೫. ಸೋಳಸಕಮ್ಮಾದಿ

೪೭೮. ಕತಿ ಕಮ್ಮಾನಿ ವುತ್ತಾನಿ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ಸೋಳಸ ಕಮ್ಮಾನಿ ವುತ್ತಾನಿ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಕಮ್ಮದೋಸಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ದ್ವಾದಸ ಕಮ್ಮದೋಸಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಕಮ್ಮಸಮ್ಪತ್ತಿಯೋ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ಚತಸ್ಸೋ ಕಮ್ಮಸಮ್ಪತ್ತಿಯೋ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಕಮ್ಮಾನಿ ವುತ್ತಾನಿ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ಛ ಕಮ್ಮಾನಿ ವುತ್ತಾನಿ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಕಮ್ಮಾನಿ ವುತ್ತಾನಿ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ಚತ್ತಾರಿ ಕಮ್ಮಾನಿ ವುತ್ತಾನಿ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಪಾರಾಜಿಕಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ಅಟ್ಠ ಪಾರಾಜಿಕಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಸಙ್ಘಾದಿಸೇಸಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ತೇವೀಸ ಸಙ್ಘಾದಿಸೇಸಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಅನಿಯತಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ದ್ವೇ ಅನಿಯತಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ನಿಸ್ಸಗ್ಗಿಯಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ದ್ವೇಚತ್ತಾಲೀಸ ನಿಸ್ಸಗ್ಗಿಯಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಪಾಚಿತ್ತಿಯಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ಅಟ್ಠಾಸೀತಿಸತಂ ಪಾಚಿತ್ತಿಯಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಪಾಟಿದೇಸನೀಯಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ದ್ವಾದಸ ಪಾಟಿದೇಸನೀಯಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಕತಿ ಸೇಖಿಯಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಮ ತೇ.

ಪಞ್ಚಸತ್ತತಿ ಸೇಖಿಯಾ ವುತ್ತಾ, ಬುದ್ಧೇನಾದಿಚ್ಚಬನ್ಧುನಾ;

ವಿನಯಂ ಪಟಿಜಾನನ್ತಸ್ಸ, ವಿನಯಾನಿ ಸುಣೋಹಿ ಮೇ.

ಯಾವ ಸುಪುಚ್ಛಿತಂ ತಯಾ, ಯಾವ ಸುವಿಸ್ಸಜ್ಜಿತಂ ಮಯಾ;

ಪುಚ್ಛಾವಿಸ್ಸಜ್ಜನಾಯ ವಾ, ನತ್ಥಿ ಕಿಞ್ಚಿ ಅಸುತ್ತಕನ್ತಿ.

ದುತಿಯಗಾಥಾಸಙ್ಗಣಿಕಂ ನಿಟ್ಠಿತಂ.