫ.

໕໔໐. ທຸໂມ ຕຣຸ ກຸໂຊ ສາຂີ, ຄຈ຺ໂຉ ຕຸ ຂຸທ຺ທປາທໂປ;

ຜລນ຺ຕິ ເຍ ວິນາ ປຸປ຺ຜໍ, ເຕ ວຸຈ຺ຈນ຺ຕິ ວນປ຺ປຕີ.

໕໔໑. ຜລປາກາວສາເນ ໂຍ,

ມຣຕ຺ໂຍ ສຘິ ສາ ຠເວ;

ຕີສຸ ວຎ຺ຈ຺ຍາ’ຜລາ ຈາຖ, ຜລິໂນ ຜລວາ ຜລີ.

໕໔໒. ສມ຺ຜຸລ຺ລິໂຕ ຕຸ ວິກໂຈ, ຜຸລ຺ໂລ ວິກສິໂຕ ຕິສຸ;

ສິໂຣ’ຄ຺ຄໍ ສິຂໂຣ ນິຕ຺ຖີ, ສາຂາ ຕຸ ກຖິຕາ ລຕາ.

໕໔໓. ທລໍ ປລາສໍ ຉທນໍ, ປຓ຺ຓໍ ປຕ຺ຕໍ ຉໂທ ປ຺ຍຖ;

ປລ຺ລໂວ ວາ ກິສລຍໍ, ນວຸພ຺ຠິນ຺ເນ ຕຸ ອງ຺ກຸໂຣ.

໕໔໔. ມກຸລໍ ວາ ກຸຏຸມໂລ, ຂາຣໂກ ຕຸ ຈ ຊາລກໍ;

ກລິກາ ໂກຣໂກ ນິຕ຺ຖີ, ວຓ຺ຏໍ ປຸປ຺ຜາທິພນ຺ຘນໍ.

໕໔໕. ປສໂວ ກຸສຸມໍ ປຸປ຺ຜໍ, ປຣາໂຄ ປຸປ຺ຜໂຊ ຣໂຊ;

ມກຣນ຺ໂທ ມຘຸ ມຕໍ, ຖວໂກ ຕຸ ຈ ໂຄຈ຺ຉໂກ.

໕໔໖. ຜເລ ຕ຺ວາ’ເມ ສລາຏຸ’ຕ຺ໂຕ,

ຜລໍ ຕຸ ປກ຺ກ ມຸຈ຺ຈເຕ;

ຈມ຺ປກ’ມ຺ພາທິກຸສຸມ, ຜລນາມໍ ນປຸໍສເກ.

໕໔໗. ມລ຺ລິກາທີ ຕຸ ກຸສຸເມ, ສລິງ຺ຄາ ວີຫໂຍ ຜເລ;

ຊມ຺ພູ’ຕ຺ຖີ ຊມ຺ພວໍ ຊມ຺ພູ, ວິຏໂປ ວິຏຠີ’ຕ຺ຖິຍໍ.

໕໔໘. ມູລ ມາຣພ຺ຠ ສາຂນ຺ໂຕ, ຂນ຺ໂຘ ຠາໂຄ ຕຣຸສ຺ສ ຖ;

ໂກຏໂຣ ນິຕ຺ຖິຍໍ ຣຸກ຺ຂ, ຈ຺ຉິທ຺ເທ ກຏ຺ຐໍ ຕຸ ທາຣຸ ຈ.

໕໔໙. ພຸນ຺ໂທ ມູລຎ຺ຈ ປາໂທ ຖ, ສງ຺ກຸ’ຕ຺ໂຕ ຂາຓຸນິຕ຺ຖິຍໍ;

ກຣຫາຏໍ ຕຸ ກນ຺ໂທ ຖ, ກຬີໂຣ ມຕ຺ຖໂກ ຠເວ.

