೧೦೪. ಗನ್ತಬ್ಬವಾರೋ

೧೮೨. ಗನ್ತಬ್ಬೋ, ಭಿಕ್ಖವೇ, ತದಹುಪೋಸಥೇ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಆವಾಸೋ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ – ‘‘ಸಕ್ಕೋಮಿ ಅಜ್ಜೇವ ಗನ್ತು’’ನ್ತಿ. ಗನ್ತಬ್ಬೋ, ಭಿಕ್ಖವೇ, ತದಹುಪೋಸಥೇ ಸಭಿಕ್ಖುಕಾ ಆವಾಸಾ ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ – ‘‘ಸಕ್ಕೋಮಿ ಅಜ್ಜೇವ ಗನ್ತು’’ನ್ತಿ.

ಗನ್ತಬ್ಬೋ, ಭಿಕ್ಖವೇ, ತದಹುಪೋಸಥೇ ಸಭಿಕ್ಖುಕಾ ಅನಾವಾಸಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ – ‘‘ಸಕ್ಕೋಮಿ ಅಜ್ಜೇವ ಗನ್ತು’’ನ್ತಿ.

ಗನ್ತಬ್ಬೋ, ಭಿಕ್ಖವೇ, ತದಹುಪೋಸಥೇ ಸಭಿಕ್ಖುಕಾ ಆವಾಸಾ ವಾ ಅನಾವಾಸಾ ವಾ ಸಭಿಕ್ಖುಕೋ ಆವಾಸೋ…ಪೇ… ಸಭಿಕ್ಖುಕೋ ಅನಾವಾಸೋ…ಪೇ… ಸಭಿಕ್ಖುಕೋ ಆವಾಸೋ ವಾ ಅನಾವಾಸೋ ವಾ, ಯತ್ಥಸ್ಸು ಭಿಕ್ಖೂ ಸಮಾನಸಂವಾಸಕಾ, ಯಂ ಜಞ್ಞಾ – ‘‘ಸಕ್ಕೋಮಿ ಅಜ್ಜೇವ ಗನ್ತು’’ನ್ತಿ.

ಗನ್ತಬ್ಬವಾರೋ ನಿಟ್ಠಿತೋ.