(໑໓) ໓. ປຣິສຸທ຺ຘວຄ຺ໂຄ

໑. ປຐມສຸຕ຺ຕໍ

໑໒໓. ‘‘ທສຍິເມ, ຠິກ຺ຂເວ, ຘມ຺ມາ ປຣິສຸທ຺ຘາ ປຣິໂຍທາຕາ, ນາຎ຺ຎຕ຺ຣ ສຸຄຕວິນຍາ. ກຕເມ ທສ? ສມ຺ມາທິຏ຺ຐິ, ສມ຺ມາສງ຺ກປ຺ໂປ, ສມ຺ມາວາຈາ, ສມ຺ມາກມ຺ມນ຺ໂຕ, ສມ຺ມາອາຊີໂວ, ສມ຺ມາວາຍາໂມ, ສມ຺ມາສຕິ, ສມ຺ມາສມາຘິ, ສມ຺ມາຎາຓໍ, ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ຘມ຺ມາ ປຣິສຸທ຺ຘາ ປຣິໂຍທາຕາ, ນາຎ຺ຎຕ຺ຣ ສຸຄຕວິນຍາ’’ຕິ. ປຐມໍ.

໒. ທຸຕິຍສຸຕ຺ຕໍ

໑໒໔. ‘‘ທສຍິເມ, ຠິກ຺ຂເວ, ຘມ຺ມາ ອນຸປ຺ປນ຺ນາ ອຸປ຺ປຊ຺ຊນ຺ຕິ, ນາຎ຺ຎຕ຺ຣ ສຸຄຕວິນຍາ. ກຕເມ ທສ? ສມ຺ມາທິຏ຺ຐິ …ເປ… ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ຘມ຺ມາ ອນຸປ຺ປນ຺ນາ ອຸປ຺ປຊ຺ຊນ຺ຕິ, ນາຎ຺ຎຕ຺ຣ ສຸຄຕວິນຍາ’’ຕິ. ທຸຕິຍໍ.

໓. ຕຕິຍສຸຕ຺ຕໍ

໑໒໕. ‘‘ທສຍິເມ, ຠິກ຺ຂເວ, ຘມ຺ມາ ມຫປ຺ຜລາ ມຫານິສໍສາ, ນາຎ຺ຎຕ຺ຣ ສຸຄຕວິນຍາ. ກຕເມ ທສ? ສມ຺ມາທິຏ຺ຐິ…ເປ… ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ຘມ຺ມາ ມຫປ຺ຜລາ ມຫານິສໍສາ, ນາຎ຺ຎຕ຺ຣ ສຸຄຕວິນຍາ’’ຕິ. ຕຕິຍໍ.

໔. ຈຕຸຕ຺ຖສຸຕ຺ຕໍ

໑໒໖. ‘‘ທສຍິເມ, ຠິກ຺ຂເວ, ຘມ຺ມາ ຣາຄວິນຍປຣິໂຍສານາ ໂຫນ຺ຕິ ໂທສວິນຍປຣິໂຍສານາ ໂຫນ຺ຕິ ໂມຫວິນຍປຣິໂຍສານາ ໂຫນ຺ຕິ, ນາຎ຺ຎຕ຺ຣ ສຸຄຕວິນຍາ. ກຕເມ ທສ? ສມ຺ມາທິຏ຺ຐິ…ເປ… ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ຘມ຺ມາ ຣາຄວິນຍປຣິໂຍສານາ ໂຫນ຺ຕິ ໂທສວິນຍປຣິໂຍສານາ ໂຫນ຺ຕິ ໂມຫວິນຍປຣິໂຍສານາ ໂຫນ຺ຕິ, ນາຎ຺ຎຕ຺ຣ ສຸຄຕວິນຍາ’’ຕິ. ຈຕຸຕ຺ຖໍ.

໕. ປຎ຺ຈມສຸຕ຺ຕໍ

໑໒໗. ‘‘ທສຍິເມ, ຠິກ຺ຂເວ, ຘມ຺ມາ ເອກນ຺ຕນິພ຺ພິທາຍ ວິຣາຄາຍ ນິໂຣຘາຍ ອຸປສມາຍ ອຠິຎ຺ຎາຍ ສມ຺ໂພຘາຍ ນິພ຺ພານາຍ ສໍວຕ຺ຕນ຺ຕິ, ນາຎ຺ຎຕ຺ຣ ສຸຄຕວິນຍາ. ກຕເມ ທສ? ສມ຺ມາທິຏ຺ຐິ…ເປ… ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ຘມ຺ມາ ເອກນ຺ຕນິພ຺ພິທາຍ ວິຣາຄາຍ ນິໂຣຘາຍ ອຸປສມາຍ ອຠິຎ຺ຎາຍ ສມ຺ໂພຘາຍ ນິພ຺ພານາຍ ສໍວຕ຺ຕນ຺ຕິ, ນາຎ຺ຎຕ຺ຣ ສຸຄຕວິນຍາ’’ຕິ. ປຎ຺ຈມໍ.

໖. ຉຏ຺ຐສຸຕ຺ຕໍ

໑໒໘. ‘‘ທສຍິເມ, ຠິກ຺ຂເວ, ຘມ຺ມາ ຠາວິຕາ ພຫຸລີກຕາ ອນຸປ຺ປນ຺ນາ ອຸປ຺ປຊ຺ຊນ຺ຕິ, ນາຎ຺ຎຕ຺ຣ ສຸຄຕວິນຍາ. ກຕເມ ທສ? ສມ຺ມາທິຏ຺ຐິ …ເປ… ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ຘມ຺ມາ ຠາວິຕາ ພຫຸລີກຕາ ອນຸປ຺ປນ຺ນາ ອຸປ຺ປຊ຺ຊນ຺ຕິ, ນາຎ຺ຎຕ຺ຣ ສຸຄຕວິນຍາ’’ຕິ. ຉຏ຺ຐໍ.

