໘. ກມ຺ມນິທານສຸຕ຺ຕໍ

໑໗໔. ‘‘ປາຓາຕິປາຕມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ.

‘‘ອທິນ຺ນາທານມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ.

‘‘ກາເມສຸມິຈ຺ຉາຈາຣມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ.

‘‘ມຸສາວາທມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ.

‘‘ປິສຸຓວາຈມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ.

‘‘ຜຣຸສວາຈມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ.

‘‘ສມ຺ຜປ຺ປລາປມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ.

‘‘ອຠິຊ຺ຌມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ.

‘‘ພ຺ຍາປາທມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ.

‘‘ມິຈ຺ຉາທິຏ຺ຐິມ຺ປາຫໍ, ຠິກ຺ຂເວ, ຕິວິຘໍ ວທາມິ – ໂລຠເຫຕຸກມ຺ປິ, ໂທສເຫຕຸກມ຺ປິ, ໂມຫເຫຕຸກມ຺ປິ. ອິຕິ ໂຂ, ຠິກ຺ຂເວ, ໂລໂຠ ກມ຺ມນິທານສມ຺ຠໂວ, ໂທໂສ ກມ຺ມນິທານສມ຺ຠໂວ, ໂມໂຫ ກມ຺ມນິທານສມ຺ຠໂວ. ໂລຠກ຺ຂຍາ ກມ຺ມນິທານສງ຺ຂໂຍ, ໂທສກ຺ຂຍາ ກມ຺ມນິທານສງ຺ຂໂຍ, ໂມຫກ຺ຂຍາ ກມ຺ມນິທານສງ຺ຂໂຍ’’ຕິ. ອຏ຺ຐມໍ.