໕໕໐. ວລ຺ລຣີ ມຎ຺ຊຣີ ນາຣີ, ວລ຺ລີ ຕຸ ກຖິຕາ ລຕາ;

ຖມ຺ໂຠ ຄຸມ຺ໂພ ຈ ອກ຺ຂນ຺ເຘ, ລຕາ ວິຣູ ປຕານິນີ.

໕໕໑. ອສ຺ສຕ຺ໂຖ ໂພຘິ ຈ ທ຺ວີສຸ, ນິຄ຺ໂຣໂຘ ຕຸ ວໂຏ ຠເວ;

ກພິຏ຺ໂຐ ຈ ກປິຕ຺ໂຖ ຈ, ຍຎ຺ຎງ຺ໂຄ ຕຸ ອຸທຸມ຺ພໂຣ.

໕໕໒. ໂກວິຬາໂຣ ຍຸຄປຕ຺ໂຕ, ອຸທ຺ທາໂລ ວາຕຆາຕໂກ;

ຣາຊຣຸກ຺ໂຂ ກຕມາລີ, ນ຺ທີວໂຣ ພ຺ຍາຘິຆາຕໂກ.

໕໕໓. ທນ຺ຕສໂຐ ຈ ຊມ຺ຠີໂຣ, ວຣໂຓ ຕຸ ກເຣຣິ ຈ;

ກິໍ ສຸໂກ ປາລິຠທ຺ໂທຖ, ວຎ຺ຊຸໂລ ຕຸ ຈ ເວຕໂສ.

໕໕໔. ອມ຺ພາຏໂກປີຕນໂກ, ມຘຸໂກ ຕຸ ມຘຸທ຺ທຸໂມ;

ອໂຖ ຄຸຬຜໂລ ປີລຸ, ໂສຠຎ຺ຊໂນ ຈ ສິຄ຺ຄຸ ຈ.

໕໕໕. ສຕ຺ຕປຓ຺ຓິ ຉຕ຺ຕປຓ຺ໂຓ, ຕິນິໂສ ຕ຺ວ ຕິມຸຕ຺ຕໂກ;

ກິໍ ສຸໂກ ຕຸ ປລາໂສ ຖ,

ອຣິຏ຺ໂຐ ເຜນິໂລ ຠເວ.

໕໕໖. ມາລູຣ ເພລຸວາພິລ຺ໂລ, ປຸນ຺ນາໂຄ ຕຸ ຈ ເກສໂຣ;

ສາລໂວ ຕຸ ຈ ໂລທ຺ໂທ ຖ, ປິຍາໂລ ສນ຺ນກທ຺ທຸ ຈ.

໕໕໗. ລິໂກຈໂກ ຕຖາ’ງ຺ໂກໂລ,

ອຖ ຄຸຄ຺ຄຸລຸ ໂກສິໂກ;

ອມ຺ໂພ ຈູໂຕ ສໂຫ ຕ຺ເວໂສ,

ສຫກາໂຣ ສຸຄນ຺ຘວາ.

໕໕໘. ປຸຓ຺ຑຣີໂກ ຈ ເສຕມ຺ໂພ, ເສລຸ ຕຸ ພຫຸວາຣໂກ;

ເສປຓ຺ຓີ ກາສ຺ມິຣີ ຈາຖ, ໂກລີ ຈ ພທຣີຕ຺ຖິຍໍ.

໕໕໙. ໂກລໍ ຈານິຕ຺ຖີ ພທໂຣ, ປິລກ຺ໂຂ ປິປ຺ປລີ’ຕ຺ຖິຍໍ;

ປາຏລີ ກຓ຺ຫວນ຺ຕາ ຈ, ສາທຸກຓ຺ໂຏ ວິກງ຺ກໂຕ.

໕໖໐. ຕິນ຺ທຸໂກ ກາຬກ຺ຂນ຺ໂຘ ຈ, ຕິມ຺ພຣູສກ ຕິມ຺ພຣູ;

ເອຣາວໂຕ ຕຸ ນາຣງ຺ໂຄ, ກຸລໂກ ກາກຕິນ຺ທຸໂກ.

