೯. ಪಟುಪ್ಪನ್ನಞಾಣಕಥಾವಣ್ಣನಾ

೪೪೧-೪೪೨. ‘‘ಸಬ್ಬಸಙ್ಖಾರೇಸು ಅನಿಚ್ಚತೋ ದಿಟ್ಠೇಸೂ’’ತಿ ವುತ್ತೇ ಯಂ ದಸ್ಸನಭೂತಂ ಞಾಣಂ, ತಮ್ಪಿ ಸಙ್ಖಾರಸಭಾವತ್ತಾ ತಥಾದಿಟ್ಠಂ ಸಿಯಾತಿ ಅತ್ಥತೋ ಆಪಜ್ಜತಿ, ಏವಂಭೂತಂ ವಚನಂ ಸನ್ಧಾಯಾಹ ‘‘ಅತ್ಥತೋ ಆಪನ್ನಂ ವಚನ’’ನ್ತಿ. ತಂ ಪನ ಯಸ್ಮಾ ‘‘ತಮ್ಪಿ ಞಾಣಂ ಅನಿಚ್ಚತೋ ದಿಟ್ಠಂ ಹೋತೀ’’ತಿ ಪಟಿಜಾನನವಸೇನ ಪವತ್ತಂ, ತಸ್ಮಾ ‘‘ಅನುಜಾನನವಚನ’’ನ್ತಿ ವುತ್ತಂ. ಭಙ್ಗಾನುಪಸ್ಸನಾನಂ ಪಬನ್ಧವಸೇನ ಪವತ್ತಮಾನಾನಂ.

ಪಟುಪ್ಪನ್ನಞಾಣಕಥಾವಣ್ಣನಾ ನಿಟ್ಠಿತಾ.