೧೧. ಸಙ್ಘಭೇದಕವಗ್ಗೋ

೪೫೯. [ಚೂಳವ. ೩೫೪-೩೫೫; ಅ. ನಿ. ೧೦.೩೮ ಆದಯೋ] ‘‘ಕತಿಹಿ ನು ಖೋ, ಭನ್ತೇ, ಅಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ’’ತಿ? ‘‘ಪಞ್ಚಹುಪಾಲಿ, ಅಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ. ಕತಮೇಹಿ ಪಞ್ಚಹಿ? ಇಧುಪಾಲಿ, ಭಿಕ್ಖು ಅಧಮ್ಮಂ ಧಮ್ಮೋತಿ ದೀಪೇತಿ, ಧಮ್ಮಂ ಅಧಮ್ಮೋತಿ ದೀಪೇತಿ, ಅವಿನಯಂ ವಿನಯೋತಿ ದೀಪೇತಿ, ವಿನಯಂ ಅವಿನಯೋತಿ ದೀಪೇತಿ, ವಿನಿಧಾಯ ದಿಟ್ಠಿಂ ಕಮ್ಮೇನ – ಇಮೇಹಿ ಖೋ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ.

‘‘ಅಪರೇಹಿಪಿ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ. ಕತಮೇಹಿ ಪಞ್ಚಹಿ? ಇಧುಪಾಲಿ, ಭಿಕ್ಖು ಅಧಮ್ಮಂ ಧಮ್ಮೋತಿ ದೀಪೇತಿ, ಧಮ್ಮಂ ಅಧಮ್ಮೋತಿ ದೀಪೇತಿ, ಅವಿನಯಂ ವಿನಯೋತಿ ದೀಪೇತಿ, ವಿನಯಂ ಅವಿನಯೋತಿ ದೀಪೇತಿ, ವಿನಿಧಾಯ ದಿಟ್ಠಿಂ ಉದ್ದೇಸೇನ – ಇಮೇಹಿ ಖೋ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ.

‘‘ಅಪರೇಹಿಪಿ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ. ಕತಮೇಹಿ ಪಞ್ಚಹಿ? ಇಧುಪಾಲಿ, ಭಿಕ್ಖು ಅಧಮ್ಮಂ ಧಮ್ಮೋತಿ ದೀಪೇತಿ, ಧಮ್ಮಂ ಅಧಮ್ಮೋತಿ ದೀಪೇತಿ, ಅವಿನಯಂ ವಿನಯೋತಿ ದೀಪೇತಿ, ವಿನಯಂ ಅವಿನಯೋತಿ ದೀಪೇತಿ, ವಿನಿಧಾಯ ದಿಟ್ಠಿ ವೋಹರನ್ತೋ – ಇಮೇಹಿ ಖೋ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ.

‘‘ಅಪರೇಹಿಪಿ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ. ಕತಮೇಹಿ ಪಞ್ಚಹಿ? ಇಧುಪಾಲಿ, ಭಿಕ್ಖು ಅಧಮ್ಮಂ ಧಮ್ಮೋತಿ ದೀಪೇತಿ, ಧಮ್ಮಂ ಅಧಮ್ಮೋತಿ ದೀಪೇತಿ, ಅವಿನಯಂ ವಿನಯೋತಿ ದೀಪೇತಿ, ವಿನಯಂ ಅವಿನಯೋತಿ ದೀಪೇತಿ, ವಿನಿಧಾಯ ದಿಟ್ಠಿಂ ಅನುಸ್ಸಾವನೇನ – ಇಮೇಹಿ ಖೋ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ.

‘‘ಅಪರೇಹಿಪಿ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ. ಕತಮೇಹಿ ಪಞ್ಚಹಿ? ಇಧುಪಾಲಿ, ಭಿಕ್ಖು ಅಧಮ್ಮಂ ಧಮ್ಮೋತಿ ದೀಪೇತಿ, ಧಮ್ಮಂ ಅಧಮ್ಮೋತಿ ದೀಪೇತಿ, ಅವಿನಯಂ ವಿನಯೋತಿ ದೀಪೇತಿ, ವಿನಯಂ ಅವಿನಯೋತಿ ದೀಪೇತಿ, ವಿನಿಧಾಯ ದಿಟ್ಠಿಂ ಸಲಾಕಗ್ಗಾಹೇನ – ಇಮೇಹಿ ಖೋ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ.