໕໖໑. ກທມ຺ໂພ ປິຍໂກ ນີໂປ, ຠລ຺ລີ ຠລ຺ລາຕໂກ ຕິສຸ;

ຌາວຸໂກ ປິຈຸໂລ ຈາຖ, ຕິລໂກ ຂຸຣໂກ ຠເວ.

໕໖໒. ຈິຎ຺ຈາ ຈ ຕິນ຺ຕິຓີ ຈາຖ, ຄທ຺ທຠຓ຺ໂຑ ກປີຕໂນ;

ສາໂລ’ສ຺ສກຓ຺ໂຓ ສຊ຺ໂຊ ຖ,

ອຊ຺ຊຸໂນ ກກຸໂຘ ຠເວ.

໕໖໓. ນິຈຸໂລ ມຸຈລິນ຺ໂທ ຈ, ນີໂປ ຖ ປິຍໂກ ຕຖາ;

ອສໂນ ປີຕສາໂລ ຖ,

ໂຄລີໂສ ຌາຏໂລ ຠເວ.

໕໖໔. ຂີຣິກາ ຣາຊາຍຕນໍ, ກຸມ຺ຠີ ກຸມຸທິກາ ຠເວ;

ຍູໂປ [ປູໂຄ (ກ.)] ຕຸ ກມຸໂກ ຈາຖ, ປຏ຺ຏິ ລາຂາປສາທໂນ.

໕໖໕. ອິງ຺ຄຸທີ ຕາປສຕຣຸ, ຠຸຊປຕ຺ໂຕ ຕຸ ອາຠຸຊີ;

ປິຈ຺ຉິລາ ສິມ຺ພລີ ທ຺ວີສຸ, ໂຣຈໂນ ໂກຏສິມ຺ພລີ.

໕໖໖. ປກິຣິໂຍ ປູຕິໂກ ຖ, ໂຣຫີ ໂຣຫິຕໂກ ຠເວ;

ເອຣຓ຺ໂຑ ຕຸ ຈ ອາມຓ຺ໂຑ, ອຖ ສຕ຺ຕຸຜລາ ສມີ.

໕໖໗. ນຕ຺ຕມາໂລ ກຣຎ຺ໂຊ ຖ, ຂທິໂຣ ທນ຺ຕຘາວໂນ;

ໂສມວກ຺ໂກ ຕຸ ກທໂຣ, ສລ຺ໂລຕຸ ມທໂນ ຠເວ.

໕໖໘. ອຖາປິ ອິນ຺ທສາໂລ ຈ, ສລ຺ລກີ ຂາຣໂກ ສິຍາ;

ເທວທາຣຸ ຠທ຺ທທາຣຸ, ຈມ຺ເປຍ຺ໂຍ ຕຸ ຈ ຈມ຺ປໂກ.

໕໖໙. ປນໂສ ກຓ຺ຏກິຜໂລ, ອຠຍາ ຕຸ ຫຣີຕກີ;

ອກ຺ໂຂ ວິຠີຕໂກ ຕີສຸ, ອມຕາ’ມລກີ ຕິສຸ.

໕໗໐. ລພຸໂຊ ລິກຸໂຈ ຈາຖ, ກຓິກາໂຣ ທຸມຸປ຺ປໂລ;

ນິມ຺ໂພ’ຣິຏ຺ໂຐ ປຸຈິມນ຺ໂທ, ກຣໂກ ຕຸ ຈ ທາຬິໂມ.

໕໗໑. ສຣໂລ ປູຕິກຏ຺ຐຎ຺ຈ, ກປິລາ ຕຸ ຈ ສິໍສປາ;

ສາມາ ປິຍງ຺ຄຸ ກງ຺ຄຸປິ, ສິຣີໂສ ຕຸ ຈ ຠຓ຺ຑິໂລ.

