೬. ಅಧಿಕರಣವಾರೋ

೨೪೪. ಅವಸ್ಸುತಾ ಭಿಕ್ಖುನಿಯಾ ಅವಸ್ಸುತಸ್ಸ ಪುರಿಸಪುಗ್ಗಲಸ್ಸ ಕಾಯಸಂಸಗ್ಗಂ ಸಾದಿಯನ್ತಿಯಾ ಆಪತ್ತಿಯೋ ಚತುನ್ನಂ ಅಧಿಕರಣಾನಂ ಕತಮಂ ಅಧಿಕರಣಂ? ಅವಸ್ಸುತಾಯ ಭಿಕ್ಖುನಿಯಾ ಅವಸ್ಸುತಸ್ಸ ಪುರಿಸಪುಗ್ಗಲಸ್ಸ ಕಾಯಸಂಸಗ್ಗಂ ಸಾದಿಯನ್ತಿಯಾ ಆಪತ್ತಿಯೋ ಚತುನ್ನಂ ಅಧಿಕರಣಾನಂ – ಆಪತ್ತಾಧಿಕರಣಂ…ಪೇ….

ದಧಿಂ ವಿಞ್ಞಾಪೇತ್ವಾ ಭುಞ್ಜನ್ತಿಯಾ ಆಪತ್ತಿಯೋ ಚತುನ್ನಂ ಅಧಿಕರಣಾನಂ ಕತಮಂ ಅಧಿಕರಣಂ? ದಧಿಂ ವಿಞ್ಞಾಪೇತ್ವಾ ಭುಞ್ಜನ್ತಿಯಾ ಆಪತ್ತಿಯೋ ಚತುನ್ನಂ ಅಧಿಕರಣಾನಂ – ಆಪತ್ತಾಧಿಕರಣಂ.

ಅಧಿಕರಣವಾರೋ ನಿಟ್ಠಿತೋ ಛಟ್ಠೋ.