೧೦. ಜೀವಿತಿನ್ದ್ರಿಯಕಥಾವಣ್ಣನಾ

೫೪೦. ಅನ್ತಂ ಗಹೇತ್ವಾ ವದತೀತಿ ‘‘ಅತ್ಥಿ ಅರೂಪಧಮ್ಮಾನಂ ಆಯು ಠಿತಿ ಯಪನಾ ಯಾಪನಾ ಇರಿಯನಾ ವತ್ತನಾ ಪಾಲನಾ, ಅತ್ಥಿ ಅರೂಪಜೀವಿತಿನ್ದ್ರಿಯ’’ನ್ತಿ ತಸ್ಮಿಂ ಪಞ್ಹೇ ‘‘ಅತ್ಥಿ ಅರೂಪಜೀವಿತಿನ್ದ್ರಿಯ’’ನ್ತಿ ಇಮಂ ಅನ್ತಂ ಪರಿಯೋಸಾನಂ ಗಹೇತ್ವಾ ವದತಿ. ವತ್ತುಂ ಯುತ್ತೋ ಸಮುದಾಯಸ್ಸ ಇಚ್ಛನ್ತೋ ತದವಯವಸ್ಸ ಇಚ್ಛತೀತಿ. ನ ಹಿ ಅವಯವೇಹಿ ವಿನಾ ಸಮುದಾಯೋ ನಾಮ ಅತ್ಥಿ.

೫೪೧. ತಮೇವಾತಿ ಅರೂಪಂ ಚಿತ್ತವಿಪ್ಪಯುತ್ತಮೇವ.

೫೪೨. ತದಾಪೀತಿ ಸಮಾಪಜ್ಜನವುಟ್ಠಾನಕಾಲೇಪಿ.

೫೪೪-೫೪೫. ಸೋ ಯುತ್ತೋ ದ್ವಿನ್ನಂ ರೂಪಾರೂಪಜೀವಿತಿನ್ದ್ರಿಯಾನಂ ಸಕಸಮಯೇ ಇಚ್ಛಿತತ್ತಾ.

ಜೀವಿತಿನ್ದ್ರಿಯಕಥಾವಣ್ಣನಾ ನಿಟ್ಠಿತಾ.