໕໗໒. ໂສຓໂກ ທີຆວນ຺ໂຕ ຈ,

ວກຸໂລ ຕຸ ຈ ເກສໂຣ;

ກາໂກທຸມ຺ພຣິກາ ເຜຄ຺ຄຸ, ນາໂຄ ຕຸ ນາຄມາລິກາ.

໕໗໓. ອໂສໂກ ວຎ຺ຊຸໂລ ຈາຖ, ຕກ຺ກາຣີ ເວຊຍນ຺ຕິກາ;

ຕາປິຎ຺ໂຉ ຈ ຕມາໂລ ຖ, ກຸຏໂຊ ຄິຣິມລ຺ລິກາ.

໕໗໔. ອິນ຺ທຍໂວ ຜເລ ຕສ຺ສາ, ຄ຺ຄິມນ຺ໂຖ ກຓິກາ ຠເວ;

ນິຄຸຓ຺ຐິ’ຕ຺ຖີ ສິນ຺ທຸວາໂຣ, ຕິຓສຸຎ຺ຎໍ [ຕິຓສູລໍ (ຏີ.)] ຕຸ ມລ຺ລິກາ.

໕໗໕. ເສຜາລິກາ ນີລິກາ ຖ, ອປ຺ໂຜຏາ ວນມລ຺ລິກາ;

ພນ຺ຘຸໂກ ຊຍສຸມນໍ, ຠຓ຺ຑິໂກ ພນ຺ຘຸຊີວໂກ.

໕໗໖. ສຸມນາ ຊາຕິສຸມນາ, ມາລຕີ ຊາຕິ ວສ຺ສິກີ;

ຍູຖິກາ ມາຄຘີ ຈາຖ, ສຕ຺ຕລາ ນວມລ຺ລິກາ.

໕໗໗. ວາສນ຺ຕີ,ຕ຺ຖີ ອຕິມຸຕ຺ໂຕ, ກຣວີໂຣ’ສ຺ສມາຣໂກ;

ມາຕຸລຸງ຺ໂຄ ພີຊປູໂຣ, ອຸມ຺ມຕ຺ໂຕ ຕຸ ຈ ມາຕຸໂລ.

໕໗໘. ກຣມນ຺ໂທ ສຸເສໂນ ຈ, ກຸນ຺ທໍ ຕຸ ມາຆ຺ຍ ມຸຈ຺ຈເຕ;

ເທວຕາໂສ [ເທວຕາໂຑ (ສີ. ອມຣໂກສ)] ຕຸ ຊີມູໂຕ,

ຖາ’ມິລາໂຕ ມຫາສຫາ.

໕໗໙. ອໂຖ ເສເຣຍ຺ຍໂກ ທາສີ,

ກິໍ ກິຣາໂຕ ກຸຣຓ຺ຏໂກ;

ອຊ຺ຊຸໂກ ສິຕປຓ຺ຓາໂສ, ສມີຣໂຓ ຜຓິຊ຺ຊໂກ.

໕໘໐. ຊປາ ຕຸ ຊຍສຸມນໍ, ກຣີໂຣ ກກໂຈ ຠເວ;

ຣຸກ຺ຂາທນີ ຈ ວນ຺ທາກາ, ຈິຕ຺ຕໂກ ຕ຺ວ’ຄ຺ຄິສຎ຺ຎິໂຕ.

໕໘໑. ອກ຺ໂກ ວິກີຣໂຓ ຕສ຺ມິໍ,

ຕ຺ວ’ ຬກ຺ໂກ ເສຕປຸປ຺ຜເກ;

ປູຕິລຕາ ຄໂຬຈີ ຈ, ມຸພ຺ພາ ມຘຸຣສາ ປ຺ຍຖ.

໕໘໒. ກປິກຈ຺ຉຸ ທຸຜສ຺ໂສ ຖ, ມຎ຺ຊິຏ຺ຐາ ວິກສາ ຠເວ;

ອມ຺ພຏ຺ຐາ ຈ ຕຖາ ປາຐາ, ກຏຸກາ ກຏຸໂຣຫິຓີ.