‘‘ಅಪರೇಹಿಪಿ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ. ಕತಮೇಹಿ ಪಞ್ಚಹಿ? ಇಧುಪಾಲಿ, ಭಿಕ್ಖು ಅಧಮ್ಮಂ ಧಮ್ಮೋತಿ ದೀಪೇತಿ, ಧಮ್ಮಂ ಅಧಮ್ಮೋತಿ ದೀಪೇತಿ, ಅವಿನಯಂ ವಿನಯೋತಿ ದೀಪೇತಿ, ವಿನಯಂ ಅವಿನಯೋತಿ ದೀಪೇತಿ, ವಿನಿಧಾಯ ಖನ್ತಿಂ ಕಮ್ಮೇನ…ಪೇ… ವಿನಿಧಾಯ ಖನ್ತಿಂ ಉದ್ದೇಸೇನ…ಪೇ… ವಿನಿಧಾಯ ಖನ್ತಿಂ ವೋಹರನ್ತೋ…ಪೇ… ವಿನಿಧಾಯ ಖನ್ತಿಂ ಅನುಸ್ಸಾವನೇನ…ಪೇ… ವಿನಿಧಾಯ ಖನ್ತಿಂ ಸಲಾಕಗ್ಗಾಹೇನ – ಇಮೇಹಿ ಖೋ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ.

‘‘ಅಪರೇಹಿಪಿ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ. ಕತಮೇಹಿ ಪಞ್ಚಹಿ? ಇಧುಪಾಲಿ, ಭಿಕ್ಖು ಅಧಮ್ಮಂ ಧಮ್ಮೋತಿ ದೀಪೇತಿ, ಧಮ್ಮಂ ಅಧಮ್ಮೋತಿ ದೀಪೇತಿ ಅವಿನಯಂ ವಿನಯೋತಿ ದೀಪೇತಿ, ವಿನಯಂ ಅವಿನಯೋತಿ ದೀಪೇತಿ, ವಿನಿಧಾಯ ರುಚಿಂ ಕಮ್ಮೇನ…ಪೇ… ವಿನಿಧಾಯ ರುಚಿಂ ಉದ್ದೇಸೇನ…ಪೇ… ವಿನಿಧಾಯ ರುಚಿಂ ವೋಹರನ್ತೋ…ಪೇ… ವಿನಿಧಾಯ ರುಚಿಂ ಅನುಸ್ಸಾವನೇನ…ಪೇ… ವಿನಿಧಾಯ ರುಚಿಂ ಸಲಾಕಗ್ಗಾಹೇನ – ಇಮೇಹಿ ಖೋ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ.

‘‘ಅಪರೇಹಿಪಿ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ. ಕತಮೇಹಿ ಪಞ್ಚಹಿ? ಇಧುಪಾಲಿ, ಭಿಕ್ಖು ಅಧಮ್ಮಂ ಧಮ್ಮೋತಿ ದೀಪೇತಿ, ಧಮ್ಮಂ ಅಧಮ್ಮೋತಿ ದೀಪೇತಿ, ಅವಿನಯಂ ವಿನಯೋತಿ ದೀಪೇತಿ, ವಿನಯಂ ಅವಿನಯೋತಿ ದೀಪೇತಿ, ವಿನಿಧಾಯ ಸಞ್ಞಂ ಕಮ್ಮೇನ…ಪೇ… ವಿನಿಧಾಯ ಸಞ್ಞಂ ಉದ್ದೇಸೇನ…ಪೇ… ವಿನಿಧಾಯ ಸಞ್ಞಂ ವೋಹರನ್ತೋ…ಪೇ… ವಿನಿಧಾಯ ಸಞ್ಞಂ ಅನುಸ್ಸಾವನೇನ…ಪೇ… ವಿನಿಧಾಯ ಸಞ್ಞಂ ಸಲಾಕಗ್ಗಾಹೇನ – ಇಮೇಹಿ ಖೋ, ಉಪಾಲಿ, ಪಞ್ಚಹಙ್ಗೇಹಿ ಸಮನ್ನಾಗತೋ ಸಙ್ಘಭೇದಕೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ’’ತಿ.

ಸಙ್ಘಭೇದಕವಗ್ಗೋ ನಿಟ್ಠಿತೋ ಏಕಾದಸಮೋ.

ತಸ್ಸುದ್ದಾನಂ –

ವಿನಿಧಾಯ ದಿಟ್ಠಿಂ ಕಮ್ಮೇನ, ಉದ್ದೇಸೇ ವೋಹರೇನ ಚ;

ಅನುಸ್ಸಾವನೇ ಸಲಾಕೇನ, ಪಞ್ಚೇತೇ ದಿಟ್ಠಿನಿಸ್ಸಿತಾ;

ಖನ್ತಿಂ ರುಚಿಞ್ಚ ಸಞ್ಞಞ್ಚ, ತಯೋ ತೇ ಪಞ್ಚಧಾ ನಯಾತಿ.