೫. ರೂಪಧಾತುಕಥಾವಣ್ಣನಾ

೫೧೫-೫೧೬. ರೂಪಧಾತೂತಿ ವಚನತೋತಿ ‘‘ಕಾಮಧಾತುರೂಪಧಾತುಅರೂಪಧಾತೂ’’ತಿ ಏತ್ಥ ರೂಪಧಾತೂತಿ ವುತ್ತತ್ತಾ. ರೂಪೀಧಮ್ಮೇಹೇವಾತಿ ರುಪ್ಪನಸಭಾವೇಹಿಯೇವ ಧಮ್ಮೇಹಿ. ‘‘ತಯೋಮೇ ಭವಾ’’ತಿಆದಿನಾ ಪರಿಚ್ಛಿನ್ನಾತಿ ತಯೋಮೇ ಭವಾ, ತಿಸ್ಸೋ ಧಾತುಯೋತಿ ಚ ಏವಂ ಪರಿಚ್ಛಿನ್ನಾ. ‘‘ಧಾತುಯಾ ಆಗತಟ್ಠಾನೇ ಭವೇನ ಪರಿಚ್ಛಿನ್ದಿತಬ್ಬಂ, ಭವಸ್ಸ ಆಗತಟ್ಠಾನೇ ಧಾತುಯಾ ಪರಿಚ್ಛಿನ್ದಿತಬ್ಬ’’ನ್ತಿ ಹಿ ವುತ್ತಂ, ತಸ್ಮಾ ಕಾಮರೂಪಾರೂಪಾವಚರಧಮ್ಮಾವ ತಂತಂಭುಮ್ಮಭಾವೇನ ಪರಿಚ್ಛಿನ್ನಾ ಏವಂ ವುತ್ತಾ.

ರೂಪಧಾತುಕಥಾವಣ್ಣನಾ ನಿಟ್ಠಿತಾ.