໕໘໓. ອປາມຄ຺ໂຄ ເສຂຣິໂກ, ປິປ຺ປລີ ມາຄຘີ ມຕາ;

ໂຄກຓ຺ຏໂກ ຈ ສິງ຺ຆາໂຏ, ໂກລວລ຺ລີ’ຠປິປ຺ປລີ.

໕໘໔. ໂຄໂລມີ ຕຸ ວຈາ ຈາຖ, ຄິຣິກຓ຺ຍ’ປຣາຊິຕາ;

ສີຫປຸຈ຺ຉີ ປຎ຺ຫິປຓ຺ຓີ, ສາລປຓ຺ຓີ ຕຸ ຈ’ຕ຺ຖິຣາ; (ຈຖິຣາ).

໕໘໕. ນິທິທ຺ຘິກາ ຕຸ ພ຺ຍຄ຺ຆີ ຈ, ອຖ ນີລີ ຈ ນີລິນີ;

ຊິຎ຺ຊຸໂກ [ຊິຎ຺ຊຸກາ (ກ.)] ເຈວ ຄຸຎ຺ຊາ ຖ, ສຕມູລີ ສຕາວຣີ.

໕໘໖. ມໂຫສຘໍ ຕ຺ວ’ຕິວິສາ, ພາກຸຈີ ໂສມວລ຺ລິກາ;

ທາພ຺ພີ ທາຣຸຫລິທ຺ທາ ຖ, ພິຬງ຺ຄໍ ຈິຕ຺ຣຕຓ຺ຑຸລາ.

໕໘໗. ນຸຫີ ເຈວ ມຫານາໂມ, ມຸທ຺ທິກາ ຕຸ ມຘຸຣສາ;

ອຖາປິ ມຘຸກໍ ຍຏ຺ຐິ, ມຘຸກາມຘຸຍຏ຺ຐິກາ [ມຘຸລຏ຺ຐິກາ (ສີ. ຏີ.)].

໕໘໘. ວາຕິງ຺ຄໂຓ ຈ ຠຓ຺ຑາກີ, ວາຕ຺ຕາກີ ພ຺ຣຫຕີ ປ຺ຍຖ;

ນາຄພລາ ເຈວ ຌສາ, ລາງ຺ຄລີ ຕຸ ຈ ສາຣທີ.

໕໘໙. ຣມ຺ຠາ ຈ ກທລີ ໂມໂຈ, ກປ຺ປາສີ ພທຣາ ຠເວ;

ນາຄລຕາ ຕຸ ຕມ຺ພູລີ, ອຄ຺ຄິຊາລາ ຕຸ ຘາຕກີ.

໕໙໐. ຕິວຸຕາ ຕິປຸຏາ ຈາຖ, ສາມາ ກາຬາ ຈ ກຖ຺ຍເຕ;

ອໂຖ ສິງ຺ຄີ ຈ ອຸສໂຠ, ເຣຓຸກາ ກປິຬາ ຠເວ.

໕໙໑. ຫິຣິເວຣຎ຺ຈ ວາລຎ຺ຈ, ຣຕ຺ຕຜລາ ຕຸ ພິມ຺ພິກາ;

ເສເລຍ຺ຍ’ ມສ຺ມປຸປ຺ຜຎ຺ຈ, ເອລາ ຕຸ ພຫຸລາ ຠເວ.

໕໙໒. ກຸຏ຺ຐຎ຺ຈ ພ຺ຍາຘິ ກຖິໂຕ, ວາເນຍ຺ຍໍ ຕຸ ກຸຏນ຺ນຏໍ;

ໂອສຘິ ຊາຕິມຕ຺ຕມ຺ຫິ, ໂອສຘໍ ສພ຺ພ’ ມຊາຕິຍໍ.

