೯. ತತಿಯಸಞ್ಞಾವೇದಯಿತಕಥಾವಣ್ಣನಾ

೭೩೨. ಯದಿಪಿ ಸೇಸಂ ನಾಮ ಗಹಿತತೋ ಅಞ್ಞಂ, ತಥಾಪಿ ಪಕರಣಪರಿಚ್ಛಿನ್ನಮೇವೇತ್ಥ ತಂ ಗಯ್ಹತೀತಿ ದಸ್ಸೇನ್ತೋ ‘‘ಯೇಸಂ…ಪೇ… ಅಧಿಪ್ಪಾಯೋ’’ತಿ ವತ್ವಾ ಪುನ ಅನವಸೇಸಮೇವ ಸಙ್ಗಣ್ಹನ್ತೋ ‘‘ಅಸಞ್ಞಸತ್ತಾನಮ್ಪಿ ಚಾ’’ತಿಆದಿಮಾಹ. ತತ್ಥ ಸಬ್ಬಸತ್ತೇ ಸನ್ಧಾಯಾತಿ ಅಧಿಪ್ಪಾಯೋತಿ ಯೋಜನಾ. ಪಾಣಿಸಮ್ಫಸ್ಸಾಪಿ ಕಮನ್ತೀತಿಆದಿಕಂ ಸರೀರಪಕತೀತಿ ಸಮ್ಬನ್ಧೋ.

೭೩೩-೭೩೪. ಪಞ್ಚಹಿ ವಿಞ್ಞಾಣೇಹಿ ನ ಚವತಿ, ನ ಉಪಪಜ್ಜತೀತಿ ವಾದಂ ಪರವಾದೀ ನಾನುಜಾನಾತೀತಿ ಆಹ ‘‘ಸುತ್ತ…ಪೇ… ವತ್ತಬ್ಬ’’ನ್ತಿ.

ತತಿಯಸಞ್ಞಾವೇದಯಿತಕಥಾವಣ್ಣನಾ ನಿಟ್ಠಿತಾ.