໗. ສຕ຺ຕມສຸຕ຺ຕໍ

໑໒໙. ‘‘ທສຍິເມ, ຠິກ຺ຂເວ, ຘມ຺ມາ ຠາວິຕາ ພຫຸລີກຕາ ມຫປ຺ຜລາ ໂຫນ຺ຕິ ມຫານິສໍສາ, ນາຎ຺ຎຕ຺ຣ ສຸຄຕວິນຍາ. ກຕເມ ທສ? ສມ຺ມາທິຏ຺ຐິ…ເປ… ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ຘມ຺ມາ ຠາວິຕາ ພຫຸລີກຕາ ມຫປ຺ຜລາ ໂຫນ຺ຕິ ມຫານິສໍສາ, ນາຎ຺ຎຕ຺ຣ ສຸຄຕວິນຍາ’’ຕິ. ສຕ຺ຕມໍ.

໘. ອຏ຺ຐມສຸຕ຺ຕໍ

໑໓໐. ‘‘ທສຍິເມ, ຠິກ຺ຂເວ, ຘມ຺ມາ ຠາວິຕາ ພຫຸລີກຕາ ຣາຄວິນຍປຣິໂຍສານາ ໂຫນ຺ຕິ ໂທສວິນຍປຣິໂຍສານາ ໂຫນ຺ຕິ ໂມຫວິນຍປຣິໂຍສານາ ໂຫນ຺ຕິ, ນາຎ຺ຎຕ຺ຣ ສຸຄຕວິນຍາ. ກຕເມ ທສ? ສມ຺ມາທິຏ຺ຐິ…ເປ… ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ຘມ຺ມາ ຠາວິຕາ ພຫຸລີກຕາ ຣາຄວິນຍປຣິໂຍສານາ ໂຫນ຺ຕິ ໂທສວິນຍປຣິໂຍສານາ ໂຫນ຺ຕິ ໂມຫວິນຍປຣິໂຍສານາ ໂຫນ຺ຕິ, ນາຎ຺ຎຕ຺ຣ ສຸຄຕວິນຍາ’’ຕິ. ອຏ຺ຐມໍ.

໙. ນວມສຸຕ຺ຕໍ

໑໓໑. ‘‘ທສຍິເມ, ຠິກ຺ຂເວ, ຘມ຺ມາ ຠາວິຕາ ພຫຸລີກຕາ ເອກນ຺ຕນິພ຺ພິທາຍ ວິຣາຄາຍ ນິໂຣຘາຍ ອຸປສມາຍ ອຠິຎ຺ຎາຍ ສມ຺ໂພຘາຍ ນິພ຺ພານາຍ ສໍວຕ຺ຕນ຺ຕິ, ນາຎ຺ຎຕ຺ຣ ສຸຄຕວິນຍາ. ກຕເມ ທສ? ສມ຺ມາທິຏ຺ຐິ…ເປ… ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ຘມ຺ມາ ຠາວິຕາ ພຫຸລີກຕາ ເອກນ຺ຕນິພ຺ພິທາຍ ວິຣາຄາຍ ນິໂຣຘາຍ ອຸປສມາຍ ອຠິຎ຺ຎາຍ ສມ຺ໂພຘາຍ ນິພ຺ພານາຍ ສໍວຕ຺ຕນ຺ຕິ, ນາຎ຺ຎຕ຺ຣ ສຸຄຕວິນຍາ’’ຕິ. ນວມໍ.

໑໐. ທສມສຸຕ຺ຕໍ

໑໓໒. ‘‘ທສຍິເມ, ຠິກ຺ຂເວ, ມິຈ຺ຉຕ຺ຕາ. ກຕເມ ທສ? ມິຈ຺ຉາທິຏ຺ຐິ, ມິຈ຺ຉາສງ຺ກປ຺ໂປ, ມິຈ຺ຉາວາຈາ, ມິຈ຺ຉາກມ຺ມນ຺ໂຕ, ມິຈ຺ຉາອາຊີໂວ, ມິຈ຺ຉາວາຍາໂມ, ມິຈ຺ຉາສຕິ, ມິຈ຺ຉາສມາຘິ, ມິຈ຺ຉາຎາຓໍ, ມິຈ຺ຉາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ມິຈ຺ຉຕ຺ຕາ’’ຕິ. ທສມໍ.

໑໑. ເອກາທສມສຸຕ຺ຕໍ

໑໓໓. ‘‘ທສຍິເມ, ຠິກ຺ຂເວ, ສມ຺ມຕ຺ຕາ. ກຕເມ ທສ? ສມ຺ມາທິຏ຺ຐິ, ສມ຺ມາສງ຺ກປ຺ໂປ, ສມ຺ມາວາຈາ, ສມ຺ມາກມ຺ມນ຺ໂຕ, ສມ຺ມາອາຊີໂວ, ສມ຺ມາວາຍາໂມ, ສມ຺ມາສຕິ, ສມ຺ມາສມາຘິ, ສມ຺ມາຎາຓໍ, ສມ຺ມາວິມຸຕ຺ຕິ – ອິເມ ໂຂ, ຠິກ຺ຂເວ, ທສ ສມ຺ມຕ຺ຕາ’’ຕິ. ເອກາທສມໍ.

ປຣິສຸທ຺ຘວຄ຺ໂຄ ຕຕິໂຍ.