໕໙໓. ມູລໍ ປຕ຺ຕໍ ກຬີຣ’ຄ຺ຄໍ, ກນ຺ທໍ ມິຎ຺ຊາ ຜລໍ ຕຖາ;

ຕໂຈ ປຸປ຺ຜຎ຺ຈ ຉຕ຺ຕນ຺ຕິ, ສາກໍ ທສວິຘໍ ມຕໍ.

໕໙໔. ປປຸນ຺ນາໂຏ ເອຬຄໂລ,

ຕຓ຺ຑຸເລຍ຺ໂຍ’ປ຺ປມາຣິໂສ;

ຊີວນ຺ຕິ ຊີວນີ ຈາຖ, ມຘຸຣໂກ ຈ ຊີວໂກ.

໕໙໕. ມຫາກນ຺ໂທ ຈ ລສຸຓໍ, ປລຓ຺ຑຸ ຕຸ ສຸກນ຺ທໂກ;

ປໂຏໂລ ຕິຕ຺ຕໂກ ຈາຖ, ຠິງ຺ຄຣາໂຊ ຈ ມກ຺ກໂວ.

໕໙໖. ປຸນນ຺ນວາ ໂສຖຆາຕີ, ວິຕຸນ຺ນໍ ສຸນິສຓ຺ຓກໍ;

ກາຣເວລ຺ໂລ ຕຸ ສຸສວີ, ຕຸມ຺ພ຺ຍາ’ລາພຸ ຈ ລາພຸ ສາ.

໕໙໗. ເອຬາລຸກຎ຺ຈ ກກ຺ກາຣີ, ກຸມ຺ຠຓ຺ໂຑ ຕຸ ຈ ວລ຺ລິໂຠ;

ອິນ຺ທວາຣຸຓີ ວິສາລາ, ວຕ຺ຖຸກໍ ວຕ຺ຖຸເລຍ຺ຍໂກ.

໕໙໘. ມູລໂກ ນິຕ຺ຖິຍໍ ຈຸຈ຺ຈຸ, ຕມ຺ພໂກ ຈ ກລມ຺ພໂກ;

ສາກເຠທາ ກາສມທ຺ທ, ຌຊ຺ຌຣີ ຜຄ຺ຄວາ’ທໂຍ.

໕໙໙. ສທ຺ທໂລ ເຈວ ທຸພ຺ພາ ຈ, ໂຄໂລມີ ສາ ສິຕາ ຠເວ;

ຄຸນ຺ທາ ຈ ຠທ຺ທມຸຕ຺ຕຎ຺ຈ, ຣສາໂລ ຕຸ’ຈ຺ຉຸ ເວຬຸ ຕຸ.

໖໐໐. ຕຈສາໂຣ ເວຓຸ ວໍໂສ, ປພ຺ພໍ ຕຸ ຜລຸ ຄຓ຺ຐິໂສ;

ກີຈກາ ເຕ ສິຍຸໍ ເວຓູ, ເຍ ນທນ຺ຕ຺ຍາ’ນິລທ຺ຘຸຕາ.

໖໐໑. ນໂຬ ຈ ຘມໂນ ໂປຏ, ຄໂລ ຕຸ ກາສ ມິຕ຺ຖິ ນ;

ເຕຊໂນ ຕຸ ສໂຣ, ມູລໍ, ຕູ’ ສີຣໍ ພີຣຓສ຺ສ ຫິ.

໖໐໒. ກຸໂສ ວຣຫິສໍ ທພ຺ໂພ, ຠູຕິຓກໍ ຕຸ ຠູຕິຓໍ;

ຆາໂສ ຕຸ ຍວໂສ ຈາຖ,

ປູໂຄ ຕຸ ກມຸໂກ ຠເວ.

໖໐໓. ຕາໂລ ວິເຠທິກາ ຈາຖ, ຂຊ຺ຊຸຣີ ສິນ຺ທິ ວຸຈ຺ຈຕິ;

໖໐໔. ຫິນ຺ຕາລ, ຕາລ, ຂຊ຺ຊູຣີ, ນາລິເກຣາ ຕເຖວ ຈ;