໕. ນິສ຺ສຍສຸຕ຺ຕໍ

໓໕. ‘‘ກຕິຫິ ນຸ ໂຂ, ຠນ຺ເຕ, ຘມ຺ເມຫິ ສມນ຺ນາຄເຕນ ຠິກ຺ຂຸນາ ນິສ຺ສໂຍ ທາຕພ຺ໂພ’’ຕິ? ‘‘ທສຫິ ໂຂ, ອຸປາລິ, ຘມ຺ເມຫິ ສມນ຺ນາຄເຕນ ຠິກ຺ຂຸນາ ນິສ຺ສໂຍ ທາຕພ຺ໂພ. ກຕເມຫິ ທສຫິ? ອິຘຸປາລິ, ຠິກ຺ຂຸ ສີລວາ ໂຫຕິ…ເປ… ສມາທາຍ ສິກ຺ຂຕິ ສິກ຺ຂາປເທສຸ; ພຫຸສ຺ສຸໂຕ ໂຫຕິ…ເປ… ທິຏ຺ຐິຍາ ສຸປ຺ປຏິວິທ຺ຘາ; ປາຕິໂມກ຺ຂໍ ໂຂ ປນສ຺ສ ວິຕ຺ຖາເຣນ ສ຺ວາຄຕໍ ໂຫຕິ ສຸວິຠຕ຺ຕໍ ສຸປ຺ປວຕ຺ຕໍ ສຸວິນິຈ຺ຉິຕໍ ສຸຕ຺ຕໂສ ອນຸພ຺ຍຎ຺ຊນໂສ; ປຏິພໂລ ໂຫຕິ ຄິລານໍ ອຸປຏ຺ຐາຕຸໍ ວາ ອຸປຏ຺ຐາເປຕຸໍ ວາ; ປຏິພໂລ ໂຫຕິ ອນຠິຣຕິໍ ວູປກາເສຕຸໍ ວາ ວູປກາສາເປຕຸໍ ວາ; ປຏິພໂລ ໂຫຕິ ອຸປ຺ປນ຺ນໍ ກຸກ຺ກຸຈ຺ຈໍ ຘມ຺ມໂຕ ວິໂນເທຕຸໍ; ປຏິພໂລ ໂຫຕິ ອຸປ຺ປນ຺ນໍ ທິຏ຺ຐິຄຕໍ ຘມ຺ມໂຕ ວິເວເຈຕຸໍ; ປຏິພໂລ ໂຫຕິ ອຘິສີເລ…ເປ… ອຘິຈິຕ຺ເຕ… ອຘິປຎ຺ຎາຍ ສມາທເປຕຸໍ. ອິເມຫິ ໂຂ, ອຸປາລິ, ທສຫິ ຘມ຺ເມຫິ ສມນ຺ນາຄເຕນ ຠິກ຺ຂຸນາ ນິສ຺ສໂຍ ທາຕພ຺ໂພ’’ຕິ. ປຎ຺ຈມໍ.