໑໐. ມິຈ຺ຉາວາຍາມສຸຕ຺ຕໍ

໑໒໐. ‘‘ປຎ຺ຈຫິ, ຠິກ຺ຂເວ, ຘມ຺ເມຫິ ສມນ຺ນາຄຕາ ຠິກ຺ຂຸນີ ຍຖາຠຕໍ ນິກ຺ຂິຕ຺ຕາ ເອວໍ ນິຣເຍ. ກຕເມຫິ ປຎ຺ຈຫິ? ອນນຸວິຈ຺ຈ ອປຣິໂຍຄາເຫຕ຺ວາ ອວຓ຺ຓາຣຫສ຺ສ ວຓ຺ຓໍ ຠາສຕິ, ອນນຸວິຈ຺ຈ ອປຣິໂຍຄາເຫຕ຺ວາ ວຓ຺ຓາຣຫສ຺ສ ອວຓ຺ຓໍ ຠາສຕິ, ມິຈ຺ຉາວາຍາມາ ຈ ໂຫຕິ, ມິຈ຺ຉາສຕິນີ ຈ [ມິຈ຺ຉາສຕິ ຈ (ສ຺ຍາ.)], ສທ຺ຘາເທຍ຺ຍໍ ວິນິປາເຕຕິ. ອິເມຫິ ໂຂ, ຠິກ຺ຂເວ, ປຎ຺ຈຫິ ຘມ຺ເມຫິ ສມນ຺ນາຄຕາ ຠິກ຺ຂຸນີ ຍຖາຠຕໍ ນິກ຺ຂິຕ຺ຕາ ເອວໍ ນິຣເຍ.

‘‘ປຎ຺ຈຫິ, ຠິກ຺ຂເວ, ຘມ຺ເມຫິ ສມນ຺ນາຄຕາ ຠິກ຺ຂຸນີ ຍຖາຠຕໍ ນິກ຺ຂິຕ຺ຕາ ເອວໍ ສຄ຺ເຄ. ກຕເມຫິ ປຎ຺ຈຫິ? ອນຸວິຈ຺ຈ ປຣິໂຍຄາເຫຕ຺ວາ ອວຓ຺ຓາຣຫສ຺ສ ອວຓ຺ຓໍ ຠາສຕິ, ອນຸວິຈ຺ຈ ປຣິໂຍຄາເຫຕ຺ວາ ວຓ຺ຓາຣຫສ຺ສ ວຓ຺ຓໍ ຠາສຕິ, ສມ຺ມາວາຍາມາ ຈ ໂຫຕິ, ສມ຺ມາສຕິນີ ຈ, ສທ຺ຘາເທຍ຺ຍໍ ນ ວິນິປາເຕຕິ. ອິເມຫິ ໂຂ, ຠິກ຺ຂເວ, ປຎ຺ຈຫິ ຘມ຺ເມຫິ ສມນ຺ນາຄຕາ ຠິກ຺ຂຸນີ ຍຖາຠຕໍ ນິກ຺ຂິຕ຺ຕາ ເອວໍ ສຄ຺ເຄ’’ຕິ. ທສມໍ.

ອນ຺ຘກວິນ຺ທວຄ຺ໂຄ ທຸຕິໂຍ.