೮. ಸಮಾಧಿಕಥಾವಣ್ಣನಾ

೬೨೫-೬೨೬. ಸಮಂ ಠಪನಟ್ಠೇನಾತಿ ಸಮಂ ವಿಸಮಂ ಲೀನುದ್ಧಚ್ಚಾದಿಂ ಪಟಿಬಾಹಿತ್ವಾ, ವಿಕ್ಖೇಪಮೇವ ವಾ ವಿದ್ಧಂಸೇತ್ವಾ ಠಪನಟ್ಠೇನ. ‘‘ಚಿತ್ತಸನ್ತತಿ ಸಮಾಧೀ’’ತಿ ವದನ್ತೇನ ತಸ್ಸ ಚೇತಸಿಕಭಾವೋ ಪಟಿಕ್ಖಿತ್ತೋ ಹೋತೀತಿ ಆಹ ‘‘ಚೇತಸಿಕನ್ತರಂ ಅತ್ಥೀತಿ ಅಗ್ಗಹೇತ್ವಾ’’ತಿ. ಭಾವನಾಯ ಆಹಿತವಿಸೇಸಾಯ ಏಕಗ್ಗತಾಯ ವಿಜ್ಜಮಾನವಿಸೇಸಪಟಿಕ್ಖೇಪೋ ಛಲಂ, ಸೋ ಪನಸ್ಸ ಅನಾಹಿತವಿಸೇಸಾಯ ಏಕಗ್ಗತಾಯ ಸಾಮಞ್ಞೇನಾತಿ ಆಹ ‘‘ಸಾಮಞ್ಞಮತ್ತೇನಾ’’ತಿ.

ಸಮಾಧಿಕಥಾವಣ್ಣನಾ ನಿಟ್ಠಿತಾ.